ಸಿಲ್ವರ್ಲೈನ್; ಸಾರ್ವಜನಿಕ ಭಾವನೆಗಳ ಮುಂದೆ ಸರ್ಕಾರ ಮಂಡಿಯೂರಿತು; ತಪ್ಪಿಗೆ ಸಿಎಂ ಕ್ಷಮೆ ಯಾಚಿಸಬೇಕು: ಕೆ ಸುರೇಂದ್ರನ್

                    ಕೋಝಿಕ್ಕೋಡ್: ಜನರ ಭಾವನೆಗಳ ಮುಂದೆ ಮಂಡಿಯೂರಿದ ಕಾರಣದಿಂದಲೇ ಸಿಲ್ವರ್ ಲೈನ್ ಸರ್ವೇ ನಡೆಸುವುದನ್ನು ನಿಲ್ಲಿಸಲು ರಾಜ್ಯ ಸರ್ಕಾರ ನಿರ್ಧರಿಸಿದೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಕೆ.ಸುರೇಂದ್ರನ್ ಹೇಳಿದ್ದಾರೆ. ಸಿಲ್ವರ್ ಲೈನ್ ಗೆ ಕೇಂದ್ರ ಸರ್ಕಾರದ ಅನುಮತಿ ಸಿಗುವುದಿಲ್ಲ ಎಂಬುದನ್ನು ಮನಗಂಡ ರಾಜ್ಯ ಸರ್ಕಾರ ಸಾಕಾರಗೊಳ್ಳದೆಂಬುದು ಖಚಿತಪಡಿಸಿತು. ಮಾಡಿದ ತಪ್ಪಿಗೆ ಮುಖ್ಯಮಂತ್ರಿಗಳು ಜನರ ಕ್ಷಮೆ ಯಾಚಿಸಬೇಕು ಎಂದು ಸುರೇಂದ್ರನ್ ಒತ್ತಾಯಿಸಿದರು.

                 ಪ್ರತಿಭಟನಾಕಾರರ ಮೇಲೆ ಹಾಕಿರುವ ಪ್ರಕರಣಗಳನ್ನು ಹಿಂಪಡೆಯಲು ಸರ್ಕಾರ ಸಿದ್ಧವಾಗಬೇಕು. ಸಿಲ್ವರ್ ಲೈನ್ ವಿಚಾರ ಮುಂದಿಟ್ಟುಕೊಂಡು ತೃಕ್ಕಾಕರ ಉಪಚುನಾವಣೆಯಲ್ಲಿ ಸ್ಪರ್ಧಿಸುವುದಾಗಿ ಹೇಳಿದ್ದ ಪಿಣರಾಯಿ ವಿಜಯನ್ ಗೆ ಬೆಳ್ಳಂಬೆಳಗ್ಗೆ ಬುದ್ದಿ ಬಂದಿರುವುದು ಒಳ್ಳೆಯದೇ. ಅಲ್ಲದೇ ಮನೆಮನೆಗೆ ತೆರಳಿ ಮತ ಯಾಚಿಸುತ್ತಿರುವ ಸಚಿವರಿಗೆ ಸಿಲ್ವರ್ ಲೈನ್ ವಿರುದ್ಧ ಸಾರ್ವಜನಿಕರ ಭಾವನೆ ಮನವರಿಕೆಯಾಗಿದೆ ಎಂದರು.

                ಜನತೆಗೆ ಬೇಡವಾದ ಯೋಜನೆಯನ್ನು ಕೈಬಿಡಲು ಹಾಗೂ ಹಠ ಬಿಡಲು ಮುಖ್ಯಮಂತ್ರಿ ಸಿದ್ಧರಾಗಬೇಕು. ಅಭಿವೃದ್ಧಿ ಜನರ ಹಿತಕ್ಕಾಗಿ ಆಗಬೇಕು. ಇಲ್ಲದಿದ್ದರೆ ಪಿಣರಾಯಿ ಅಂದುಕೊಂಡಂತೆ ಕಮಿಷನ್ ಹೊಡೆಯಲಾಗದು.  ಕೇಂದ್ರದ ನರೇಂದ್ರ ಮೋದಿ ಸರ್ಕಾರ ಕೇರಳವನ್ನು ಸಾಲದ ಸುಳಿಯಲ್ಲಿಟ್ಟುಕೊಂಡು ಕಮಿಷನ್ ನಡೆಸಲು ಯಾರಿಗೂ ಅವಕಾಶ ನೀಡುವುದಿಲ್ಲ. ಸಿಲ್ವರ್ ಲೈನ್ ಹೆಸರಿನಲ್ಲಿ ಮಹಿಳೆಯರು, ಮಕ್ಕಳು ಸೇರಿದಂತೆ ಹಲವರು ಪೋಲೀಸರ ದೌರ್ಜನ್ಯಕ್ಕೆ ಬಲಿಯಾಗಿದ್ದಾರೆ. ಅವರಿಗೆ ನ್ಯಾಯ ಸಿಗಬೇಕು. ಜನರ ಸಮಸ್ಯೆ ನಿವಾರಣೆಯಾಗುವವರೆಗೂ ಬಿಜೆಪಿ ಹೋರಾಟ ಮುಂದುವರಿಸಲಿದೆ ಎಂದು ಸುರೇಂದ್ರನ್ ಹೇಳಿದ್ದಾರೆ.