ವಿಷು ಸಂತೆ: ಮಾರಾಟಮೇಳಕ್ಕೆ ಕಾಞಂಗಾಡಿನಲ್ಲಿ ಚಾಲನೆ

              ಕಾಸರಗೋಡು: ವಿಷಮುಕ್ತ ಪದಾರ್ಥಗಳೊಂದಿಗೆ ವಿಷುವನ್ನು ಸ್ವಾಗತಿಸಲು ಕುಟುಂಬಶ್ರೀ ಕಾರ್ಯಕರ್ತರು ಕಾಞಂಗಾಡಿನಲ್ಲಿ ವಿಷಮುಕ್ತ ವಿಷುಸಂತೆ ಆರಂಭಿಸಿದರು. ಕುಟುಂಬಶ್ರೀ ಕಾರ್ಯಕರ್ತರು ತಮ್ಮ ಮನೆಯಲ್ಲಿ ಬೆಳೆದ ಸಾವಯವ ತರಕಾರಿಗಳು, ಆಹಾರ ಉತ್ಪನ್ನಗಳು ಮತ್ತು ವಿವಿಧ ಉಡುಪುಗಳನ್ನು ಕುಟುಂಬಶ್ರೀ ಕಾರ್ಯಕರ್ತರು ಸ್ವತಃ ಸ್ಥಾಪಿಸಿದ ಸ್ಟಾಲ್‍ಗಳ ಮೂಲಕ ಮಾರಾಟ ಮಾಡಲಾಗುತ್ತದೆ. 

               ಇತರೆ ರಾಜ್ಯಗಳಿಂದ ಕಲಬೆರಕೆ ಆಹಾರ ಉತ್ಪನ್ನಗಳ ಆಮದು ತಡೆಯುವ ಉದ್ದೇಶದಿಂದ ಹಬ್ಬ ಹರಿದಿನಗಳಲ್ಲಿ ಕುಟುಂಬಶ್ರೀ ಬಜಾರ್‍ಗಳನ್ನು ವ್ಯವಸ್ಥೆಗೊಳಿಸಲಾಗುತ್ತಿದೆ. ಹೊಸದುರ್ಗ ಮಿನಿ ಸಿವಿಲ್ ಸ್ಟೇಷನ್ ಬಳಿ ಮತ್ತು ಕೋಟ್ಟಚೇರಿ ಬಸ್ ನಿಲ್ದಾಣದ ಬಳಿ ಸ್ಟಾಲ್ ವ್ಯವಸ್ಥೆ ಮಾಡಲಾಗಿದೆ.  ಮಾರಾಟಮೇಳಕ್ಕೆ ಸ್ಥಾಯೀ ಸಮಿತಿ ಅದ್ಯಕ್ಷರಾದ ಸೂರ್ಯಜಾನಕಿ, ಕೆ.ಸುಜಿನಿ, ಉಪಾಧ್ಯಕ್ಷರಾದ ಕೆ.ವಿ.ಉಷಾ, ಆಶಾ ನೇತೃತ್ವ ವಹಿಸಿದ್ದರು. ಸ್ಟಾಲ್ ವಿವಿಧ ರೀತಿಯ ಉತ್ಪನ್ನಗಳನ್ನು ಹೊಂದಿದ್ದು,  ವಿಷುವಿನ ಹಿಂದಿನ ದಿನದವರೆಗೂ ಮಳಿಗೆ ತೆರೆದಿರುತ್ತದೆ. ಚಂದಾ ನಗರಸಭೆ ಅಧ್ಯಕ್ಷೆ ಕೆ.ವಿ.ಸುಜಾತಾ ಮಾರಾಟಮೇಳಕ್ಕೆ ಚಾಲನೆ ನೀಡಿದರು. ಸ್ಥಾಯಿ ಸಮಿತಿ ಅಧ್ಯಕ್ಷ ಪಿ.ಅಹ್ಮದಲಿ ಅಧ್ಯಕ್ಷತೆ ವಹಿಸಿದ್ದರು. ಉಪಾಧ್ಯಕ್ಷ ಬಿಲ್ಟೆಕ್ ಅಬ್ದುಲ್ಲಾ, ಸ್ಥಾಯಿ ಸಮಿತಿ ಅಧ್ಯಕ್ಷ ಕೆ.ಅನಿಶನ್, ಕೌನ್ಸಿಲರ್‍ಗಳಾದ ಕುಸುಮ್ ಹೆಗ್ಡೆ, ಕೆ.ರವೀಂದ್ರನ್ ಉಪಸ್ಥಿತರಿದ್ದರು.