ಜಮ್ಮು-ಕಾಶ್ಮೀರದ ಸಾಂಬಾದಲ್ಲಿ ಜೆಇಎಂ ಆತ್ಮಹತ್ಯಾದಾಳಿಕೋರರು ಬಳಕೆ ಮಾಡುತ್ತಿದ್ದ ಗಡಿಯಾಚೆಗಿನ ಟನಲ್ ಪತ್ತೆ

                ಶ್ರೀನಗರ: ಜಮ್ಮು-ಕಾಶ್ಮೀರದಲ್ಲಿ ಇಬ್ಬರು ಆತ್ಮಹತ್ಯಾ ದಾಳಿಕೋರರು ಬಳಕೆ ಮಾಡುತ್ತಿದ್ದ ಟನಲ್ ಜಮ್ಮು-ಕಾಶ್ಮೀರದ ಸಾಂಬಾದಲ್ಲಿ ಪತ್ತೆಯಾಗಿದೆ. 

            ಪಾಕ್ ಮೂಲದ ಉಗ್ರ ಸಂಘಟನೆಯಾದ ಜೆಇಎಂ ನ ಇಬ್ಬರು ಉಗ್ರರು ಭಾರತದೊಳಗೆ ಪ್ರವೇಶಿಸುವುದಕ್ಕೆ ಈ ಟನಲ್ ನ್ನು ಬಳಕೆ ಮಾಡುತ್ತಿದ್ದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 

            ಗುಂಡಿನ ಚಕಮಕಿಯಲ್ಲಿ ಏ.22 ರಂದು ಭದ್ರತಾ ಪಡೆಗಳು ಇಬ್ಬರು ಜೆಇಎಂ ಸಂಘಟನೆಯ ಉಗ್ರರನ್ನು ಹೊಡೆದು ಉರುಳಿಸಿದ ಬಳಿಕ ಈ ಗಡಿಯಾಚೆಗಿನ ಸಂಪರ್ಕ ಕಲ್ಪಿಸುವ ಟನಲ್ ಗಳು ಪತ್ತೆಯಾಗಿವೆ.

               ಕಳೇದ 16 ತಿಂಗಳಿನಿಂದ ಇದೇ ಮೊದಲ ಬಾರಿಗೆ ಇಂತಹ ಟನಲ್ ನ್ನು ಬಿಎಸ್ಎಫ್ ಪತ್ತೆ ಮಾಡಿದೆ. ಈ ಮೂಲಕ ಕಳೆದ ಒಂದು ದಶಕದಲ್ಲಿ ಈ ರೀತಿ ಪತ್ತೆಯಾಗಿರುವ ಟನಲ್ ಗಳ ಸಂಖ್ಯೆ 11ಕ್ಕೆ ಏರಿಕೆಯಾಗಿದೆ.

               ಕಳೆದ ವರ್ಷ ಜನವರಿಯಲ್ಲಿ ಭದ್ರತಾ ಪಡೆಗಳ ಸಿಬ್ಬಂದಿಗಳು ಇಂತಹ ಎರಡು ಟನಲ್ ಗಳನ್ನು ಕತುವಾ ಜಿಲ್ಲೆಯ ಹರಿನಗರ್ ಸೆಕ್ಟರ್ ನಲ್ಲಿ ಪತ್ತೆ ಮಾಡಿದ್ದರು.