ಮಹಿಳೆಯರಿಗೆ ನ್ಯಾಯ ದೊರಕಿಸಿದರೆ ಮಾತ್ರ ಸ್ತ್ರೀವಾದಿ ಕೇರಳ ಅಸ್ತಿತ್ವದಲ್ಲಿರಲು ಸಾಧ್ಯ: ಸಚಿವ ಪಿ. ರಾಜೀವ್ ಪ್ರತಿಕ್ರಿಯೆಗೆ ಡಬ್ಲ್ಯುಸಿಸಿ ಜವಾಬು

                    ತಿರುವನಂತಪುರ: ಹೇಮಾ ಸಮಿತಿ ವರದಿಯನ್ನು ಬಿಡುಗಡೆ ಮಾಡಬಾರದು ಎಂಬ ಸಚಿವ ಪಿ.ರಾಜೀವ್ ಅವರ ಬಹಿರಂಗಪಡಿಸುವಿಕೆಯ ಬಳಿಕ ಪ್ರತಿಕ್ರಿಯೆ ನೀಡಿರುವ ಡಬ್ಲ್ಯುಸಿಸಿ ಯು ಸಮಿತಿಯ ವರದಿಯ ಸಾರಾಂಶವನ್ನು ಬಿಡುಗಡೆ ಮಾಡುವಂತೆ  ಒತ್ತಾಯಿಸಿತು. ಗೃಹ ಇಲಾಖೆ ನೀಡಿರುವ ಶಿಫಾರಸುಗಳನ್ನು ಬಿಡುಗಡೆ ಮಾಡಬೇಕು. ಮಹಿಳೆಯರಿಗೆ ನ್ಯಾಯ ದೊರಕಿದರೆ ಮಾತ್ರ ಸ್ತ್ರೀವಾದಿ ಕೇರಳ ಅಸ್ತಿತ್ವದಲ್ಲಿರಲು ಸಾಧ್ಯ. ಎರಡು ವರ್ಷಗಳಿಂದ ವರದಿಯ ಮೇಲೆ ಯಾವುದೇ ಕ್ರಮ ಕೈಗೊಳ್ಳದಿರುವುದು ಕಳವಳಕಾರಿಯಾಗಿದೆ ಎಂದು ಡಬ್ಲ್ಯುಸಿಸಿ ಹೇಳಿದೆ.

                    ಖರ್ಚು ಮಾಡಿ ಸಮಯಾವಕಾಶ ನೀಡಿ ಸಿದ್ಧಪಡಿಸಿದ ವರದಿ ಗಮನಕ್ಕೆ ಬಾರದೆ ಹೋಗಿದ್ದು, ಸಾಧ್ಯವಿರುವ ಎಲ್ಲ ಸರ್ಕಾರಿ ವ್ಯವಸ್ಥೆಗಳಿಗೆ  ಬೇಡಿಕೆ ಇಡಲಾಗಿದೆ. ಸಲ್ಲಿಕೆಯಾದ ಕೊನೆಯ ವರದಿಯ ಬಗ್ಗೆ ಸರ್ಕಾರ ಮೌನವಾಗಿದ್ದರೆ, ಡಬ್ಲ್ಯುಸಿಸಿ ಆ ಬಗ್ಗೆ ಮಾತನಾಡುತ್ತಲೇ ಇರುತ್ತದೆ.  ಸಮಿತಿಯ ವರದಿಯಿಂದ ಎತ್ತಿರುವ ಗಂಭೀರ ವಿಷಯಗಳನ್ನು ಮುಚ್ಚಿಟ್ಟು ಕೇವಲ ಶಿಫಾರಸುಗಳನ್ನು ಮಾತ್ರ ನೀಡುವುದು ಸಾಕಾಗುವುದಿಲ್ಲ ಎಂದು ಡಬ್ಲ್ಯುಸಿಸಿ ಹೇಳಿದೆ.

                    ಜನವರಿಯಲ್ಲಿ ರೀಮಾ ಕಲ್ಲಿಂಗಲ್ ಸೇರಿದಂತೆ ಡಬ್ಲ್ಯುಸಿಸಿ ಸದಸ್ಯರು ಸಚಿವ ಪಿ ರಾಜೀವ್ ಅವರನ್ನು ಭೇಟಿ ಮಾಡಿದ್ದರು. ಹೇಮ ಸಮಿತಿಯ ವರದಿಯನ್ನು ತ್ರಿಸದಸ್ಯ ಸಮಿತಿ ಅಧ್ಯಯನ ನಡೆಸುತ್ತಿದ್ದು, ಈ ಅಧ್ಯಯನ ವರದಿಯ ನಂತರವಷ್ಟೇ ಸಮಗ್ರ ಕಾನೂನು ರೂಪಿಸುವ ಕುರಿತು ಚಿಂತನೆ ನಡೆಸಬಹುದು ಎಂದು ಪಿ.ರಾಜೀವ್ ಉತ್ತರಿಸಿದ್ದರು. ಡಬ್ಲ್ಯುಸಿಸಿ ಸದಸ್ಯರು ರಾಜ್ಯ ಮಹಿಳಾ ಆಯೋಗದ ಅಧ್ಯಕ್ಷೆ ಪಿ.ಎಸ್. ಸತೀದೇವಿಯವರನ್ನೂ ಭೇಟಿಯಾಗಿದ್ದರು.

                 ಸಂತ್ರಸ್ತೆಗೆ ನ್ಯಾಯ ದೊರಕಿಸಿಕೊಡುವಂತೆ ಹಾಗೂ ಹೇಮಾ ಆಯೋಗದ ವರದಿಯನ್ನು ಬಿಡುಗಡೆ ಮಾಡಲು ಮಧ್ಯಸ್ಥಿಕೆ ವಹಿಸುವಂತೆ ಮಹಿಳಾ ಆಯೋಗವನ್ನು ಕೋರಿದ್ದರು. ಪಾರ್ವತಿ ತಿರುವೋತ್, ಪದ್ಮಪ್ರಿಯಾ, ಸಯನೋರಾ, ಅಂಜಲಿ ಮೆನನ್, ದೀದಿ ಮತ್ತು ಅರ್ಚನಾ ಪದ್ಮಿನಿ ಮಹಿಳಾ ಆಯೋಗದ ಅಧ್ಯಕ್ಷರನ್ನು ಭೇಟಿಯಾಗಿದ್ದರು.