ಎರ್ನಾಕುಳಂ: ನಟಿ ಮೇಲೆ ಹಲ್ಲೆ ನಡೆಸಿದ ಪ್ರಕರಣದಲ್ಲಿ ದಿಲೀಪ್ ಸ್ನೇಹಿತ ಶರತ್ ನನ್ನು ಬಂಧಿಸಲಾಗಿದೆ. ಸಾಕ್ಷ್ಯ ನಾಶಪಡಿಸಿದ ಆರೋಪದ ಮೇಲೆ ಶರತ್‍ನನ್ನು ಬಂಧಿಸಲಾಗಿದೆ. ನಟಿ ಮೇಲಿನ ಹಲ್ಲೆಯ ದೃಶ್ಯಾವಳಿಗಳನ್ನು ದಿಲೀಪ್ ಮನೆಗೆ ತಂದಿದ್ದು ಶರತ್. ಶರತ್ ಅವರು ಆಲುವಾದಲ್ಲಿ ಹೋಟೆಲ್ ಹೊಂದಿದ್ದಾರೆ.
ತನಿಖಾಧಿಕಾರಿಯನ್ನು ಅಪಾಯಕ್ಕೆ ಸಿಲುಕಿಸಲು ಯತ್ನಿಸಿದ ಪ್ರಕರಣದಲ್ಲೂ ಶರತ್ ಆರೋಪಿಯಾಗಿದ್ದಾನೆ. ನಿರ್ದೇಶಕ ಬಾಲಚಂದ್ರಕುಮಾರ್ ಬಹಿರಂಗಪಡಿಸಿದ ಆಧಾರದ ಮೇಲೆ ಪ್ರಕರಣದಲ್ಲಿ ಶರತ್ ವಿರುದ್ಧ ತನಿಖೆ ಆರಂಭಿಸಲಾಗಿತ್ತು. ನಟಿಯ ಮೇಲೆ ಹಲ್ಲೆ ನಡೆದ ಬಳಿಕ ಆ ದೃಶ್ಯಾವಳಿಗಳನ್ನು ಪೆನ್ ಡ್ರೈವ್ ನಲ್ಲಿ ಶೇಖರಿಸಿ ವಿಐಪಿಯೋರ್ವ ದಿಲೀಪ್ ಅವರಿಗೆ ಹಸ್ತಾಂತರಿಸಿರುವುದು ಬೆಳಕಿಗೆ ಬಂದಿದೆ. ತೀವ್ರ ತನಿಖೆಯ ನಂತರ ತನಿಖಾ ತಂಡವು ಬಾಲಚಂದ್ರ ಕುಮಾರ್ ಹೇಳಿದ ವಿಐಪಿ ಯಾರೆಂದು ಪತ್ತೆ ಮಾಡಿದೆ.
ನಟಿ ಮೇಲಿನ ಹಲ್ಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಪರಾಧ ವಿಭಾಗದ ಪೋಲೀಸರು ತನಿಖೆ ಆರಂಭಿಸಿದ ಬಳಿಕ ಶರತ್‍ನ ಮೊದಲ ಬಂಧನ ಇದಾಗಿದೆ. ನವೆಂಬರ್ 15, 2018 ರಂದು ನಟಿಯ ಮೇಲೆ ನಡೆದ ಹಲ್ಲೆಯ ದೃಶ್ಯಗಳನ್ನು ಟ್ಯಾಬ್ ಆಗಿ ಪರಿವರ್ತಿಸಿ ದಿಲೀಪ್ ಅವರ ಪದ್ಮಸರೋವರ ಮನೆಗೆ ಹಸ್ತಾಂತರಿಸಿರುವುದನ್ನು ಅಪರಾಧ ವಿಭಾಗ ಪತ್ತೆ ಮಾಡಿದೆ. ಇದರ ಆಧಾರದ ಮೇಲೆ ಶರತ್‍ನನ್ನು ಬಂಧಿಸಲಾಗಿದೆ. ಬಾಲಚಂದ್ರ ಕುಮಾರ್ ಹೇಳಿಕೆಯ ಆಧಾರದ ಮೇಲೆ ಸೋಮವಾರ ಆಲುವಾ ಪೋಲೀಸ್ ಕ್ಲಬ್‍ನಲ್ಲಿ ಶರತ್ ಅವರನ್ನು ವಿಚಾರಣೆ ನಡೆಸಲಾಯಿತು. ಇದರ ಬೆನ್ನಲ್ಲೇ ಬಂಧನ ನಡೆದಿದೆ. ಸಾಕ್ಷ್ಯ ನಾಶ ಮತ್ತು ಸಾಕ್ಷ್ಯಗಳನ್ನು ಮುಚ್ಚಿಟ್ಟ ಆರೋಪವನ್ನು ಅವರ ಮೇಲೆ ಹೊರಿಸಲಾಗಿದೆ. ಇವೆರಡೂ ಕ್ಷುಲ್ಲಕ ವಿಚಾರಗಳಾಗಿರುವುದರಿಂದ ಶರತ್ ಶೀಘ್ರದಲ್ಲೇ ಜಾಮೀನಿನ ಮೇಲೆ ಬಿಡುಗಡೆಯಾಗಲಿದ್ದಾರೆ ಎಂದು ತಿಳಿದುಬಂದಿದೆ.
DOCTYPE html>
