ಪೈಲಟ್‌ಗಳಿಗೆ ತರಬೇತಿ ನೀಡಲು ದೋಷಯುಕ್ತ ಸಿಮ್ಯುಲೇಟರ್ ಬಳಸಿದ ಸ್ಪೈಸ್‌ಜೆಟ್ ಗೆ 10 ಲಕ್ಷ ರೂ. ದಂಡ

              ನವದೆಹಲಿ: ದೋಷಪೂರಿತ ಸಿಮ್ಯುಲೇಟರ್‌ನಲ್ಲಿ ಪೈಲಟ್‌ಗಳಿಗೆ ತರಬೇತಿ ನೀಡಿದ್ದಕ್ಕಾಗಿ ದೇಶಿ ವಿಮಾನಯಾನ ಸಂಸ್ಥೆ ಸ್ಪೈಸ್‌ಜೆಟ್‌ಗೆ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯ(ಡಿಜಿಸಿಎ) 10 ಲಕ್ಷ ರೂಪಾಯಿ ದಂಡ ವಿಧಿಸಿದೆ.

            "30ನೇ ಮಾರ್ಚ್ 22 ರಂದು CSTPL ಗ್ರೇಟರ್ ನೋಯ್ಡಾದಲ್ಲಿ ಡಿಜಿಸಿಎ ಸಿಮ್ಯುಲೇಟರ್ ತಪಾಸಣೆ ವೇಳೆP2 ಭಾಗದಲ್ಲಿ ಕಾಣೆಯಾದ ಅಸಮರ್ಪಕ ಕ್ರಿಯೆಯ ಐಟಂ ಪತ್ತೆಯಾಗಿದೆ. ಇದು ಮಾರ್ಚ್ 17, 2022 ರಿಂದಲೇ ನಿಷ್ಕ್ರಿಯವಾಗಿದೆ" ಎಂದು ಡಿಜಿಸಿಎ ಹೇಳಿದೆ.

               ಆದಾಗ್ಯೂ, ಸ್ಪೈಸ್ ಜೆಟ್ ಪೈಲಟ್‌ಗಳಿಗೆ ಆರ್‌ಟಿಎಸ್(ಸೇವೆಗೆ ಹಿಂತಿರುಗಿ) ತರಬೇತಿಯನ್ನು ನೀಡಲು ಈ ಸಿಮ್ಯುಲೇಟರ್ ಅನ್ನು ಬಳಸಿದ ಸ್ಪೈಸ್‌ಜೆಟ್‌ಗೆ ಸ್ಪಷ್ಟನೆ ಕೋರಿ ಡಿಜಿಸಿಎ ಶೋಕಾಸ್ ನೋಟಿಸ್ ಜಾರಿ ಮಾಡಿತ್ತು. ಆದರೆ ಸ್ಪೈಸ್‌ಜೆಟ್‌ ಉತ್ತರ ತೃಪ್ತಿಕರವಾಗಿಲ್ಲ ಎಂದು ಡಿಜಿಸಿಎ 10 ಲಕ್ಷ ರೂಪಾಯಿ ದಂಡ ವಿಧಿಸಿದೆ.

          ಸ್ಪೈಸ್ ಜೆಟ್‌ ನೀಡುತ್ತಿರುವ ತರಬೇತಿಯು ವಿಮಾನ ಸುರಕ್ಷತೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರಬಹುದು ಎಂದು ಅದನ್ನು ರದ್ದುಗೊಳಿಸಲಾಗಿದೆ ಎಂದು ಡಿಜಿಸಿಎ ಹೇಳಿದೆ.