ಮಂಜೇಶ್ವರದಲ್ಲಿ ಪವರ್ ಟಿಲ್ಲರ್ ವಿತರಣೆ

             ಮಂಜೇಶ್ವರ: ಮಂಜೇಶ್ವರ ಬ್ಲಾಕ್ ಪಂಚಾಯತಿ ವ್ಯಾಪ್ತಿಯ ಎಂಟು ಆಯ್ದ ಕೃಷಿ ಸಮಿತಿ(ಪಾಠಶೇಖರ ಸಮಿತಿ) ಗಳಿಗೆ ಪವರ್ ಟಿಲ್ಲರ್‍ಗಳನ್ನು ವಿತರಿಸಲಾಯಿತು. `15,46,192 ಲಕ್ಷ ವೆಚ್ಚದಲ್ಲಿ ಬ್ಲಾಕ್ ಪಂಚಾಯಿತಿ ಅನುಷ್ಠಾನಗೊಳಿಸಿರುವ ಯೋಜನೆಯನ್ನು ಸಹಾಯಕ ಕೃಷಿ ನಿರ್ದೇಶಕರ ಕಚೇರಿಯಿಂದ ಅನುಷ್ಠಾನಗೊಳಿಸಲಾಗಿದೆ. ಕಳೆದ ಬಾರಿಯ ಬ್ಲಾಕ್ ಪಂಚಾಯತಿ ಬಜೆಟ್ ನಲ್ಲಿ ಕೃಷಿ ಪ್ರಮುಖ ಕ್ಷೇತ್ರವಾಗಿತ್ತು. 

            ಟಿಲ್ಲರ್ ವಿತರಣೆಯನ್ನು ಬ್ಲಾಕ್ ಪಂಚಾಯತಿ ಅಧ್ಯಕ್ಷೆ ಶಮೀನಾ ಟೀಚರ್ ಉದ್ಘಾಟಿಸಿದರು. ಟಿಲ್ಲರ್ ನ್ನು ಕೃಷಿ ಸಮಿತಿ ಸಮಿತಿ ಸಂಚಾಲಕರು ಸ್ವೀಕರಿಸಿದರು. ಬ್ಲಾ.ಪಂ. ಉಪಾಧ್ಯಕ್ಷ ಪಿ.ಕೆ.ಮಹಮ್ಮದ್ ಹನೀಫ್ ಅಧ್ಯಕ್ಷತೆ ವಹಿಸಿದ್ದರು. ಈ ಸಂದರ್ಭದಲ್ಲಿ ಬ್ಲಾಕ್ ಅಭಿವೃದ್ಧಿ ಅಧಿಕಾರಿ ಕೆ.ಸುಂದರ, ಸಹಾಯಕ ಕೃಷಿ ನಿರ್ದೇಶಕಿ ಅರ್ಜಿತಾ, ಆರೋಗ್ಯ ಶಿಕ್ಷಣ ಸ್ಥಾಯಿ ಸಮಿತಿ ಅಧ್ಯಕ್ಷೆ ಶಂಸೀನಾ, ಅಭಿವೃದ್ಧಿ ಕಾರ್ಯ ಸ್ಥಾಯಿ ಸಮಿತಿ ಅಧ್ಯಕ್ಷೆ ಸರೋಜಾ ಬಲ್ಲಾಳ್, ಕ್ಷೇಮಾಭಿವೃದ್ಧಿ ಸ್ಥಾಯಿ ಸಮಿತಿ ಅಧ್ಯಕ್ಷ ಹಮೀದ್ ಹೊಸಂಗಡಿ ಸೇರಿದಂತೆ ಪಾಲಿಕೆ ಸದಸ್ಯರು ಉಪಸ್ಥಿತರಿದ್ದರು.