ಕಾಸರಗೋಡು ಬ್ಲಾಕ್ ಪಂಚಾಯತಿ ಹಾಗೂ ಬದಿಯಡ್ಕ ಗ್ರಾಮ ಪಂಚಾಯತಿ ಸಂಯೋಜನೆಯಲ್ಲಿ ಪೆರಡಾಲ ಕೊರಗ ಕಾಲೋನಿಯಲ್ಲಿ `58,47,000 ಸಮಗ್ರ ಅಭಿವೃದ್ಧಿ ಯೋಜನೆ

      

                 ಬದಿಯಡ್ಕ: ಕಾಸರಗೋಡು ಬ್ಲಾಕ್ ಪಂಚಾಯತಿ ಮತ್ತು ಬದಿಯಡ್ಕ ಗ್ರಾಮ ಪಂಚಾಯತಿ ಜಂಟಿಯಾಗಿ ಬದಿಯಡ್ಕ  ಪೆರಡಾಲದಲ್ಲಿರುವ ಜಿಲ್ಲೆಯ ಅತೀ ದೊಡ್ಡ ಕೊರಗ ಕಾಲೋನಿಯ ಸಮಗ್ರ ಅಭಿವೃದ್ಧಿಗಾಗಿ `58,47,000 ರೂ.ಗಳ ಬೃಹತ್ ಮೊತ್ತದ ಯೋಜನೆಗಳನ್ನು ಸಿದ್ಧಪಡಿಸಲಿದೆ. ಮಹಾತ್ಮಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆ ಹಾಗೂ ಇತರೆ ಇಲಾಖೆಗಳ ಸಹಯೋಗದಲ್ಲಿ ಬದಿಯಡ್ಕ ಗ್ರಾ.ಪಂ. ನ 14ನೇ ವಾರ್ಡಿನ ಪೆರಡಾಲ ವ್ಯಾಪ್ತಿಯ ಪರಿಶಿಷ್ಟ ಪಂಗಡದ ಕುಟುಂಬಗಳ ಅಗತ್ಯತೆಗಳನ್ನು ಪೂರೈಸುವ ಉದ್ದೇಶದಿಂದ ವಿವಿಧ ಇಲಾಖೆಗಳ ಸಹಯೋಗದಲ್ಲಿ ಮತ್ತು ಸುಸ್ಥಿರ ಅಭಿವೃದ್ಧಿಯನ್ನು ಖಾತ್ರಿಪಡಿಸುವ ಉದ್ದೇಶದಿಂದ ಯೋಜನೆ ಅನುಷ್ಠಾನಗೊಳಿಸಲಾಗುತ್ತಿದೆ. 

              ಬದಿಯಡ್ಕ ಪೆರಡಾಲ ಕಾಲೋನಿಯಲ್ಲಿ 44 ಕೊರಗ ವಿಭಾಗದ ಕುಟುಂಬಗಳಿದ್ದು, 47 ಮಹಿಳೆಯರು, 51 ಪುರುಷರು ಮತ್ತು 3 ಮಕ್ಕಳು ಇದ್ದಾರೆ. ಇಲ್ಲಿ ವಿವಿಧ ಅಗತ್ಯಗಳನ್ನು ವ್ಯಕ್ತಪಡಿಸಿದ ಕುಟುಂಬಗಳಿಗೆ ವಿವಿಧ ಇಲಾಖೆಗಳು ಮತ್ತು ಯೋಜನೆಗಳ ಜಂಟಿ ಸೇವೆ ಲಭ್ಯವಾಗುತ್ತದೆ. ಪಂಚಾಯತಿ ಲೈಫ್ ಮಿಷನ್ ಅಥವಾ ಪರಿಶಿಷ್ಟ ಪಂಗಡಗಳ ಅಭಿವೃದ್ಧಿ ಇಲಾಖೆಯನ್ನು ನಿವೇಶನ ರಹಿತರಿಗೆ ನಿವೇಶನ ಖರೀದಿಸಲು ಮತ್ತು ವಸತಿ ರಹಿತರಿಗೆ ಮನೆ ನಿರ್ಮಿಸಲು ಲೈಫ್‍ನಲ್ಲಿ ಸೇರಿಸಲಾಗುವುದು.

              ಬೇಸಿಗೆಯಲ್ಲಿ ಕೃಷಿ ಮತ್ತು ನೀರಾವರಿಗೆ ಕುಡಿಯುವ ನೀರು ಅಗತ್ಯವಿರುವ ಕುಟುಂಬಗಳಿಗೆ ಉದ್ಯೋಗ ಖಾತ್ರಿ ಯೋಜನೆಯ ಭಾಗವಾಗಿ ಸುಭಿಕ್ಷ ಕೇರಳ ಯೋಜನೆಯ ಭಾಗವಾಗಿ ಲಭ್ಯವಿರುವ ಭೂಮಿಯಲ್ಲಿ ಕೆರೆಗಳನ್ನು ನಿರ್ಮಿಸಲಾಗುವುದು. ದನದ ಕೊಟ್ಟಿಗೆ, ಕುರಿಗಳ ದೊಡ್ಡಿ, ಕೋಳಿ ಗೂಡುಗಳನ್ನು ತಮಗೆ ಬೇಕಾದ ಫಲಾನುಭವಿಗಳಿಗೆ ಒದಗಿಸಿ ಉದ್ಯೋಗ ಖಾತ್ರಿ ಯೋಜನೆಯಲ್ಲಿ ಸೇರಿಸಲಾಗುವುದು. ಅಗತ್ಯವಿರುವ ಹಸು, ಕೋಳಿ, ಕುರಿಗಳನ್ನು ಇಲಾಖೆ ಅಥವಾ ಪಂಚಾಯಿತಿ ವತಿಯಿಂದ ನೀಡಲಾಗುವುದು. ಮಹಾತ್ಮ ಗಾಂಧಿ ರಾಷ್ಟ್ರೀಯ ಉದ್ಯೋಗ ಖಾತ್ರಿ ಯೋಜನೆಯಡಿ ಸುಭಿಕ್ಷ ಕೇರಳ ಯೋಜನೆಯಡಿ ಮೇವು ಕೃಷಿ ಆರಂಭಿಸಲು ಭೂಮಿ ನೀಡಲಾಗುವುದು. ಡೇರಿ ಇಲಾಖೆಯಿಂದ ಮೇವಿನ ಅಂಗಡಿಗಳನ್ನು ಒದಗಿಸಲಾಗುವುದು.

                  ಕಾಲೋನಿಯ ಕಡಿದಾದ ಗುಡ್ಡ ಪ್ರದೇಶ, ಮೋರಿ ಸೇರಿದಂತೆ ನಿರ್ಮಾಣ ಕಾಮಗಾರಿಯನ್ನು ಜಿಲ್ಲಾ ಪಂಚಾಯಿತಿ ಅಥವಾ ಮಣ್ಣು ಸಂರಕ್ಷಣಾ ಇಲಾಖೆ ಕೈಗೆತ್ತಿಕೊಳ್ಳಲಿದೆ. ಮೂವತ್ತು ಕುಟುಂಬಗಳು ರಕ್ಷಣಾ ಗೋಡೆಯ ಫಲಾನುಭವಿಗಳು. ಉದ್ಯೋಗ ಖಾತ್ರಿ ಯೋಜನೆಯಡಿ ನೈರ್ಮಲ್ಯ ಕೇರಳ ಯೋಜನೆಯ ಭಾಗವಾಗಿ ತ್ಯಾಜ್ಯ ವಿಲೇವಾರಿಗೆ ಸಾಕ್‍ಪಿಟ್‍ಗಾಗಿ ಮನವಿ ಮಾಡಿದ 25 ಕುಟುಂಬಗಳಿಗೆ ಇದನ್ನು ನಿರ್ಮಿಸಲಾಗುವುದು.

            ಕಾಸರಗೋಡು ಬ್ಲಾಕ್ ಪಂಚಾಯತ್ ಅಧ್ಯಕ್ಷೆ ಸಿಎ ಸೈಮಾ ಹಾಗೂ ಕಾಸರಗೋಡು ಬ್ಲಾಕ್ ಪೆರೆಡಾಲ ವಿಭಾಗದ ಸದಸ್ಯ ಎಸ್. ಅಶ್ವಿನಿ, ಬದಿಯಡ್ಕ  ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷ ಎಂ. ಅಬ್ಬಾಸ್, ಬದಿಯಡ್ಕ ಸಹಾಯಕ ಕಾರ್ಯದರ್ಶಿ ಪಿ.ಮುರಳಿ, ಬದಿಯಡ್ಕ ಸಿಇಒ ಜಾಸಿಂ, ಎನ್‍ಆರ್‍ಇಜಿಎಸ್ ಎಇ ಅಶ್ವತಿ ಮತ್ತು ಎನ್‍ಆರ್‍ಇಜಿಎಸ್ ಮೇಲ್ವಿಚಾರಕ ಅಬ್ದುಲ್ ಖಾದರ್ ಕಾಲೋನಿಗೆ ಭೇಟಿ ನೀಡಿ ಫಲಾನುಭವಿಗಳೊಂದಿಗೆ ಮಾತನಾಡಿದರು.

                     ಕಾಲೋನಿಯಲ್ಲಿ ಫಲಾನುಭವಿಗಳ ಕೋರಿಕೆಯಂತೆ ವಿವಿಧ ಮೂಲ ಸೌಕರ್ಯ ಅಭಿವೃದ್ಧಿ ಸೌಲಭ್ಯಗಳನ್ನು ಒದಗಿಸಲಾಗುವುದು. ಆಸ್ತಿ ಖರೀದಿ, ವಸತಿ, ಮನೆ ನವೀಕರಣ, ಶೌಚಾಲಯ, ನೀರಾವರಿ ಬಾವಿ, ಕುಡಿಯುವ ನೀರಿನ ಪೈಪ್‍ಲೈನ್, ವಿದ್ಯುತ್ ಸಂಪರ್ಕ, ಅನಿಲ ಸಂಪರ್ಕ, ಸೋಲಾರ್ ಲೈಟ್, ಜಾನುವಾರು ಸಾಕಣೆ, ಆಶ್ರಯ ನಿರ್ಮಾಣ, ಅಜೋಲಾ, ಮೇವು ಕೃಷಿ, ಮಳೆನೀರು ಕೊಯ್ಲು, ಬಾವಿ ಮರುಪೂರಣ, ಕಾಸರಗೋಡು ಪಂಚಾಯಿತಿ ಕಾಸರಗೋಡು ಕರಕುಶಲ ವಸ್ತುಗಳು, ಕಲ್ಲಿನ ಕರಕುಶಲ ವಸ್ತುಗಳು, ಕೃಷಿ ಹೊಂಡಗಳು, ಕಾಂಪೆÇೀಸ್ಟ್ ಪಿಟ್‍ಗಳು, ಸಾಕ್‍ಪಿಟ್‍ಗಳು ಮತ್ತು ಭೂಕುಸಿತವನ್ನು ತಡೆಗಟ್ಟಲು ರಕ್ಷಣಾತ್ಮಕ ಗೋಡೆಗಳನ್ನು ಒಳಗೊಂಡಂತೆ ಬ್ಲಾಕ್ ಪಂಚಾಯಿತಿಯು ಕಾಲೋನಿಯ ಅಭಿವೃದ್ಧಿಗೆ ಸಮಗ್ರ ಯೋಜನೆಗಳನ್ನು ಕೈಗೊಳ್ಳುತ್ತಿದೆ ಎಂದು  ಬದಿಯಡ್ಕ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಬಿ.ಎಸ್. ಶಾಂತಾ ಯೋಜನೆ ಬಗ್ಗೆ ವಿಜಯವಾಣಿಗೆ ಮಾಹಿತಿ ನೀಡಿರುವರು.