ತಿರುವನಂತಪುರ: ಕೊಲ್ಲೂರು ಸನ್ನಿಧಿಗೆ ತೆರಳಬೇಕಿದ್ದ ಸ್ವಿಫ್ಟ್ ಬಸ್ ದಾರಿತಪ್ಪಿ ಗೋವಾಕ್ಕೆ ತೆರಳಿದೆ ಎಂಬ ಸುದ್ದಿ ಮಾಧ್ಯಮಗಳಲ್ಲಿ ಹರಿದಾಡುತ್ತಿರುವ ವದಂತಿ ಆಧಾರ ರಹಿತ ಎಂದು ಸಾರಿಗೆ ಸಚಿವ ಆಂಟನಿ ರಾಜು ಹೇಳಿದ್ದಾರೆ. ವಿವರವಾದ ತನಿಖೆಯ ನಡೆಸಿರುವ ಅಧಿಕಾರಿಗಳು ಬಸ್ ಹಾದಿತಪ್ಪಿ ಎಲ್ಲಿಗೂ ಹೋಗಿಲ್ಲ. ಅಂತಹದೊಂದು ಘಟನೆಯೇ ನಡೆದಿಲ್ಲ ಎಂದು ಸಚಿವರು ನಿನ್ನೆ ರಾತ್ರಿ ತಿಳಿಸಿರುವರು.
ಮೇ 8ರಂದು ತಿರುವನಂತಪುರದಿಂದ ಕೊಲ್ಲೂರು ಮೂಕಾಂಬಿಕಾ ಕ್ಷೇತ್ರಕ್ಕೆ ತೆರಳಿದ್ದ ಕೆಎಸ್‍ಆರ್‍ಟಿಸಿ ಸ್ವಿಫ್ಟ್ ಬಸ್ ದಾರಿ ತಪ್ಪಿರುವುದಾಗಿ ಸುದ್ದಿಯಾಗಿತ್ತು. ಇದು ಸಂಪೂರ್ಣ ತಪ್ಪು ಎಂದು ವಿಜಿಲೆನ್ಸ್ ತನಿಖೆಯಿಂದ ತಿಳಿದುಬಂದಿದೆ.
ಸದ್ಯಕ್ಕೆ ತಿರುವನಂತಪುರಂನಿಂದ ಕೊಲ್ಲೂರಿಗೆ ಕೆಎಸ್‍ಆರ್‍ಟಿಸಿ-ಸ್ವಿಫ್ಟ್ ಸೇವೆ ನಡೆ ಇಲ್ಲ.
ಕೆಎಸ್‍ಆರ್‍ಟಿಸಿ ಸ್ವಿಫ್ಟ್ ಏರ್ ಡಿಲಕ್ಸ್ ಬಸ್‍ಗಳು ಎರ್ನಾಕುಳಂ ಮತ್ತು ಕೊಟ್ಟಾರಕ್ಕರದಿಂದ ಕೊಲ್ಲೂರಿಗೆ ಸಂಚರಿಸುತ್ತವೆ. ಮೇ 8ರಂದು ಕೆಎಸ್‍ಆರ್‍ಟಿಸಿ ಸಿಎಂಡಿ ಸೂಚನೆ ಮೇರೆಗೆ ವಿಜಿಲೆನ್ಸ್ ಅಧಿಕಾರಿ ಕೊಟ್ಟಾರಕ್ಕರ ಸೇವೆ ಹಾಗೂ ಎರ್ನಾಕುಳಂ ಸೇವೆಗಳ ಬಗ್ಗೆ ಕರೆ ಮಾಡಿ ವಿಚಾರಿಸಿದ್ದು, ಬಸ್ ಮಾರ್ಗ ಬದಲಿಸಿಲ್ಲ, ಪ್ರಯಾಣ ಸುಖಕರವಾಗಿದೆ ಎಂದು ತಿಳಿಸಿದರು.
ಇದಲ್ಲದೆ, ಆ ಸೇವೆಗಳ ತರಬೇತಿಯ ಉಸ್ತುವಾರಿ ವಹಿಸಿದ್ದ ಇನ್ಸ್‍ಪೆಕ್ಟರ್‍ಗಳು ಬಸ್ ಗಮ್ಯ ಸ್ಥಾನ ತಲಪಿದೆ ಎಂದು ವರದಿ ಮಾಡಿದ್ದರು. ಜತೆಗೆ 7,8,9,10ರ ದಿನಾಂಕದಂದು ಬಸ್‍ಗಳ ಲಾಗ್‍ಶೀಟ್‍ಗಳನ್ನು ಹಾಕಿದಾಗ ನಿಯಮಿತ ಓಡಾಟದ ಅಂತರಕ್ಕೆ ಮಾತ್ರ ಬಸ್‍ಗಳು ಸೇವೆ ನೀಡುತ್ತಿರುವುದು ಕಂಡುಬಂದಿದೆ.
ಕೆಎಸ್‍ಆರ್‍ಟಿಸಿ ಸ್ವಿಫ್ಟ್‍ನ ಜನಪ್ರಿಯತೆಯನ್ನು ಕುಗ್ಗಿಸುವ ಉದ್ದೇಶದಿಂದ ಕೆಲವು ಮಂದಿ ಇಂತಹ ವದಂತಿಗಳನ್ನು ಹಬ್ಬಿಸುತ್ತಿದ್ದಾರೆ ಎಂದು ಸಚಿವರು ಆರೋಪಿಸಿದರು. ಇಂತಹ ಸುದ್ದಿ ದುರುದ್ದೇಶದಿಂದ ಕೂಡಿದೆ. ಈ ಹಿಂದೆ ಸ್ವಿಫ್ಟ್‍ಗೆ ಸಂಭವಿಸಿದ ಸಣ್ಣ ಅಪಘಾತಗಳನ್ನು ಉತ್ಪ್ರೇಕ್ಷಿಸುವ ಮಾದರಿಯನ್ನು ಕೆಲವು ಕೇಂದ್ರಗಳು ಅನುಸರಿಸುತ್ತಿವೆ ಎಂದು ಸಚಿವರು ಫೇಸ್‍ಬುಕ್ ಪೋಸ್ಟ್‍ನಲ್ಲಿ ಗಮನಸೆಳೆದಿದ್ದಾರೆ.
ಕೆಎಸ್‍ಆರ್‍ಟಿಸಿ-ಸ್ವಿಫ್ಟ್ ಬಸ್‍ಗಳು ಅಂತರರಾಜ್ಯ ಆಧಾರದ ಮೇಲೆ ಕರ್ನಾಟಕಕ್ಕೆ ಸಂಚರಿಸುತ್ತವೆ. ಗೋವಾ ಜತೆ ಕೆಎಸ್‍ಆರ್‍ಟಿಸಿ ಅಂತಹ ಒಪ್ಪಂದ ಮಾಡಿಕೊಂಡಿಲ್ಲ. ಗೋವಾಕ್ಕೆ ಸೇವೆಯನ್ನು ನಿರ್ವಹಿಸಲು ವಿಶೇಷ ಪರವಾನಗಿ ಅಗತ್ಯವಿದೆ. ಅಥವಾ ದಾರಿ ತಪ್ಪಿ ಗೋವಾಕ್ಕೆ ಹೋದರೂ ಪರವಾನಿಗೆ ಇಲ್ಲದೆ ಗೋವಾ ಪ್ರವೇಶಿಸುವಂತಿಲ್ಲ. ಅಂತಹ ಮೂಲಭೂತ ಮಾಹಿತಿಯೂ ಇಲ್ಲದವರು ಸುಳ್ಳು ಸುದ್ದಿ ಹಬ್ಬಿಸುತ್ತಿದ್ದಾರೆ ಎಂದು ಸಚಿವರು ಹೇಳಿದರು.
DOCTYPE html>
