ಸಮರಸ: ತುಳು ಮಂದಾರ ರಾಮಾಯಣ:…ಹೊಸ ಸರಣಿ ಇಂದಿನಿಂದ

0 samarasasudhi ಜುಲೈ 31, 2022

ತುಳು ಭಾಷೆಗ್ ಲಿಪಿ ಇಜ್ಜಿ ತುಳು ಭಾಷೆಡ್ ಗ್ರಂಥೊಲು ಇಜ್ಜಿ ಪನ್ಪಿನ ಒಂಜಿ ತಪ್ಪು ಕಲ್ಪನೆ ಜನೊಕುಲೆಡ ಮಸ್ತ್ ದಿನೊರ್ದಿಂಚಿ ಇತ್ತ್ಂಡ್. ಆಂಡಾ ತುಳುಕ್ಕ್ ಅಯಿನನೆ ಆಯಿನ ಲಿಪಿ ಉಂಡು. ಆ ಲಿಪಿಡ್ ಬರೆಯಿನ ಗ್ರಂಥೊಲು ಉಂಡು ಪನ್ಪಿನೆನ್ ಡಾ.ವೆಂಕಟರಾಜ್ ಪುಣಿಂಚಿತ್ತಾಯೆರ್ ತೆರಿಪಾದ್ ಕೊರಿಯೆರ್. ಪುಣಿಂಚಿತ್ತಾಯೆರ್ ಸುರುಟ್ ೧೯೮೪ ಶ್ರೀ ಭಾಗವತೊ ಪನ್ಪಿ ಗ್ರಂಥೊನು ಸಂಪಾದಿಸದೆರ್. ಒಟ್ಟು ೪ ಕಾವ್ಯ ಕೃತಿ ಅಂಚನೆ ಒಂಜಿ ಗದ್ಯ ಕೃತಿನ್ ಸಂಪಾದಿಸದೆರ್. ೨೦೦೫ಟ್ ಎಸ್.ಅರ್ ವಿಘ್ನರಾಜ್ ತುಳು ರಾಮಾಯಣ ಕೃತಿ ಸಂಪಾದಿಸದೆರ್. ಪುಣಿಂಚಿತ್ತಾಯೆರ್ ಶ್ರೀ ಭಾಗವತೊ ಸಂಪಾದಿಸಯಿನೆರ್ದ್ ಬೊಕ್ಕ ೧೯೮೭ಇಸವಿಡ್ ಕಾವೇರಿ ,೧೯೯೧ಇಸವಿಡ್ ತುಳು ದೇವಿಮಹಾತ್ಮೆ,೨೦೦೦ಇಸವಿಡ್ ತುಳು ಮಹಾಭಾರತೊ ಅಂಚನೆ೨೦೧೦ನೇ ಇಸವಿಡ್ ತುಳು ಕರ್ಣಪರ್ವೊ ಪನ್ಪಿನ ಗ್ರಂಥೊಲೆನ್ ಸಂಪಾದಿಸದೆರ್. ೨೦೦೫ಟ್ ಎಸ್.ಅರ್ ವಿಘ್ನರಾಜ್ ತುಳು ರಾಮಾಯಣೊ ಕೃತಿನ್ ಸಂಪಾದಿಸದೆರ್. ಈ ಗ್ರಂಥೊಲು ಮಾತ್ರ ಅತ್ತಂದೆ ರುಕ್ಮಿಣಿ ಸ್ವಯಂವರ, ಭಾಣಾಸುರವಧೆ, ಕೀಚಕವಧೆ ಅಂಚನೆ ಅಂಬರೀಷೋಪಾಖ್ಯಾನ ಪನ್ಪಿ ಗ್ರಂಥೊಲೆನ ಉಲ್ಲೇಕೊನ್ ಸಂಶೋದಕೆರ್ ಮಲ್ದೆರ್.ಈ ಗ್ರಂಥೊಲು ತುಳು ಒಂಜಿ ಗ್ರಾಂಥಿಕ ಭಾಷೆ ಪನ್ಪಿನೆನ್ ತೋಜ್ಪಾದ್ ಕೊರ್ತ. ತುಳು ಪ್ರಾಚೀನ ಕಾವ್ಯೊಲು ಉಂಡು ಪನ್ಪಿನೆಗ್ ಸಾಕ್ಷಿಯಾದುಲ್ಲ.

ಈ ಗ್ರಂಥೊನು ೨೦೦೫ಟ್ ಎಸ್.ಅರ್ ವಿಘ್ನರಾಜ್ ಸಂಶೋಧನೆ ಮಲ್ತೆರ್. ಈ ಗ್ರಂಥೊದ ತಾಡವಾಲೆ ವಿಟ್ಲದ ಅರಮನೆಡ್ ತಿಕ್ಕ್ಂಡ್. ಈ ಕಾವ್ಯದ ೭೫ ತಾಡವಾಲೆಡ್ ೭೩೦ ಪದ್ಯೊಲು ಉಂಡು. ಪದಿನೈನ್ ಅದ್ಯಾಯಡೊ ಇಕ್ಷ್ವಾಕು ವಂಶದ ಪೂರ್ವಜೆರ್ನ ಕಥೆ ಉಂಡು . ತುಳು ರಾಮಾಯಣೊ ಶ್ರೀ ಭಾಗವತೊ ಕಾವ್ಯದ ಒಂಜಿ ಸ್ಕಂದ ಅದುಪ್ಪೊಡು ಪನ್ಪಿನ ಡಾ. ವಸಂತ ಭಾರದ್ವಾಜೆರೆನ ಅಭಿಪ್ರಾಯ.ಈ ಕಾವ್ಯದ ರಚನೆಕಾರನ ಪುದರ್ ಬೊಕ್ಕ ವಿವರದ ಬಗ್ಗೆ ಈ ಕಾವ್ಯಡೊ ಒಲ್ಪಲ ಮಾಹಿತಿ ತಿಕ್ಕೊಂದಿಜ್ಜಿ. ಸಂಶೋಧಕೆರ್ ಈ ಗ್ರಂಥೊದ ಕಾಲ ಕ್ರಿ.ಶ ಸುಮಾರ್ ೧೮೪೫ -೧೮೫೫ ಅದುಪ್ಪೊಡು ಪನ್ಪೆರ್.ತುಳು ಲಿಪಿಡ್ ರಚಿಸಯಿನ ಈ ಕಾವ್ಯೊದ ಸುರುಕು ತುಳು ಬರಹ, ತುಳು ರಾಮಾಯಣೊ ಪನ್ಪಿ ಉಲ್ಲೇಕೊ ಉಂಡು.

                ತುಳು ರಾಮಾಯಣ | ಪ್ರಾಚೀನ ತುಳು ಸಾಹಿತ್ಯ:
ಮಂದಾರ ಕೇಶವ ಭಟ್ ಅವರು ದಕ್ಷಿಣ ಕನ್ನಡ ಜಿಲ್ಲೆಯ ಮಂಗಳೂರು ಮೂಲದವರು. ಕನ್ನಡ ಹಾಗೂ ತುಳು ಭಾμÉಯ ಲೇಖಕ, ವಿದ್ವಾಂಸ ಮತ್ತು ಪ್ರಾಧ್ಯಾಪಕ. ಕನ್ನಡ ಹಾಗೂ ತುಳುವಿನಲ್ಲಿ ಕಾವ್ಯ, ಯಕ್ಷಗಾನ, ವಿಮರ್ಶೆ, ವ್ಯಾಕರಣ, ಸಂಶೋಧನೆಯ ವಿವಿಧ ಪ್ರಕಾರಗಳಲ್ಲಿ ಸಾಹಿತ್ಯ ರಚಿಸಿದ್ದಾರೆ. ತುಳುವಿನಲ್ಲಿ ಮಂದಾರ ರಾಮಾಯಣ ಎಂಬ ಮಹಾಕಾವ್ಯ ಬರೆದಿದ್ದಾರೆ. ಅವರು ಸಾಹಿತ್ಯದ ಜೊತೆಗೆ ಯಕ್ಷಗಾನ ಅರ್ಥದಾರಿಯಾಗಿದ್ದರು.
   ಮುಖ್ಯವಾಗಿ ಇವರು ರಾಮಾಯಣವನ್ನು ತುಳುವಿನಲಲಿ ರಾಮಾಯಣ ಬರೆದಿದ್ದು, ಮಂದಾರ ರಾಮಾಯಣ ಎಂದೇ ಖ್ಯಾತಿವೆತ್ತಿದೆ.
         ಸಮರಸ ಸುದ್ದಿ ಇಂದಿನಿಂದ(ಆಟಿ ತಿಂಗಳ ಹಿನ್ನೆಲೆ) ನಿಯಮಿತವಾಗಿ ಮಂದಾರ ತುಳು ರಾಮಾಯಣದ ಪಿಡಿಎಫ್ ಪ್ರತಿಗಳನ್ನು ಓದುಗರಿಗೆ ನೀಡುತ್ತಿದೆ. ಓದಿ ನಮ್ಮೊಂದಿಗೆ ಅಭಿಪ್ರಾಯ ಹಂಚಿಕೊಳ್ಳಿ.
                               ಸಮರಸ ಸುದ್ದಿ ಬಳಗ:
   ಮಂದಾರ ರಾಮಾಯಣ