ಗುಜರಾತ್ ಮಾದರಿಯ ಡ್ಯಾಶ್‍ಬೋರ್ಡ್ ವ್ಯವಸ್ಥೆ ಕೇರಳದಲ್ಲಿ ಪ್ರಾರಂಭಿಸಲು ಸಿದ್ದತೆ: ಕ್ಲಿಫ್ ಹೌಸ್ ಕೇಂದ್ರೀಕೃತ ಚಟುವಟಿಕೆ

                  ತಿರುವನಂತಪುರ: ಗುಜರಾತ್ ಮಾದರಿಯ ಡ್ಯಾಶ್ ಬೋರ್ಡ್ ವ್ಯವಸ್ಥೆ ಕೇರಳದಲ್ಲಿ ಕೊನೆಗೂ ಆರಂಭಗೊಳ್ಳಲಿದೆ. ಸಿಎಂ ಅಧಿಕೃತ ನಿವಾಸದಲ್ಲಿ ಡ್ಯಾಶ್‍ಬೋರ್ಡ್ ಅಳವಡಿಸಲಾಗುವುದು. ಗುಜರಾತ್ ಗೆ ಭೇಟಿ ನೀಡಿದ್ದ ಮುಖ್ಯ ಕಾರ್ಯದರ್ಶಿ ವಿ.ಪಿ.ಜಾಯ್ ನೇತೃತ್ವದ ನಿಯೋಗ ಡ್ಯಾಶ್ ಬೋರ್ಡ್ ವ್ಯವಸ್ಥೆಯನ್ನು ಶ್ಲಾಘಿಸಿದೆ. ಈ ವ್ಯವಸ್ಥೆ ತುಂಬಾ ಚೆನ್ನಾಗಿದೆ ಮತ್ತು ಅದ್ಭುತವಾಗಿದೆ ಎಂದು ಮುಖ್ಯ ಕಾರ್ಯದರ್ಶಿ ಹೇಳಿದ್ದರು.

                   ಡ್ಯಾಶ್‍ಬೋರ್ಡ್ ಸಿಸ್ಟಮ್‍ನ ಎಲ್ಲಾ ಸಕಾರಾತ್ಮಕ ಅಂಶಗಳನ್ನು ಕಾರ್ಯಗತಗೊಳಿಸುವುದು ಪ್ರಾಥಮಿಕ ಆಲೋಚನೆಯಾಗಿದೆ. ಈ ನಿಟ್ಟಿನಲ್ಲಿ ಈಗಾಗಲೇ ಮುಖ್ಯಮಂತ್ರಿ ಹಾಗೂ ಮುಖ್ಯ ಕಾರ್ಯದರ್ಶಿ ಮಾತುಕತೆ ನಡೆಸಿದ್ದಾರೆ ಎಂದು ತಿಳಿದುಬಂದಿದೆ. ಇ-ಆಡಳಿತಕ್ಕಾಗಿ ಗುಜರಾತ್‍ನಲ್ಲಿ ಸಿಎಂ ಡ್ಯಾಶ್‍ಬೋರ್ಡ್ ವ್ಯವಸ್ಥೆಯನ್ನು ಜಾರಿಗೆ ತರಲಾಗಿದೆ. ಇದು ಮುಖ್ಯಮಂತ್ರಿಗಳ ಅಧಿಕೃತ ನಿವಾಸವಾದ ಕ್ಲಿಫ್ ಹೌಸ್‍ನಲ್ಲಿ ವ್ಯವಸ್ಥೆಗೊಳ್ಳಲಿದೆ. .

                ಒಂದೇ ಬೆರಳಿನಿಂದ ಫೈಲ್ ಗಳ ಕ್ಷಣ ಕ್ಷಣದ ಆಗುಹೋಗುಗಳು,  ಎಲ್ಲಾ ಕಾರ್ಯವಿಧಾನಗಳನ್ನು ತಿಳಿಯಲು ಸಿಎಂಗೆ ಸಹಾಯ ಮಾಡುವ ಉತ್ತಮ ವ್ಯವಸ್ಥೆ ಇದಾಗಿದೆ. ಇದು ವಿವಿಧ ಇಲಾಖೆಗಳ ಚಟುವಟಿಕೆಗಳು ಮತ್ತು ಫೈಲ್ ಚಲನವಲನಗಳನ್ನು ನಿಖರವಾಗಿ ಮೇಲ್ವಿಚಾರಣೆ ಮಾಡಬಹುದು. ಅಧಿಕಾರಿಗಳ ಕಾರ್ಯವೈಖರಿ ಮೌಲ್ಯಮಾಪನಕ್ಕೂ ಸಹಕಾರಿಯಾಗಲಿದೆ. ಇದೆಲ್ಲವನ್ನೂ ಒಂದೇ ಸೂರಿನಡಿ ತರುವ ವ್ಯವಸ್ಥೆ ಜಾರಿಯಾಗಲಿದೆ.