ಇನ್ನು ಸರದಿ ಸಾಲಿನಿಂದ ನರಳುವುದು ಬೇಡ!: ಎಲ್ಲಾ ಬಿವರೇಜಸ್ ಮಳಿಗೆಗಳು ಸೂಪರ್ ಮಾರ್ಕೆಟ್ ಮಾದರಿಯಲ್ಲಿ: ಸಚಿವ ಎಂ.ವಿ.ಗೋವಿಂದನ್ ಘೋಷಣೆ

        ತಿರುವನಂತಪುರ: ರಾಜ್ಯದ ಎಲ್ಲಾ ಬಿವರೇಜಸ್ ಮಳಿಗೆಗಳನ್ನು ಸೂಪರ್ ಮಾರ್ಕೆಟ್ ಮಾದರಿಯನ್ನಾಗಿ ಮಾಡಲಾಗುವುದು ಎಂದು ಅಬಕಾರಿ ಸಚಿವ ಎಂ.ವಿ.ಗೋವಿಂದನ್ ಹೇಳಿರುವರು.  ಸರದಿ ಸಾಲಿನಿಂದ ಪರದಾಡುವ ಮೂಲಕ ಮದ್ಯ ಖರೀದಿಸುವವರ ಪರಿಸ್ಥಿತಿಯನ್ನು ಬದಲಾಯಿಸಲು ತೀರ್ಮಾನಿಸಲಾಗಿದೆ.  ಇದಕ್ಕೆ ಮೂಲಸೌಕರ್ಯ ಕಲ್ಪಿಸಲಾಗುವುದು ಎಂದರು.

        ಬಾರ್‌ಗಳ ಬದಲಿಗೆ, ಜನರು ತಮ್ಮ ಆಯ್ಕೆಯ ಮದ್ಯವನ್ನು ಆಯ್ಕೆ ಮಾಡುವ ಔಟ್‌ಲೆಟ್‌ಗಳು ಇರುತ್ತವೆ.  ಮದ್ಯದ ಬೆಲೆ ಇಳಿಕೆಗೆ ಕ್ರಮಕೈಗೊಳ್ಳಲಾಗುವುದು ಮತ್ತು ಅಗತ್ಯಬಿದ್ದರೆ ಐಟಿ ಪಾರ್ಕ್ ಗಳಲ್ಲಿ ಬಾರ್ ಲೈಸೆನ್ಸ್ ನೀಡಲಾಗುವುದು ಎಂದು ಅಬಕಾರಿ ಸಚಿವರು ತಿಳಿಸಿರುವರು.

      ಅಲ್ಲದೇ ರಾಜ್ಯದ 20 ಲಕ್ಷ ವಿದ್ಯಾವಂತ ಹಾಗೂ ನಿರುದ್ಯೋಗಿಗಳಿಗೆ ಸರ್ಕಾರ ಉದ್ಯೋಗ ನೀಡಲಿದೆ ಎಂದರು.  ಸುಮಾರು 30 ಲಕ್ಷ ವಿದ್ಯಾವಂತರಿಗೆ ಈಗ ಕೆಲಸವಿಲ್ಲದಂತಾಗಿದೆ.  ಇನ್ನೂ ಐದು ಲಕ್ಷ ಮನೆಗಳನ್ನು ನಿರ್ಮಿಸಿದರೆ ರಾಜ್ಯದ ಪ್ರತಿಯೊಬ್ಬರಿಗೂ ಮನೆಯಾಗಲಿದೆ ಎಂದು ಸಚಿವರು ಪ್ರತಿಪಾದಿಸಿದರು.