ತಗ್ಗಿದ ಮಳೆ: ಹಗಲು ಹೊತ್ತಿನಲ್ಲಿ ಯಶಸ್ವಿಯಾಗಿ ನಡೆದ ಸಿಡಿಮದ್ದು ಪ್ರದರ್ಶನ

       ತ್ರಿಶೂರ್: ಮಳೆಯಿಂದಾಗಿ ಮುಂದೂಡಲಾಗಿದ್ದ ತ್ರಿಶೂರ್ ಪೂರಂ ಸಿಡಿಮದ್ದು ಪ್ರದರ್ಶನ ಇಂದು ನಡೆದಿದೆ.  ಮಧ್ಯಾಹ್ನ 2 ಗಂಟೆ ಸುಮಾರಿಗೆ ಸಿಡಿಮದ್ದು ಪ್ರದರ್ಶನ ಆರಂಭವಾಯಿತು.  ಮೂರು ಬಾರಿ ಮುಂದೂಡಲ್ಪಟ್ಟ ನಂತರ ಇಂದು ಮಧ್ಯಾಹ್ನ ನೆರವೇರಿತು. 

       ಪರಮೇಕಾವು ದೇವಾಲಯದ ಪ್ರದರ್ಶನ  ಸುಮಾರು ಆರು ನಿಮಿಷಗಳ ಕಾಲ ನಡೆಯಿತು.  ಪೊಲೀಸ್ ಠಾಣೆಯ ಮುಂದೆ ಸಿಡಿಮದ್ದು ಪ್ರದರ್ಶನ ನಡೆದಿದೆ.  ಇದರ ಬೆನ್ನಲ್ಲೇ ತಿರುವಂಬಾಡಿ ಕ್ಷೇತ್ರ ವಿಭಾಗದಿಂದ ಪ್ರದರ್ಶನ  ನಡೆದಿದೆ.  ತಿರುವಂಬಾಡಿಯ ಪ್ರದರ್ಶನ ಮಧ್ಯಾಹ್ನ 2.40ಕ್ಕೆ ಆರಂಭವಾಯಿತು.  ಸುರಕ್ಷತಾ ಮಾನದಂಡಗಳ ಕಟ್ಟುನಿಟ್ಟಾದ ಅನುಸರಿಸಲಾತ್ತು.

       ಮಳೆಯ ಅಬ್ಬರ ಕೊಂಚ ತಗ್ಗಿದ ಹಿನ್ನೆಲೆಯಲ್ಲಿ ಇಂದು ಬೆಳಗ್ಗೆ ಪ್ರದರ್ಶನ ನಡೆಸಲಿ  ದೇವಾನುದೇವತೆಗಳ ಅನುಗ್ರಹ ಪಡೆಯಲಾಯಿತು.  ಮೂರು ಗಂಟೆಗೆ ಪ್ರದರ್ಶನ ನಡೆಸಲು ನಿರ್ಧರಿಸಲಾಯಿತು.  ಆದರೆ ನಂತರ ಅದನ್ನು ಮಧ್ಯಾಹ್ನ ಒಂದು ಗಂಟೆಗೆ ನಿಗದಿಪಡಿಸಲಾಯಿತು. ಸಿದ್ಧತೆ ನಡೆಯುತ್ತಿದ್ದಂತೆ ಜಿಲ್ಲೆಯಲ್ಲಿ ಇನ್ನೂ ಮಳೆಯಾಗುತ್ತಿತ್ತು.  ನೀರು ನುಗ್ಗದಂತೆ ಹೊಂಡಗಳನ್ನು ಪ್ಲಾಸ್ಟಿಕ್‌ನಿಂದ ಮುಚ್ಚಲಾಗಿತ್ತು.

        ತ್ರಿಶೂರ್ ಪೂರಂ ಇದೇ ತಿಂಗಳ 10 ರಂದು ನಡೆದಿತ್ತು.  ಆದರೆ ಮಳೆ ಮುಂದುವರಿದಿದ್ದರಿಂದ ಮುಂದಿನ ದಿನಗಳಲ್ಲಿ ಪ್ರದರ್ಶನ  ನಡೆಸಲು ಸಾಧ್ಯವಾಗಲಿಲ್ಲ.  ಎರಡೂ ಕಡೆಯವರು ಸುಮಾರು 4,000 ಕಿಲೋಗ್ರಾಂಗಳಷ್ಟು ಮದ್ದುಗುಂಡುಗಳನ್ನು ತಂದಿರಿಸಿದ್ದರು.  ಸುಮಾರು 12 ದಿನಗಳಿಂದ ದೇವಸ್ಥಾನದ ಆವರಣದಲ್ಲಿ ಇಡಲಾಗಿತ್ತು.  ಇದನ್ನು ಇನ್ನೂ ಇರಿಸಿಕೊಳ್ಳುವುದು ಅಸಾಧ್ಯವಾದ ಕಾರಣ ಇಂದು  ನಡೆಸಲು ಅಧಿಕಾರಿಗಳು ನಿರ್ಧರಿಸಿದರು.