ತುಕ್ಕುಹಿಡಿದ ಮೈಲೇಜ್ ಇಲ್ಲದ 2,800ಕ್ಕೂ ಹೆಚ್ಚು ಕೆಎಸ್ ಆರ್ ಟಿಸಿ ಬಸ್ ಗಳು: ಸಂಪೂರ್ಣ ಕೆಡುವ ಮುನ್ನವೇ ಯಾಕೆ ಮಾರಾಟ ಮಾಡಿಲ್ಲ ಎಂದು ಕೇಳಿದ ಹೈಕೋರ್ಟ್: ವ್ಯರ್ಥಗೊಳಿಸಿದ್ದಕ್ಕೆ ಭಾರೀ ಟೀಕೆ: ಕಾಸರಗೋಡು ನಿವಾಸಿಯ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ವಿಚಾರಣೆಯಲ್ಲಿ ಬಹಿರಂಗಗೊಂಡ ನಿರ್ಲಕ್ಷ್ಯ

                                                      

                         ಕೊಚ್ಚಿ: ಮೈಲೇಜ್ ಇಲ್ಲದ ಕಾರಣ ಮೂಲೆಪಾಲಾಗಿ ತುಕ್ಕುಹಿಡಿದಿರುವ ಕೆಎಸ್ ಆರ್ ಟಿಸಿ ಬಸ್ ಗಳ ವಿರುದ್ಧ ಹೈಕೋರ್ಟ್ ಚಾಟಿ ಬೀಸಿದೆ. ಮೈಲೇಜ್ ಇಲ್ಲದಿದ್ದರೆ ಅದು ಸಂಪೂರ್ಣ ನಾ±ಗೊಂಡ ಬಳಿಕ ಮಾರಾಟ ಮಾಡಬೇಕೇ ಎಂದು ನ್ಯಾಯಾಲಯ ಕೇಳಿದೆ. ವಾಹನ ಯೋಗ್ಯವಾಗಿಲ್ಲದಿದ್ದರೆ ತಕ್ಷಣ ಮಾರಾಟ ಮಾಡಬೇಕಿತ್ತು ಎಂದು ನ್ಯಾಯಾಲಯ ಹೇಳಿದೆ.

                  ನ್ಯಾಯಮೂರ್ತಿ ದೇವನ್ ರಾಮಚಂದ್ರನ್ ಅವರ ಮುಂದೆ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯನ್ನು ಪರಿಗಣಿಸುವಾಗ ಕೆಎಸ್‍ಆರ್‍ಟಿಸಿಯನ್ನು ಟೀಕಿಸಲಾಯಿತು. ರಾಜ್ಯದ ಹಲವು ಯಾರ್ಡ್‍ಗಳಲ್ಲಿ ಕೆಎಸ್‍ಆರ್‍ಟಿಸಿ ಬಸ್‍ಗಳು ತುಕ್ಕು ಹಿಡಿದಿವೆ. ಕೆಎಸ್‍ಆರ್‍ಟಿಸಿ ಪ್ರಕಾರ ಮೈಲೇಜ್ ಕೊರತೆಯೇ ಇದಕ್ಕೆ ಕಾರಣ. ಈ ವೇಳೆ ಕಡಿಮೆ ಮೈಲೇಜ್ ನೀಡುವ ವಾಹನ ಖರೀದಿಸಿ ದುರ್ಬಳಕೆ ಮಾಡಿಕೊಂಡಿದ್ದು ಏಕೆ ಎಂದು ಕೋರ್ಟ್ ಕೇಳಿದೆ.

                    ತುಕ್ಕು ಹಿಡಿಯುವ ಮುನ್ನ ಮಾರಾಟ ಮಾಡಿದರೆ ಒಂದು ಬಸ್ 10 ಲಕ್ಷ ರೂ.ಗಳನ್ನಷ್ಟಾದರೂ ಪಡೆಯಬಹುದಿತ್ತು. ಸಂಪೂರ್ಣ ನಾಶವಾದ ಬಳಿಕ ಈಗ ಮಾರಾಟ ಮಾಡಲು ಕಾರಣವೇನು ಎಂದು ಕೋರ್ಟ್ ಕೇಳಿದೆ. 2,800ಕ್ಕೂ ಹೆಚ್ಚು ಕೆಎಸ್‍ಆರ್‍ಟಿಸಿ ಬಸ್‍ಗಳು ತುಕ್ಕು ಹಿಡಿದಿವೆ ಎಂದು ಆರೋಪಿಸಿ ಕಾಸರಗೋಡು ನಿವಾಸಿಯೊಬ್ಬರು ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಿದ್ದರು.