ಸ್ವಪ್ನಾ ಜೊತೆ ಮಾತನಾಡಿಲ್ಲ, ಶಾ ಕಿರಣ್ ಗೊತ್ತಿಲ್ಲ:ಆರೋಪಕ್ಕೆ ಪ್ರತಿಕ್ರಿಯಿಸಿದ ವಿಜಯ್ ಸಾಖರೆ

                             ಕೊಚ್ಚಿ: ಎಡಿಜಿಪಿ ವಿಜಯ್ ಸಾಖರೆ ಸ್ವಪ್ನಾ ಸುರೇಶ್ ಜೊತೆ ಮಾತನಾಡಿಲ್ಲ, ಪ್ರಕರಣಕ್ಕೆ ಸಂಬಂಧಿಸಿದಂತೆ ಯಾರಿಗೂ ಕರೆ ಮಾಡಿಲ್ಲ, ಶಾ ಕಿರಣ್ ಗೊತ್ತಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

         ಸ್ವಪ್ನಾ ಸುರೇಶ್ ಏನು ಬೇಕಾದರೂ ಹೇಳಬಹುದು ಎಂದ ಅವರು ಯಾಕೆ ಹೀಗೆ ಹೇಳಿದರು ಎಂದು ಸ್ವಪ್ನಾಳನ್ನೇ ಕೇಳಬೇಕು ಎಂದರು.

              ಎಡಿಜಿಪಿ ಎಂಆರ್ ಅಜಿತ್ ಕುಮಾರ್ ಹಾಗೂ ಕಾನೂನು ಸುವ್ಯವಸ್ಥೆ ವಿಭಾಗದ ಎಡಿಜಿಪಿ ತನಗೆ ವಾಟ್ಸಾಪ್ ನಲ್ಲಿ 56 ಬಾರಿ ಕರೆ ಮಾಡಿದ್ದಾರೆ ಎಂದು ಶಾ ಕಿರಣ್ ಹೇಳಿರುವುದಾಗಿ ಸ್ವಪ್ನಾ ನಿನ್ನೆ ಮಾಧ್ಯಮಗಳಿಗೆ ತಿಳಿಸಿದ್ದರು. ಪ್ರಕರಣದಲ್ಲಿ ಹಿರಿಯ ಪೋಲೀಸ್ ಅಧಿಕಾರಿಗಳು ಶಾಮೀಲಾಗಿರುವ ವಿಚಾರ ಬಹಿರಂಗಗೊಂಡಿರುವ ಹಿನ್ನೆಲೆಯಲ್ಲಿ ಎಡಿಜಿಪಿ ಈ ಪ್ರತಿಕ್ರಿಯೆ ನೀಡಿದ್ದಾರೆ.

                     ಸ್ವಪ್ನಾ ಸುರೇಶ್ ಬಹಿರಂಗಪಡಿಸಿದ ಷಡ್ಯಂತ್ರದ ಬಗ್ಗೆ ಅಪರಾಧ ವಿಭಾಗದ ಮುಖ್ಯಸ್ಥರ ನೇತೃತ್ವದ ವಿಶೇಷ ತಂಡ ತನಿಖೆ ನಡೆಸಲಿದೆ. ಒಬ್ಬ ಎಸ್ಪಿ ಮತ್ತು 10 ಡಿವೈಎಸ್ಪಿಗಳನ್ನು ಒಳಗೊಂಡ ದೊಡ್ಡ ತಂಡಕ್ಕೆ ಚಾಲನೆ ನೀಡಲಾಗಿದೆ.  ಸ್ವಪ್ನಾ ಹಾಗೂ ಪಿ.ಸಿ.ಜಾರ್ಜ್ ನಡುವೆ ಷಡ್ಯಂತ್ರ ನಡೆದಿದೆ  ಎಂಬ ಕೆ.ಟಿ.ಜಲೀಲ್ ದೂರಿನ ತನಿಖೆಗೆ ದೊಡ್ಡ ತಂಡವೇ ಮುಂದಾಗಿದೆ.