ಕಾಸರಗೋಡು: ರಾಜ್ಯದ ಬೀದಿ ದೀಪಗಳನ್ನು ಸಂಪೂರ್ಣವಾಗಿ ಬೆಳಗಿಸುವ ನಿಲಾವ್(ತಿಂಗಳ ಬೆಳಕು) ಯೋಜನೆಯಡಿ ಜಿಲ್ಲೆಯ 22 ಪಂಚಾಯಿತಿಗಳು ವಿವಿಧ ಪ್ಯಾಕೇಜ್‍ಗಳನ್ನು ಆಯ್ಕೆ ಮಾಡಿಕೊಂಡಿವೆ. ವೆಚ್ಚವಿಲ್ಲದೆ ಹೆಚ್ಚು ಬೆಳಕು ಚೆಲ್ಲುವ ಕಡಿಮೆ ವಿದ್ಯುತ್ ಬಳಕೆಯ ಬೀದಿ ದೀಪಗಳನ್ನು ಅಳವಡಿಸಲು ಗ್ರಾಮ ಪಂಚಾಯಿತಿಗಳಿಗೆ ನಿಲಾವ್ ಯೋಜನೆ ಅವಕಾಶ ನೀಡಲಿದೆ. ಇದು ಕಡಿಮೆ ಶಕ್ತಿಯ ಬಳಕೆ ಮತ್ತು ಪರಿಸರ ಪರಿಣಾಮವನ್ನು ಸಾಧಿಸುವ ಮೂಲಕ ರಾಜ್ಯದ ಸ್ಥಳೀಯಾಡಳಿತ ಸಂಸ್ಥೆಗಳಲ್ಲಿ ಸಾಂಪ್ರದಾಯಿಕ ಬೀದಿ ದೀಪಗಳನ್ನು ಎಲ್‍ಇಡಿಗಳೊಂದಿಗೆ ಬದಲಾಯಿಸಲು ಪ್ರಾರಂಭಿಸಲಾದ ಯೋಜನೆಯಾಗಿದೆ.
ಜಿಲ್ಲೆಯ ಅಜಾನೂರು, ಚೆಂಗಳ, ಚೆಮ್ಮನಾಡು, ಕಯ್ಯೂರು ಚಿಮೇನಿ, ಮಂಜೇಶ್ವರ, ಮಧೂರು, ತ್ರಿಕರಿಪುರ, ಬೇಡಡ್ಕ, ಉದುಮ ಪಂಚಾಯಿತಿಗಳು 500 ದೀಪಗಳ ಪ್ಯಾಕೇಜ್ ಆಯ್ಕೆ ಮಾಡಿಕೊಂಡಿವೆ. ಬದಿಯಡ್ಕ, ಬಳಾಲ್, ಕಿನ್ನನೂರು ಕರಿಂದಳ, ಕಯ್ಯೂರು ಚಿಮೇನಿ, ಕುಂಬಳೆ, ಕುತ್ತಿಕೋಲ್, ಕೋಡೋಂ ಬೆಳ್ಳೂರು, ಮಡಿಕೈ, ಮೊಗ್ರಾಲ್ ಪುತ್ತೂರು, ಪಳ್ಳಿಕ್ಕೆರೆ, ಪನತ್ತಡಿ, ಪುಲ್ಲೂರು ಪೆರಿಯ, ಮುಳಿಯಾರ್ ಮತ್ತು ವೆಸ್ಟ್ ಎಳೇರಿ ಪಂಚಾಯಿತಿಗಳು 100 ದೀಪಗಳ ಪ್ಯಾಕೇಜ್ ಆಯ್ಕೆ ಮಾಡಿಕೊಂಡಿವೆ. ಜಿಲ್ಲೆಯಲ್ಲಿ ವಿವಿಧ ಗ್ರಾಮ ಪಂಚಾಯಿತಿಗಳಲ್ಲಿ ನಿಲಾವ್ ಯೋಜನೆಯಡಿ ಒಟ್ಟು 4100 ಬೀದಿ ದೀಪಗಳನ್ನು ಅಳವಡಿಸಲಾಗಿದೆ.
ಈ ಯೋಜನೆಗೆ ಕಿಫ್ಬಿಯಿಂದ ಹಣ ನೀಡಲಾಗಿದೆ. ಕೆಎಸ್‍ಇಬಿ ಯೋಜನೆ ಜಾರಿಗೊಳಿಸಲಿದೆ. ಯೋಜನಾ ನಿರ್ವಹಣಾ ಘಟಕವು ಎನರ್ಜಿ ಎಫಿಷಿಯನ್ಸಿ ಸರ್ವೀಸಸ್ ಲಿಮಿಟೆಡ್ ಆಗಿದೆ. ಸ್ಥಳೀಯಾಡಳಿತ ಸಂಸ್ಥೆಗಳು ಎಲ್‍ಇಡಿಗೆ ಬದಲಾಯಿಸಿದಾಗ ಪಡೆಯುವ ಲಾಭದ ಶೇಕಡಾ 75 ರಷ್ಟು ಮಾತ್ರ ಹಿಂತಿರುಗಿಸಬೇಕು. ಯೋಜನೆಯ ಅನುಷ್ಠಾನಕ್ಕೆ ಪಂಚಾಯಿತಿ ಅಧ್ಯಕ್ಷರು, ಸಹಾಯಕ ಕಾರ್ಯದರ್ಶಿ, ಅಭಿವೃದ್ಧಿ ಸ್ಥಾಯಿ ಸಮಿತಿ ಅಧ್ಯಕ್ಷರು, ಕೆಎಸ್‍ಇಬಿ ವಿಭಾಗದ ಸಹಾಯಕ ಎಂಜಿನಿಯರ್ ಸದಸ್ಯರು ಹಾಗೂ ಸಹಾಯಕ ಕಾರ್ಯದರ್ಶಿ ನೋಡಲ್ ಅಧಿಕಾರಿಯನ್ನೊಳಗೊಂಡ ಗ್ರಾಮ ಪಂಚಾಯಿತಿ ಮಟ್ಟದ ಸಮಿತಿ ಕಾರ್ಯನಿರ್ವಹಿಸಲಿದೆ. ನಿಲಾವ್ ಯೋಜನೆಯು 18, 35, 70, 110 ವೋಲ್ಟೇಜ್ ಗಳ ಎಲ್.ಇಡಿ ದೀಪಗಳ ಐದು ಪ್ಯಾಕೇಜ್ ಗಳನ್ನು ಒಳಗೊಂಡಿದೆ. ಸ್ಥಳೀಯಾಡಳಿತ ಸಂಸ್ಥೆಗಳು ಬದಲಿಸಿದ ದೀಪಗಳನ್ನು ಮರು ಅಳವಡಿಸಬೇಕು. ಎಲ್‍ಎಸ್‍ಜಿಡಿ ಜಿಲ್ಲಾ ಜಂಟಿ ನಿರ್ದೇಶಕ ಜೇಸನ್ ಮ್ಯಾಥ್ಯೂ ಮಾತನಾಡಿ, ಆದಷ್ಟು ಬೇಗ ಜಿಲ್ಲೆಯ ಎಲ್ಲ ಸ್ಥಳೀಯಾಡಳಿತ ಸಂಸ್ಥೆಗಳಲ್ಲಿ ನಿಲಾವ್ ಯೋಜನೆ ಜಾರಿಗೊಳಿಸಲು ಪಂಚಾಯಿತಿ ಇಲಾಖೆ ಪ್ರಯತ್ನಿಸುತ್ತಿದೆ. ಎಂದಿರುವರು.
DOCTYPE html>
.jpg)
