ತಿರುವನಂತಪುರ: ರಾಜ್ಯದಲ್ಲಿ ವಿವಿಧ ಲಸಿಕೆಗಳ ಉತ್ಪಾದನೆ ಆರಂಭಿಸಲು ಕ್ರಮಕೈಗೊಳ್ಳಲಾಗುತ್ತಿದೆ. ಎರಡು ಕಂಪನಿಗಳು ಉತ್ಪಾದನಾ ಘಟಕವನ್ನು ಪ್ರಾರಂಭಿಸಲು ಸರ್ಕಾರದ ಆಹ್ವಾನವನ್ನು ಒಪ್ಪಿಕೊಂಡಿವೆ. ತೆಲಂಗಾಣ ಮೂಲದ ಭಾರತ್ ಬಯೋಟೆಕ್ ಮತ್ತು ವಿರ್ಚೋ ಬಯೋಟೆಕ್ ಕಂಪನಿಗಳು ಲಸಿಕೆ ಅಭಿವೃದ್ಧಿಪಡಿಸಲು ಆಸಕ್ತಿಯನ್ನು ವ್ಯಕ್ತಪಡಿಸಿವೆ.
ತಿರುವನಂತಪುರಂನ ತೊಣಕ್ಕಲ್‍ನಲ್ಲಿರುವ ಲೈಫ್ ಸೈನ್ಸ್ ಪಾರ್ಕ್‍ನಲ್ಲಿ ಲಸಿಕೆ ತಯಾರಿಕೆ ಮತ್ತು ಸಂಶೋಧನಾ ಕೇಂದ್ರವನ್ನು ಪ್ರಾರಂಭಿಸಲು ಸರ್ಕಾರ ನಿರ್ಧರಿಸಿದೆ. ಸೆಪ್ಟೆಂಬರ್ 2021 ರಲ್ಲಿ, ಹೂಡಿಕೆ ಮಾಡಲು ಸಿದ್ಧರಿರುವ ಕಂಪನಿಗಳಿಗೆ ನೀಡಬಹುದಾದ ರಿಯಾಯಿತಿಗಳನ್ನು ತೋರಿಸುವ ವಿಶೇಷ ಆದೇಶವನ್ನು ಸರ್ಕಾರ ಹೊರಡಿಸಿತ್ತು. ಅದರಂತೆ ಎರಡು ಕಂಪನಿಗಳು ಅರ್ಹತೆ ಪಡೆದಿವೆ.
ಕಂಪನಿಗಳ ಕಾರ್ಯಕ್ಷಮತೆ ಮತ್ತು ಲಸಿಕೆ ಉತ್ಪಾದಿಸುವ ಸಾಮಥ್ರ್ಯವನ್ನು ಪರಿಶೀಲಿಸಿದ ನಂತರ ತಾಂತ್ರಿಕ ಅನುಮೋದನೆಯನ್ನು ನೀಡಲಾಗುವುದು. ರಾಜ್ಯದಲ್ಲಿ ಹೂಡಿಕೆ ಮಾಡಲು ಈ ಕಂಪನಿಗಳ ಮಾನದಂಡವನ್ನು ಸರ್ಕಾರ ಅನುಮೋದಿಸುತ್ತದೆ. ಕಂಪನಿಗಳು ಭೂಮಿ ಮತ್ತು ಮೂಲಸೌಕರ್ಯವನ್ನು ಹೇಗೆ ಒದಗಿಸುತ್ತವೆ ಎಂಬುದನ್ನು ಕಾದು ನೋಡಬೇಕಾಗಿದೆ. ಸರ್ಕಾರದಿಂದ ಅನುಮೋದನೆ ದೊರೆತರೆ ಕಂಪನಿಗಳು ಕೆಎಸ್‍ಐಡಿಸಿಯೊಂದಿಗೆ ಒಪ್ಪಂದ ಮಾಡಿಕೊಳ್ಳುತ್ತವೆ.
DOCTYPE html>
