ಪಾಪ್ಯುಲರ್ ಫ್ರಂಟ್ ಕಾರ್ಯಕರ್ತರಿಗೆ ಆಲುವಾದಲ್ಲಿ ತರಬೇತಿ ನೀಡಿದ ಅಗ್ನಿಶಾಮಕ ದಳದ ಕೃತ್ಯ ಮಹಾಲೋಪ: ಕ್ರಮಕ್ಕೆ ಆದೇಶ: ವರದಿ

                                            

                     ಕೊಚ್ಚಿ: ಆಲುವಾದಲ್ಲಿ ಅಗ್ನಿಶಾಮಕ ದಳದವರು ಪಾಪ್ಯುಲರ್ ಫ್ರಂಟ್ ಗೆ ತರಬೇತಿ ನೀಡಿದ ಘಟನೆಯ ವರದಿಯನ್ನು ಡಿಜಿಪಿ ಬಿ.ಸಂಧ್ಯಾ  ಗೃಹ ಇಲಾಖೆಗೆ ಹಸ್ತಾಂತರಿಸಿದ್ದಾರೆ. ವರದಿ ಪ್ರಕಾರ  ಅಗ್ನಿಶಾಮಕ ದಳಕ್ಕೆ ಘಟನೆಯ ಬಳಿಕ ತೀವ್ರ ಪೆಟ್ಟು ಬಿದ್ದಿದೆ. ಉನ್ನತ ಅಧಿಕಾರಿಗಳು ಸೇರಿದಂತೆ ಐವರ ವಿರುದ್ಧ ಕ್ರಮಕ್ಕೆ ಶಿಫಾರಸು ಮಾಡಿದೆ. ಘಟನೆಯ ಕುರಿತು ಎರಡು ದಿನಗಳಲ್ಲಿ ವರದಿ ಸಲ್ಲಿಸುವಂತೆ ಕೊಚ್ಚಿ ಪ್ರಾದೇಶಿಕ ಅಧಿಕಾರಿಗೆ ಸಂಧ್ಯಾ ಸೂಚಿಸಿದ್ದರು.

               ಆರ್‍ಎಫ್‍ಒ, ಜಿಲ್ಲಾ ಅಗ್ನಿಶಾಮಕ ದಳದ ಅಧಿಕಾರಿ ಹಾಗೂ ಮೂವರು ತರಬೇತಿ ಪಡೆದ ಅಧಿಕಾರಿಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ. ಕಳೆದ ತಿಂಗಳು 30ರಂದು ತರಬೇತಿ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಪ್ರಾದೇಶಿಕ ಅಧಿಕಾರಿಯ ಅನುಮತಿ ಪಡೆದು ತರಬೇತಿ ಕಾರ್ಯಕ್ರಮ ನಡೆಸಿರುವುದು ಗಂಭೀರ ಲೋಪ ಎಂದು ಗೃಹ ಇಲಾಖೆಗೆ ಸಲ್ಲಿಸಿರುವ ವರದಿಯಲ್ಲಿ ತಿಳಿಸಲಾಗಿದೆ. ಅಗ್ನಿಶಾಮಕ ದಳದ ಸಿಬ್ಬಂದಿಗಳಾದ ಬಿ.ಅನೀಶ್, ವೈ.ಎ.ರಾಹುಲ್ದಾಸ್, ಎಂ.ಸಾಜದ್ ತರಬೇತಿ ನೀಡಿದರು.

          ಆದರೆ, ಪ್ರಾದೇಶಿಕ ಕಚೇರಿಯ ಸೂಚನೆಯಂತೆ ನಡೆದುಕೊಂಡಿದ್ದಾರೆ ಎಂದು ತಿಳಿದುಬಂದಿದೆ. ತರಬೇತಿಯನ್ನು ಅಲುವಾ ಪ್ರಯದರ್ಶಿನಿ ಮುನ್ಸಿಪಲ್ ಆಡಿಟೋರಿಯಂನಲ್ಲಿ ನಡೆಸಲಾಗಿತ್ತು. ಪಾಪ್ಯುಲರ್ ಫ್ರಂಟ್ ರಾಜ್ಯಾಧ್ಯಕ್ಷ ಸಿ.ಪಿ.ಮಹಮ್ಮದ್ ಬಶೀರ್ ಅವರ ರಕ್ಷಣಾ ಮತ್ತು ಪರಿಹಾರ ತಂಡದ ರಾಜ್ಯಮಟ್ಟದ ಉದ್ಘಾಟನಾ ಸಮಾರಂಭದಲ್ಲಿ ಅಗ್ನಿಶಾಮಕ ದಳದ ವತಿಯಿಂದ ತರಬೇತಿ ಕಾರ್ಯಕ್ರಮ ಆಯೋಜಿಸಲಾಗಿತ್ತು.