ಮಲಪ್ಪುರಂನಲ್ಲಿ ಡೀಸೆಲ್ ಗೆ ನೀರು ಬೆರೆಸಿ ಮಾರಾಟ: ಕಾರು ಮಾಲೀಕರಿಗೆ ಪೆಟ್ರೋಲ್ ಪಂಪ್ ಮಾಲೀಕರು 3.76 ಲಕ್ಷ ರೂಪಾಯಿ ಪರಿಹಾರ ನೀಡಲು ಆದೇಶ

               ಮಲಪ್ಪುರಂ: ಡೀಸೆಲ್‍ಗೆ ನೀರು ಬೆರೆಸಿ ಮಾರಾಟ ಮಾಡಿದ ಪಂಪ್ ಮಾಲೀಕನಿಗೆ  ಕಾರು ಮಾಲೀಕರಿಗೆ ಪರಿಹಾರ ನೀಡುವಂತೆ ಗ್ರಾಹಕ ಆಯೋಗ ಆದೇಶಿಸಿದೆ. ಪಶ್ಚಿಮ ಕೋಡೂರಿನ ವಿಜೇಶ್ ಕೊಳತಾಯಿ ಎಂಬವರು ಸಲ್ಲಿಸಿದ ದೂರಿನ ಮೇರೆಗೆ ಈ ಆದೇಶ ಹೊರಡಿಸಲಾಗಿದೆ.

                  4,500 ರೂ. ಮೌಲ್ಯದ ಡೀಸೆಲ್ ಅನ್ನು ಕಾರಿಗೆ ಹಾಕಿಸಿಕೊಂಡಿದ್ದರು. ಆದರೆ ಸ್ವಲ್ಪ ದೂರದ ನಂತರ ಕಾರು ನಿಷ್ಕ್ರಿಯವಾಯಿತು.  ಡೀಸೆಲ್ ಗೆ ನೀರು ಬೆರೆಸಿರುವುದು ಕಂಡು ಬಂದ ಹಿನ್ನೆಲೆಯಲ್ಲಿ ದೂರು ದಾಖಲಾಗಿದೆ.

                 ಪ್ರಯೋಗಾಲಯದ ಪರೀಕ್ಷೆಗಳಲ್ಲಿ ಡೀಸೆಲ್‍ನಲ್ಲಿ ಕಲ್ಮಶ ಮತ್ತು ನೀರು ಇರುವುದು ಪತ್ತೆಯಾಗಿದೆ. ಇದರ ಬೆನ್ನಲ್ಲೇ ಆಯೋಗದ ಅನುಕೂಲಕರ ತೀರ್ಪು ಬಂದಿದೆ.

                   ಪಂಪ್ ಮಾಲೀಕರು ವಾಹನ ದುರಸ್ತಿಗೆ 1,57,891 ರೂ., ಪರಿಹಾರಕ್ಕಾಗಿ 2,00,000 ರೂ., ನ್ಯಾಯಾಲಯದ ವೆಚ್ಚಕ್ಕೆ 15,000 ರೂ. ಮತ್ತು ಡೀಸೆಲ್‍ಗೆ 4,500 ರೂ. ಸೇರಿಸಿ ಒಂದು ತಿಂಗಳೊಳಗೆ ಮೊತ್ತ ಪಾವತಿಸದಿದ್ದರೆ ಶೇ 12ರಷ್ಟು ಬಡ್ಡಿ ವಿಧಿಸಲಾಗುತ್ತದೆ.