ಚೆನ್ನೈ: ಶಸ್ತ್ರ ಚಿಕಿತ್ಸೆ ಬಳಿಕ ನೇರವಾಗಿ ಪರೀಕ್ಷಾ ಹಾಲ್ ಗೆ ತೆರಳಿ ಪರೀಕ್ಷೆ ಬರೆದ 17 ವರ್ಷದ ಯುವತಿ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸ್ಟಾರ್ ಆಗಿದ್ದಾಳೆ. ತಿರುಪುರ್ ಜಿಲ್ಲೆಯ ಕುಪ್ಪಂಡಂಪಾಳ್ಯಂನಲ್ಲಿ ಈ ಘಟನೆ ನಡೆದಿದೆ. ರಿಥಾನಿಯಾ ಎಂಬ ವಿದ್ಯಾರ್ಥಿನಿ ಶಸ್ತ್ರ ಚಿಕಿತ್ಸೆ ಮುಗಿಸಿ ಪರೀಕ್ಷೆಗೆ ಬಂದಿದ್ದು ತನ್ನ ಆರೋಗ್ಯದ ಸ್ಥಿತಿಯನ್ನೂ ಲೆಕ್ಕಿಸದೆ.
ಮೇ 2ರಂದು ತೀವ್ರ ಹೊಟ್ಟೆ ನೋವಿನಿಂದ ಬಳಲುತ್ತಿದ್ದ ವಿದ್ಯಾರ್ಥಿನಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಕರುಳಿಗೆ ರಕ್ತವನ್ನು ಸಾಗಿಸುವ ಒಂದು ನರವು ಸಂಪೂರ್ಣವಾಗಿ ಹಾನಿಗೊಳಗಾಗಿತ್ತು ಎಂದು ವೈದ್ಯರು ಕಂಡುಕೊಂಡರು. ನಂತರ ಮಗುವಿಗೆ ಲ್ಯಾಪರೊಸ್ಕೋಪಿ ಮಾಡಬೇಕಾಯಿತು.
ಆದರೆ ಶಸ್ತ್ರಚಿಕಿತ್ಸೆಯ ನಂತರ ಬಾಲಕಿ ಶಾಲೆಗೆ ತೆರಳಿ ಪರೀಕ್ಷೆ ಬರೆಯಬೇಕೆಂದು ವೈದ್ಯರಿಗೆ ತಿಳಿಸಿದಳು. ಮಗು ಚೇತರಿಸಿಕೊಳ್ಳುತ್ತಿರುವುದನ್ನು ಕಂಡ ವೈದ್ಯರು ಪರೀಕ್ಷೆ ಬರೆಯಲು ಅವಕಾಶ ಮಾಡಿಕೊಟ್ಟರು. ಆದರೆ ಬಾಲಕಿಯನ್ನು ವೈದ್ಯಕೀಯ ತಂಡದೊಂದಿಗೆ ಆಂಬುಲೆನ್ಸ್‍ನಲ್ಲಿ ಪರೀಕ್ಷಾ ಕೇಂದ್ರಕ್ಕೆ ಕಳುಹಿಸಲಾಯಿತು. "ಆಕೆ ಪರೀಕ್ಷೆ ಬರೆಯಲು ಉತ್ಸುಕಳಾಗಿದ್ದರಿಂದ ಆಕೆಗೆ ಅನುಮತಿ ನೀಡಲಾಯಿತು. ಆದರೆ ಅವರು ಎಚ್ಚರಿಕೆಯಿಂದ ಇರುವಂತೆ ಹೇಳಿದರು ಮತ್ತು ಆಂಬ್ಯುಲೆನ್ಸ್‍ನಲ್ಲಿ ಅವಳೊಂದಿಗೆ ವೈದ್ಯಕೀಯ ತಂಡವನ್ನು ಕಳುಹಿಸಿದರು" ಎಂದು ರಿಟಾನಿಯಾಗೆ ಚಿಕಿತ್ಸೆ ಮಾಡಿದ್ದ ಡಾ ಅರುಲ್ ಜ್ಯೋತಿ ಹೇಳಿರುವರು.
ವೈದ್ಯಕೀಯ ಪರಿಚಾರಕರು ಸಮವಸ್ತ್ರ ಧರಿಸಿದ್ದ ಬಾಲಕಿಯನ್ನು ಪರೀಕ್ಷಾ ಕೇಂದ್ರಕ್ಕೆ ಕರೆದೊಯ್ದು ತರಗತಿಯೊಳಗೆ ಕಳಿಸಲಾಯಿತು. ಉತ್ತಮವಾಗಿ ಪರೀಕ್ಷೆ ಬರೆದ ವಿದ್ಯಾರ್ಥಿನಿ ಬಳಿಕ ಆಸ್ಪತ್ರೆಗೆ ತೆರಳಿ ಚಿಕಿತ್ಸೆ ಮುಂದುವರಿಸಲಾಯಿತು.
DOCTYPE html>
.jpg)
