ಪಿಸಿ ಜಾರ್ಜ್‍ಗೆ ಜಾಮೀನು ಮಂಜೂರು: ನನ್ನ ಬಂಧನ ಮುಸ್ಲಿಂ ಉಗ್ರರಿಗೆ ಪಿಣರಾಯಿ ವಿಜಯನ್ ನೀಡಿದ ರಂಜಾನ್ ಉಡುಗೊರೆ ಎಂದ ಜಾರ್ಜ್

                   ತಿರುವನಂತಪುರಂ: ಪಿಸಿ ಜಾರ್ಜ್ ಅವರಿಗೆ ಷರತ್ತುಬದ್ಧ ಜಾಮೀನು ಮಂಜೂರಾಗಿದೆ. ಸಾಕ್ಷಿಯ ಮೇಲೆ ಪ್ರಭಾವ ಬೀರಬಾರದು, ದ್ವೇಷ ಸಾಧಿಸಬಾರದು, ಅನಗತ್ಯವಾಗಿ ವಿವಾದಕ್ಕೆ ಸಿಲುಕಬಾರದು ಅಥವಾ ಪೋಲೀಸರು ಕರೆದಾಗಲೆಲ್ಲ ತನಿಖೆಗೆ ಸಹಕರಿಸಬೇಕು ಎಂಬ ಷರತ್ತಿನ ಮೇಲೆ ಜಾಮೀನು ನೀಡಲಾಗಿದೆ. ಮ್ಯಾಜಿಸ್ಟ್ರೇಟ್ ರು ಹೆಚ್ಚೇನನ್ನೂ ಕೇಳಲಿಲ್ಲ.  ಹಿಂದೂ ಸಮಾವೇಶದಲ್ಲಿ ಹೇಳಿದ್ದಕ್ಕೆ ಬದ್ಧವಾಗಿದ್ದೇನೆ ಎಂದು ಪಿಸಿ ಜಾರ್ಜ್ ಹೇಳಿದ್ದಾರೆ.

                     ವಂಚಿಯೂರು ನ್ಯಾಯಾಂಗ ಪ್ರಥಮ ದರ್ಜೆ ಮ್ಯಾಜಿಸ್ಟ್ರೇಟ್ ಆಶಾ ಕೋಶಿ ಅವರು ಪಿಸಿ ಜಾರ್ಜ್‍ಗೆ ಜಾಮೀನು ಮಂಜೂರು ಮಾಡಿದ್ದಾರೆ. ‘ಇಲ್ಲಿ ಕಾಂಗ್ರೆಸ್ ಮತ್ತು ಸಿಪಿಎಂ ಒಂದಾಗಿವೆ. ನನಗೆ ಮುಸ್ಲಿಂ ಉಗ್ರರ ಮತಗಳು ಬೇಡ. ಭಾರತವನ್ನು ಪ್ರೀತಿಸದ ಉಗ್ರಗಾಮಿಗಳು ನನಗೆ ಬೇಡ. ನನ್ನ ಬಂಧನ ಮುಸ್ಲಿಂ ಉಗ್ರರಿಗೆ ಪಿಣರಾಯಿ ವಿಜಯನ್ ನೀಡಿದ ರಂಜಾನ್ ಉಡುಗೊರೆ. ಯೂಸುಫಾಲಿ ವಿರುದ್ಧ ತಾನು ಹೇಳಿದ್ದು ತಪ್ಪಾಗಿದೆ ಮತ್ತು ತನ್ನ ಹೇಳಿಕೆಯನ್ನು  ಹಿಂಪಡೆದಿರುವುದಾಗಿ ಜೋರ್ಜ್ ಹೇಳಿದರು. 

                    ಇಂದು ಮುಂಜಾನೆ 5 ಗಂಟೆ ಸುಮಾರಿಗೆ ಪಿಸಿ ಜಾರ್ಜ್ ಅವರನ್ನು ಪೋಲೀಸರು ವಶಕ್ಕೆ ಪಡೆದಿದ್ದರು. ತಿರುವನಂತಪುರಂ ಪೋರ್ಟ್ ಪೋಲೀಸರು ಕ್ರಮ ಕೈಗೊಂಡಿದ್ದರು. ತಿರುವನಂತಪುರಂ ಎಆರ್ ಕ್ಯಾಂಪ್‍ಗೆ ಕರೆತಂದ ಬಳಿಕ ಬಂಧನ ದಾಖಲಿಸಲಾಗಿತ್ತು. ಬಳಿಕ ಅವರನ್ನು ಮ್ಯಾಜಿಸ್ಟ್ರೇಟ್ ಮುಂದೆ ಹಾಜರುಪಡಿಸಲಾಯಿತು.  ವಂಚಿಯೂರು ನ್ಯಾಯಾಲಯದ ಆವರಣದಲ್ಲಿ ಭದ್ರತೆಯನ್ನು ಹೆಚ್ಚಿಸಲಾಗಿತ್ತು.

                     ಪಿಸಿ ಜಾರ್ಜ್ ಬಂಧನದ ನಂತರ ಬಿಜೆಪಿ ನಾಯಕರು ಬೆಂಬಲ ವ್ಯಕ್ತಪಡಿಸಿದ್ದಾರೆ. ಕೇಂದ್ರ ಸಚಿವರಾದ ವಿ ಮುರಳೀಧರನ್, ಕುಮ್ಮನಂ ರಾಜಶೇಖರನ್, ಬಿಜೆಪಿ ಅಧ್ಯಕ್ಷ ಕೆ.ಸುರೇಂದ್ರನ್,  ಪಿ.ಕೆ.ಕೃಷ್ಣದಾಸ್, ಸಂದೀಪ್ ಜಿ.ವಾರಿಯರ್, ಸಂದೀಪ್ ವಾಚಸ್ಪತಿ ಪ್ರತಿಭಟನೆ ವ್ಯಕ್ತಪಡಿಸಿರುವರು.  ಕೇರಳದಲ್ಲಿ ಅಭಿವ್ಯಕ್ತಿ ಸ್ವಾತಂತ್ರ್ಯ ಮತ್ತು ದ್ವಿ ನ್ಯಾಯವನ್ನು ಸರ್ಕಾರ ಅತಿಕ್ರಮಿಸುತ್ತಿದೆ ಎಂದು ಮುಖಂಡರು ಆರೋಪಿಸಿದರು.