ಹೈನುಗಾರರ ಸಂಕಷ್ಟ ಅರ್ಥವಾಗುತ್ತದೆ: ಹಾಲಿನ ದರ ಹೆಚ್ಚಳಕ್ಕೆ ಆಗ್ರಹಿಸಿ ಹೈನುಗಾರಿಕಾ ಸಮಿತಿ ಸೆಕ್ರೆಟರಿಯೇಟ್ ಆಂದೋಲನಕ್ಕೆ ಬೆಂಬಳ ಘೋಷಿಸಿದ ನಟ ಜಯರಾಂ

                ತಿರುವನಂತಪುರ: ಹಾಲಿನ ದರ ಏರಿಕೆಗೆ ಆಗ್ರಹಿಸಿ ಹೈನುಗಾರರು ನಡೆಸುತ್ತಿರುವ ಸೆಕ್ರೆಟರಿಯೇಟ್ ಆಂದೋಲನಕ್ಕೆ ನಟ ಜಯರಾಮ್ ಬೆಂಬಲ ಘೋಷಿಸಿದ್ದಾರೆ. ಸಿನಿಮಾ ವೃತ್ತಿಯಿಂದ ಹೊರತಾಗಿ ನಾನೋರ್ವ ಹೈನುಗಾರ, ಹಾಗಾಗಿ ರೈತರ ಸಂಕಷ್ಟ ಅರ್ಥವಾಗುತ್ತದೆ ಎನ್ನುತ್ತಾರೆ ಜಯರಾಮ್. ಹೈನುಗಾರರು ಸಾಕಷ್ಟು ಸಂಕಷ್ಟ ಎದುರಿಸುತ್ತಿದ್ದಾರೆ. ಪರಿಹಾರ ಕಂಡುಕೊಳ್ಳಲು ಮುಷ್ಕರ ನಡೆಸಲಾಗುತ್ತಿದೆ ಎಂದು ಜಯರಾಂ ಹೇಳಿದರು.

                     ವಿವಿಧ ಹೈನುಗಾರಿಕೆ ಸಂಘಟನೆಗಳು ಜಂಟಿಯಾಗಿ ರಚಿಸಿರುವ ಜಂಟಿ ಹಾಲು ಉತ್ಪಾದಕ ಸಮಿತಿಯ ನೇತೃತ್ವದಲ್ಲಿ ಇದೇ 12ರಂದು ಸೆಕ್ರೆಟರಿಯೇಟ್ ಧರಣಿ ನಡೆಸುತ್ತಿದೆ. ಇದಕ್ಕೂ ಮುನ್ನ ಪ್ರತಿ ಜಿಲ್ಲೆಯಲ್ಲಿ ಧರಣಿ, ಕಲೆಕ್ಟರೇಟ್ ಮೆರವಣಿಗೆ ನಡೆಸಲಾಗುತ್ತಿದೆ. ಚಿತ್ರೀಕರಣ ದೂರದ ಪ್ರದೇಶದಲ್ಲಿ ಇರುವ ಕಾರಣ ಮುಷ್ಕರದಲ್ಲಿ ಪಾಲ್ಗೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದು ಜಯರಾಮ್ ಹೇಳಿದ್ದಾರೆ.

              ಎರಡು ವರ್ಷಗಳ ಹಿಂದೆ ತಾನು ಹೈನುಗಾರಿಕೆ ಮಾಡುತ್ತಿದ್ದುದನ್ನು ಜಯರಾಮ್ ಬಹಿರಂಗಪಡಿಸಿದ್ದಾರೆ. 10 ವರ್ಷಗಳ ಹಿಂದೆ ಪೆರುಂಬಾವೂರಿನಲ್ಲಿ 5 ಹಸುಗಳೊಂದಿಗೆ ಆರಂಭವಾದ ಜಯರಾಮ್ ಅವರ ಫಾರಂನಲ್ಲಿ ಈಗ 55 ಹಸುಗಳಿವೆ. ಫಾರ್ಮ್ ದಿನಕ್ಕೆ 300 ಲೀಟರ್ ಹಾಲು ಉತ್ಪಾದಿಸುತ್ತದೆ. ಜಯರಾಂ ಅವರ ಮಾದರಿ ಫಾರ್ಮ್ ತೊಟ್ಟುವ ಎಂಬಲ್ಲಿ ತಮ್ಮ ಕುಟುಂಬದ ನಿವೇಶನದಲ್ಲಿದೆ.