ಐ.ಸಿ.ಎಆರ್-ಸಿ.ಪಿ.ಸಿ.ಆರ್.ಐ ವತಿಯಿಂದ ಗ್ರಾಮೀಣ-ಅಗ್ರಿಟೆಕ್ ಹ್ಯಾಕಥಾನ್‍ಗೆ ಚಾಲನೆ

                  ಕಾಸರಗೋಡು: ಗ್ರಾಮೀಣ-ಅಗ್ರಿಟೆಕ್ ಹ್ಯಾಕಥಾನ್ ಕಾಸರಗೋಡಿನ ವಿನ್‍ಟಚ್ ಪಾಮ್ ಮೆಡೋಸ್‍ನಲ್ಲಿ ನಡೆಯಿತು.  ಐಸಿಎಆರ್-ಸಿಪಿಸಿಆರ್‍ಐ ನಿರ್ದೇಶಕಿ ಡಾ.ಅನಿತಾ ಕರುಣ್ ಹ್ಯಾಕಥಾನ್ ಉದ್ಘಾಟಿಸಿ ಮಾತನಾಡಿ, ಯುವಜನರನ್ನು ನೈಜ ಜೀವನದ ಸಮಸ್ಯೆಗಳಿಗೆ ಹತ್ತಿರ ತರುವಲ್ಲಿ ಹ್ಯಾಕಥಾನ್ ಸಹಕಾರಿಯಾಗಲಿದೆ. ಪ್ರತಿಯೊಬ್ಬ ಸ್ಪರ್ಧಿಯು ಸ್ಟಾರ್ಟಪ್ ಆಗಬೇಕು ಮತ್ತು ಅಂತಿಮವಾಗಿ 'ಯುನಿಕಾರ್ನ್' ಆಗಬೇಕು ಎಂದು ತಿಳಿಸಿದರು.   

               ಐಸಿಎಆರ್-ಸಿಪಿಸಿಆರ್‍ಐ ಮತ್ತು ಕೇರಳ ಸ್ಟಾರ್ಟಪ್ ಮಿಷನ್ ಕಾಸರಗೋಡಿನಲ್ಲಿ ಇದು ಎರಡನೇ ಬಾರಿಗೆ ಅಗ್ರಿಟೆಕ್ ಹ್ಯಾಕಥಾನ್ ಆಯೋಜಿಸಲಾಗುತ್ತಿದೆ. ಸ್ವೀಕರಿಸಲಾಗಿರುವ ಒಟ್ಟು 102 ಅರ್ಜಿಗಳಲ್ಲಿ 25 ಅನ್ನು ಶಾರ್ಟ್‍ಲಿಸ್ಟ್ ಮಾಡಲಾಗಿದೆ ಮತ್ತು 19 ತಂಡಗಳು ಸಮಸ್ಯೆ, ಹೇಳಿಕೆಗಳಿಗೆ ಪರಿಹಾರಗಳನ್ನು ತರಲು 30 ಗಂಟೆಗಳ ಕಾಲ ಹ್ಯಾಕ್ ಮಾಡಲಾಗುತ್ತಿವೆ.

                   ಐಸಿಎಆರ್-ಸಿಪಿಸಿಆರ್‍ಐ ಕಲ್ಪ ಅಗ್ರಿಬಿಸಿನೆಸ್ ಇನ್‍ಕ್ಯುಬೇಟರ್ ಡಾ. ಕೆ. ಮುರಳೀಧರನ್ ಗ್ರಾಮೀಣ ಭಾರತೀಯ ವ್ಯಾಪಾರ ಸಮ್ಮೇಳನದ ಅವಲೋಕನವನ್ನು ಪ್ರಸ್ತುತಪಡಿಸಿ, ಯುವ ಪೀಳಿಗೆಯನ್ನು ಕೃಷಿ ಸಮುದಾಯಗಳಿಗೆ ಹೆಚ್ಚು ಆಕರ್ಷಿತರನ್ನಾಗಿಸಲು ಹ್ಯಾಕಥಾನ್‍ನ ಅಗತ್ಯದ ಬಗ್ಗೆ ಮಾಹಿತಿ ನೀಡಿದರು. ಐಸಿಎಆರ್-ಸಿಪಿಸಿಆರ್‍ಐನ 15 ಮಾರ್ಗದರ್ಶಕರು, 12 ಆರಂಭಿಕ ಸಂಸ್ಥಾಪಕರು 10 ವಿಜ್ಞಾನಿಗಳು ತಂಡಗಳನ್ನು ಬೆಂಬಲಿಸುತ್ತಿದ್ದಾರೆ. 30 ಗಂಟೆಗಳ ಹ್ಯಾಕಥಾನ್ ಜೂನ್ 19ರಂದು ಮುಕ್ತಾಯಗೊಳ್ಳಲಿದ್ದು,  11 ರಂದು ಸಿಪಿಸಿಆರ್‍ಐ ಸಭಾಂಗಣದಲ್ಲಿ ನಡೆಯಲಿರುವ ಎರಡನೇ ರೂರಲ್ ಇಂಡಿಯಾ ಬ್ಯುಸಿನೆಸ್ ಕಾನ್ಕ್ಲೇವ್‍ನ ಉದ್ಘಾಟನಾ ಅಧಿವೇಶನದಲ್ಲಿ ಅತ್ಯುತ್ತಮ 5 ತಂಡಗಳು ಪ್ರಸ್ತುತಿ ಪಡಿಸಲಿದೆ. ವಿಜೇತರು ರೂ.50,000 ನಗದು ಬಹುಮಾನವನ್ನು ಪಡೆಯಲಿದ್ದಾರೆ.  ಕೇರಳ ಸ್ಟಾರ್ಟಪ್ ಮಿಷನ್ ಸಂಯೋಜಕ ಸಯ್ಯದ್ ಸವಾದ್ ಸ್ವಾಗತಿಸಿದರು.