ನೆಲದಿಂದ ಗಂಗೆಯನ್ನು ಹರಿಸುವ ಆಧುನಿಕ ಭಗೀರಥ ಕುಂಞಂಬು ನಾಯರ್

                 ಕಾಸರಗೋಡು: ಹಲವು ಸಂದರ್ಭಗಳಲ್ಲಿ ಸಾಧನೆಗೆ ನಮ್ಮ ಅನಿವಾರ್ಯತೆಗಳು ದಾರಿ ಮಾಡಿಕೊಡುತ್ತದೆ. ಗುಡ್ಡೆ, ಪಾರೆಕಲ್ಲುಗಳನ್ನು ಕೊರೆದು ಭೂಮಿಯ ಆಳದಿಂದ ಭಗೀರಥಿಯನ್ನು ಧರೆಗಿಳಿಸಿದ ಆಧುನಿಕ ಭಗೀರಥ ಕುಂಡಂಕುಳಿ ನೀರ್ಕಯದ  ಸಿ ಕುಂಜಂಬು ಅವರು. 69 ವರ್ಷದ ಅವರು 56 ವರ್ಷಗಳಲ್ಲಿ 1,400 ಕ್ಕೂ ಹೆಚ್ಚು ಸುರಂಗಗಳನ್ನು ನಿರ್ಮಿಸಿದ್ದಾರೆ.

                 ಕರಾವಳಿಯಲ್ಲಿ 'ಸುರಂಗ' ಎಂದು ಕರೆಯಲ್ಪಡುವ ಪಾರಂಪರಿಕ ರೀತಿಯಲ್ಲಿ ಮುನ್ನಡೆದುಬಂದಿರುವ ಇಂತಹ ನೀರಿನ ಮೂಲವು ಬೆಟ್ಟದ ಒಳಭಾಗದಲ್ಲಿ ಅಡಗಿರುವ ಸಿಹಿನೀರಿನ ಚಿಲುಮೆಯ ಸಂಕ್ಷಿಪ್ತ ರೂಪವಾಗಿದೆ. ಸುರಂಗಗಳ ನಿರ್ಮಾಣಕ್ಕಾಗಿ ಮಣ್ಣಿಗೆ ದೃಢವಾದ ಪ್ರದೇಶಗಳನ್ನು ಆಯ್ಕೆ ಮಾಡಲಾಗುತ್ತದೆ. ಹಾಗಾಗಿ ಇವುಗಳನ್ನು ತಯಾರಿಸುವುದು ಸ್ವಲ್ಪ ಶ್ರಮದ ಕೆಲಸ. ಮೂಲವನ್ನು ಕಂಡುಹಿಡಿಯುವುದು ಮೊದಲ ಹಂತವಾಗಿದೆ. ಸುರಂಗವನ್ನು ಒಬ್ಬರು ನಡೆಯಬಹುದಾದ ಎತ್ತರದಷ್ಟು ವಿಸ್ತಾರಕ್ಕೆ ಕೊರೆದು ನೀರ ಸೆಲೆ ಸಾಕ್ಷಾತ್ಕಾರವಾಗುವವರೆಗೆ ಮುಂದಕ್ಕೆ ಕೊರೆದುಕೊಂಡು ಹೋಗಲಾಗುತ್ತದೆ. ನಂತರ ಬುಗ್ಗೆಯಿಂದ ನೀರನ್ನು ಸುರಂಗದ ಮೂಲಕ ಹರಿಸಲಾಗುತ್ತದೆ ಮತ್ತು ಶೇಖರಣೆಗಾಗಿ ಬಳಸಲಾಗುತ್ತದೆ. ಕೆಲವೆಡೆ ಚಿಲುಮೆಯಿಂದ ನೇರವಾಗಿ ಜಲಾಶಯಕ್ಕೆ ನೀರು ಹರಿಸಲಾಗುತ್ತದೆ. ಸಾಮಾನ್ಯವಾಗಿ ತೆರೆದ ಬಾವಿಗಳ ಬದಿಗಳಲ್ಲಿ ಸುರಂಗಗಳನ್ನು ಕೊರೆಯಲಾಗುತ್ತದೆ. ಮಣ್ಣು ಮತ್ತು ನೀರನ್ನು ದುರ್ಬಳಕೆ ಮಾಡಿಕೊಳ್ಳದೆ ಸುರಂಗ ನಿರ್ಮಿಸಲಾಗುತ್ತದೆ. 

                ಸಿ.ಕುಂಞಂಬು ಅವರು ತಮ್ಮ 14 ನೇ ವಯಸ್ಸಿನಲ್ಲಿ ಸುರಂಗ ನಿರ್ಮಾಣಕ್ಕೆ ಹಿರಿಯರ ಮಾರ್ಗದರ್ಶನದಲ್ಲಿ ತೊಡಗಿಸಿಕೊಂಡವರು. ಅವರು 16 ನೇ ವಯಸ್ಸಿನಲ್ಲಿ ತಮ್ಮ ಮೊದಲ ಸುರಂಗವನ್ನು ನಿರ್ಮಿಸಿದರು. ಸುರಂಗ ನಿರ್ಮಾಣದ ವೇಳೆ ಅವರ ಗುರು ಕುಮಾರನ್ ನಾಯರ್ ಅವರೊಂದಿಗೆ ನಡೆದ ಘಟನೆಯೇ ಇದಕ್ಕೆ ಕಾರಣ. ಗುರುಗಳಾದ ಕುಮಾರನ್ ನಾಯರ್ ಅವರು ಸುರಂಗವೊಂದರ ನಿರ್ಮಾಣದ ವೇಳೆ ಬೃಹತ್ ಬಂಡೆಯೊಂದು ಎದುರಾಯಿತು. ಇದರಿಂದ ನಿರ್ಮಾಣದಿಂದ ಹಿಂದೆ ಸರಿದರು. ಮುಂಗಡವಾಗಿ ಖರೀದಿಸಿದ ಹಣವನ್ನು ಮರುಪಾವತಿಸಲು ನೆರವೇರದೆ ಬಿಕ್ಕಟ್ಟಿನಲ್ಲಿದ್ದಾಗ ಸವಾಲನ್ನು ಸ್ವೀಕರಿಸಿದ ಕುಂಜಂಬು ಸುರಂಗ ನಿರ್ಮಾಣವನ್ನು ಪೂರ್ಣಗೊಳಿಸಿದರು. ಅಂದಿನಿಂದ ನೀರಿಗಾಗಿ ಕುಂಞಂಬು ನಾಯರ್ ಅವರ ಪಯಣ ಆರಂಭವಾಯಿತು. ಹೊಲದಲ್ಲಿ ಎರಡ್ಮೂರು ಕೊಳವೆಬಾವಿ ಕೊರೆಸಿದರೂ ನೀರು ಸಿಗದೆ ಕಂಗಾಲಾಗಿದ್ದವರು ಆಶ್ಚರ್ಯಚಕಿತರಾದರು.

               ಕುಂಞಂಬು ಕೇರಳ ಮಾತ್ರವಲ್ಲದೆ ಕರ್ನಾಟಕ ಮತ್ತು ಆಂಧ್ರಪ್ರದೇಶದಲ್ಲೂ ಸುರಂಗಗಳನ್ನು ತೋಡಿದರು. ಅವರು ನಿರ್ಮಿಸಿದ ಅತಿ ಉದ್ದದ ಸುರಂಗ 240 ಕ್ಯೂಬಿಟ್ಸ್ (180 ಮೀ).

               ಉಸಿರಾಡಲು ದೊಡ್ಡ ಫ್ಯಾನ್ ಮತ್ತು ಬೆಳಕಿಗೆ ಟಾರ್ಚ್ ಸುರಂಗ ರಚನೆಯ ವೇಳೆ ಇವರ ಜೊತೆಗಿರುತ್ತದೆ. ಸುರಂಗದ ನಿರ್ಮಾಣವು ಜೀವಕ್ಕೆ ಅಪಾಯವನ್ನುಂಟುಮಾಡುವ ಸಾಹಸವಾಗಿದೆ. ಅವರು ನೆಲದ ಮೇಲೆ ಬಿದ್ದು ಉಸಿರುಗಟ್ಟಿದ ಕೆಲವು ಉದಾಹರಣೆಗಳೂ ಇವೆ. 

               2015 ರಲ್ಲಿ, ಅವರು ಪರ್ವತಗಳನ್ನು ಅಗೆದು ಕರ್ನಾಟಕದ ಬೀದರ್ ಜಿಲ್ಲಾಡಳಿತ ಕಚೇರಿ ಮತ್ತು ಪ್ರವಾಸಿ ಕೇಂದ್ರಕ್ಕೆ ನೀರು ಸರಬರಾಜು ಮಾಡುವ ಮೂಲಕ ರಾಷ್ಟ್ರದ ಗಮನ ಸೆಳೆದರು. ಪಾಲಕ್ಕಾಡ್‍ನ ಚಿತ್ತೂರು ಕಾಲೇಜಿನ ಭೂಗೋಳಶಾಸ್ತ್ರ ಅಧ್ಯಾಪಕ ಡಾ. ಗೋವಿಂದನ್ ಕುಟ್ಟಿ ಅವರು ಜಲತಜ್ಞ ಶ್ರೀಪಡ್ರೆಯವರ ಮೂಲಕ ಕುಂಞïಂಬು ಅವರ ಬಗ್ಗೆ ತಿಳಿದು ಸುರಂಗ ನಿರ್ಮಿಸಲು ಬೀದರ್‍ಗೆ ಕರೆದೊಯ್ದರು. ನಂತರ ಅಲ್ಲಿ ವಿಚಾರ ಸಂಕಿರಣಗಳನ್ನು ನಡೆಸಿ ಸುಮಾರು 40 ಮಂದಿಗೆ ಸುರಂಗ ನಿರ್ಮಾಣದ ಕುರಿತು ಬೋಧಿಸಿದರು. ಮಾಜಿ ರಾಷ್ಟ್ರಪತಿ ಡಾ.ಕೆ.ಅಬ್ದುಲ್ ಕಲಾಂ ಅವರ ಗಮನಕ್ಕೂ ಇವರ ಸಾಧನೆ ಬಂದು ಶ್ಲಾಘನೆ ವ್ಯಕ್ತಪಡಿಸಿದ್ದರು. ಬೇಡಡ್ಕ  ಗ್ರಾಮ ಪಂಚಾಯಿತಿ ವತಿಯಿಂದ ಸನ್ಮಾನಿಸಲಾಗಿತ್ತು. 

                        ನಿತ್ಯವೂ ನೀರಿರುವ ಸುರಂಗಗಳು ಕಾಸರಗೋಡಿನ ಜಲ ಸಮೃದ್ಧಿಯ ಕುರುಹುಗಳಾಗಿದ್ದವು. ಆದಾಗ್ಯೂ, ಕೊಳವೆ ಬಾವಿಗಳ ಒಳನುಸುಳುವಿಕೆ ಸುರಂಗಗಳ ಕುಸಿತಕ್ಕೆ ಕಾರಣವಾಯಿತು, ಇದು ಮಾನವ ಸಂಪನ್ಮೂಲ, ಹೆಚ್ಚುವರಿ ವೆಚ್ಚಗಳು ಮತ್ತು ಕಾರ್ಮಿಕರ ಕೊರತೆಗೆ ಕಾರಣವಾಯಿತು. ಕಾಸರಗೋಡು ಮಂಜೇಶ್ವರ ಬ್ಲಾಕ್‍ಗಳಲ್ಲಿ ಅಂತರ್ಜಲ ಮಟ್ಟ ಗಣನೀಯವಾಗಿ ಕುಸಿದಿದೆ. ಸುರಂಗ ರಚನೆಯು ಅಂತರ್ಜಲವನ್ನು ಬರಿದಾಗಿಸುವಾಗ ಪರಿಸರಕ್ಕೆ ಹಾನಿಯಾಗದ ನೀರನ್ನು ಸಂಗ್ರಹಿಸುವ ವಿಧಾನವಾಗಿದೆ. ಈ ಪರಿಸರ ಸ್ನೇಹಿ ಸಾಂಪ್ರದಾಯಿಕ ಆಚರಣೆಗಳನ್ನು ನಿರ್ಲಕ್ಷಿಸಬಾರದು ಎಂಬುದು ಪರಿಸರದ ಕಾಳಜಿಯಾಗಿದೆ.