ತಿರುವನಂತಪುರದಲ್ಲಿ ಯೋಗ ಒಲಿಂಪಿಯಾಡ್‍ನಲ್ಲಿ ಅತ್ಯಾಕರ್ಷಕ ಪ್ರದರ್ಶನ: ವಿಜೇತರ ಆಯ್ಕೆ ರಾಷ್ಟ್ರೀಯ ಯೋಗ ಒಲಿಂಪಿಯಾಡ್‍ನಲ್ಲಿ

                   ತಿರುವನಂತಪುರ: ಯೋಗ ಒಲಿಂಪಿಯಾಡ್ ತಿರುವನಂತಪುರಕ್ಕೆ ಹೊಸ ಅನುಭವ ನೀಡಿತು. ಅಂತರಾಷ್ಟ್ರೀಯ ಯೋಗ ದಿನಾಚರಣೆ ಅಂಗವಾಗಿ ರಾಜ್ಯ ಯೋಗ ಒಲಿಂಪಿಯಾಡ್ ಆಯೋಜಿಸಲಾಗಿತ್ತು. ನ್ಯಾಷನಲ್ ಕೌನ್ಸಿಲ್ ಫಾರ್ ಎಜುಕೇಶನಲ್ ರಿಸರ್ಚ್ ಅಂಡ್ ಟ್ರೈನಿಂಗ್ ಆಯೋಜಿಸಿದ್ದ ಯೋಗ ಒಲಿಂಪಿಯಾಡ್‍ನ ಭಾಗವಾಗಿ ಈ ಕಾರ್ಯಕ್ರಮ ನಡೆಯಿತು.

          ರಾಷ್ಟ್ರೀಯ ಯೋಗ ಒಲಿಂಪಿಯಾಡ್‍ನಲ್ಲಿ ಭಾಗವಹಿಸಲು ಕೇರಳ ತಂಡವನ್ನು ಆಯ್ಕೆ ಮಾಡಲು ಎಸ್‍ಸಿಇಆರ್‍ಟಿ ಒಲಿಂಪಿಯಾಡ್ ಆಯೋಜಿಸಿತ್ತು. ಕೊರೋನಾ ಸೋಂಕಿನ ವೇಳೆ  2 ವರ್ಷಗಳಿಂದ ಸ್ಥಗಿತಗೊಂಡಿದ್ದ ಸ್ಪರ್ಧೆಯು ಪುನರಾರಂಭವಾಗಿದೆ. ಕೇರಳದ 14 ಜಿಲ್ಲೆಗಳಿಂದ 200ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಒಲಿಂಪಿಯಾಡ್‍ನಲ್ಲಿ ಭಾಗವಹಿಸಿದ್ದರು.

                         ಜಿಲ್ಲಾ ಮಟ್ಟದಲ್ಲಿ ಸ್ಪರ್ಧಿಸಿ ಗೆದ್ದ ಮಕ್ಕಳೇ ರಾಜ್ಯ ಮಟ್ಟದಲ್ಲಿ ಭಾಗವಹಿಸುತ್ತಾರೆ. ಇಲ್ಲಿಂದ ಆಯ್ಕೆಯಾದ 16 ವಿದ್ಯಾರ್ಥಿಗಳು ರಾಷ್ಟ್ರಮಟ್ಟದಲ್ಲಿ ನಡೆಯುವ ರಾಷ್ಟ್ರೀಯ ಯೋಗ ಒಲಿಂಪಿಯಾಡ್ ನಲ್ಲಿ ಭಾಗವಹಿಸಲಿದ್ದಾರೆ.

                  ರಾಜ್ಯ ಯೋಗ ಒಲಿಂಪಿಯಾಡ್‍ನಲ್ಲಿ ಪಾಲ್ಗೊಂಡು ವಿದ್ಯಾರ್ಥಿಗಳು ಸಂತಸ ಹಂಚಿಕೊಂಡರು. ಜೂನ್ 21 ಅಂತರಾಷ್ಟ್ರೀಯ ಯೋಗ ದಿನ ನಡೆಯಲಿದೆ.