ಕೊಚ್ಚಿ: ಲೈಂಗಿಕ ಕಿರುಕುಳಕ್ಕೆ ಒಳಗಾದ ಮಹಿಳೆಯರಿಗೆ ದೂರು ಸಲ್ಲಿಸಲು ಟೋಲ್ ಫ್ರೀ ನಂಬರ್ ಸ್ಥಾಪಿಸುವಂತೆ ಹೈಕೋರ್ಟ್ ಸೂಚಿಸಿದೆ. ಸಂತ್ರಸ್ತ ಮಹಿಳೆಯರು ಪೋಲೀಸ್ ಠಾಣೆಗೆ ಹೋಗದೆ ದೂರು ನೀಡುವಂತಾಗಬೇಕು ಎಂದು ಹೈಕೋರ್ಟ್ ಹೇಳಿದೆ. ಕಿರುಕುಳ ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಗೆ ಬೆದರಿಕೆ ಇದೆ ಎಂದು ಆರೋಪಿಸಿ ದೂರುದಾರರು ಸಲ್ಲಿಸಿದ್ದ ಅರ್ಜಿಯ ವಿಚಾರಣೆಯನ್ನು ಹೈಕೋರ್ಟ್ ನಡೆಸುತ್ತಿದೆ.
ನ್ಯಾಯಮೂರ್ತಿ ದೇವನ್ ರಾಮಚಂದ್ರನ್ ಅವರು ಪ್ರಕರಣದ ವಿಚಾರಣೆ ನಡೆಸಿದರು. ಲೈಂಗಿಕ ಕಿರುಕುಳದ ಬಗ್ಗೆ ನ್ಯಾಯಾಲಯದಲ್ಲಿಯೂ ಸಹ ತಾನು ಪ್ರತಿದಿನ ಅನೇಕ ಪತ್ರಗಳನ್ನು ಸ್ವೀಕರಿಸುತ್ತೇನೆ. ದೂರು ದಾಖಲಿಸಲು ಇಷ್ಟು ತಡವಾಗಿದ್ದೇಕೆ ಎಂಬ ಪ್ರಶ್ನೆ ಸಂತ್ರಸ್ತರಿಗೆ ಸೈಬರ್‍ಸ್ಪೇಸ್‍ನಿಂದ ಎದುರಾಗಿದೆ. ಇದು ಖಾಸಗಿತನದ ಮೇಲಿನ ದಾಳಿ ಎಂದು ದೇವನ್ ರಾಮಚಂದ್ರನ್ ತಿಳಿಸಿದರು.
ಲೈಂಗಿಕ ಕಿರುಕುಳ ಪ್ರಕರಣಗಳಲ್ಲಿ ಪೋಲೀಸರೇ ಮಧ್ಯಸ್ಥಿಕೆ ವಹಿಸುವ ಪರಿಸ್ಥಿತಿ ಇದೆ. ಹಾಗಾಗಿ ಸಂತ್ರಸ್ತರು ಠಾಣೆಗೆ ಹೋಗದೆ ದೂರು ನೀಡಲು ಅವಕಾಶ ಕಲ್ಪಿಸಬೇಕು ಎಂದು ನ್ಯಾಯಾಲಯ ಹೇಳಿದೆ.
DOCTYPE html>
.jpg)
