ತಿರುವನಂತಪುರದಲ್ಲಿ ಮೀನಿನಲ್ಲಿ ಹುಳು; ಒಂದೇ ಕುಟುಂಬದ ನಾಲ್ವರಿಗೆ ವಿಷ ಬಾಧೆ

                ತಿರುವನಂತಪುರ:ಇಲ್ಲಿಯ ಕಲ್ಲೆರದಲ್ಲಿ ಮೀನು ಮಾರುಕಟ್ಟೆಯಿಂದ ಖರೀದಿಸಿದ ಮೀನಿನಲ್ಲಿ ಹುಳು ಪತ್ತೆಯಾಗಿದೆ. ಹಳೆ ಮಾರುಕಟ್ಟೆಯ ಅಂಗಡಿಯಿಂದ ಖರೀದಿಸಿದ ಮೀನಿನಲ್ಲಿ ಹುಳು ಪತ್ತೆಯಾಗಿದೆ. ಮೊನ್ನೆ ಇಲ್ಲಿಂದ ಖರೀದಿಸಿದ ಮೀನು ತಿಂದ ಕುಟುಂಬದ ನಾಲ್ವರು ವಿಷಾಹಾರ ಬಾಧೆಗೊಳಗಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

                    ನಿನ್ನೆ ಸಂಜೆ ವೇಳೆ ಈ ಘಟನೆ ನಡೆದಿದೆ.  ಬೇರೊಂದು ಕುಟುಂಬ ಮೀನನ್ನು ಖರೀದಿಸಿ  ಅಡುಗೆಗೆ ತೆಗೆದುಕೊಂಡು ಹೋದಾಗ ಹುಳು ಪತ್ತೆಯಾಗಿದೆ. ನಂತರ ಅವರು ಮೀನುಗಳನ್ನು ಹಿಂದಿರುಗಿಸಿದರು ಮತ್ತು ಹಣ ಹಿಂಪಡೆದು  ಮರಳಿದರು. ಆದರೆ ವಿಷಯ ತಿಳಿದ ಸ್ಥಳೀಯರು ಜಿಲ್ಲಾಧಿಕಾರಿ ಕಚೇರಿಗೆ ದೂರು ನೀಡಿದ್ದರು. ನಂತರ ಗ್ರಾಮಾಧಿಕಾರಿ ಹಾಗೂ ವೆಂಜಾರಮ್ಮೂಡು ಪೋಲೀಸರು ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದರು.

                     ಇಲ್ಲಿಂದ ಸಂಗ್ರಹಿಸಿದ ಮಾದರಿಯನ್ನು ಪರೀಕ್ಷೆಗೆ ಕಳುಹಿಸಲಾಗಿದೆ. ಫಲಿತಾಂಶ ಬಂದ ನಂತರ ಮುಂದಿನ ಕ್ರಮ ಕೈಗೊಳ್ಳುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.