ನಟ, ನಿರ್ದೇಶಕ ಪ್ರತಾಪ್ ಪೋಥನ್ ನಿಧನ

                ತಿರುವನಂತಪುರ: ಖ್ಯಾತ ನಟ ಹಾಗೂ ನಿರ್ದೇಶಕ ಪ್ರತಾಪ್ ಪೋತನ್ ನಿಧನರಾಗಿದ್ದಾರೆ. ಅವರಿಗೆ 69 ವರ್ಷ ವಯಸ್ಸಾಗಿತ್ತು. ಅವರು ಚೆನ್ನೈನ ಫ್ಲ್ಯಾಟ್‍ನಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ. 1978 ರಲ್ಲಿ ಭರತನ್ ನಿರ್ದೇಶಿಸಿದ ಆರವಂ ಮೊದಲ ಚಿತ್ರ. ಮೋಹನ್ ಲಾಲ್ ಜೊತೆಗೆ ಕೊನೆಯದಾಗಿ ಬಾರೋಸ್ ಚಿತ್ರದಲ್ಲಿ ನಟಿಸಿದ್ದರು. ಅವರು ಮಲಯಾಳಂ, ತಮಿಳು, ತೆಲುಗು ಮತ್ತು ಹಿಂದಿ ಭಾಷೆಗಳಲ್ಲಿ 100 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ.

             ತಕರ, ಚಾಮರಂ, ಆಯಾಳ್ ಮತ್ತು ನಮಿ, ಇಡುಕ್ಕಿ ಗೋಲ್ಡ್, ತನ್ಮಾತ್ರ, 22 ಪೆಣ್ಣುಙಳುಡೆ ಕೊಟ್ಟಾರಂ, ಒನ್ ಟು ಝೀರೋ, ನವೆಂಬರ್ ನಷ್ಟ, ಸಿಂದೂರ ಸಂಧ್ಯಾಯುಕ್ ಮೌನಮ್ ಮುಂತಾದ ಪ್ರಸಿದ್ಧ ಚಲನಚಿತ್ರಗಳಲ್ಲಿ ನಟಿಸಿದ್ದರು. ಅವರು ಮಲಯಾಳಂ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ 12 ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ. ಮಲಯಾಳಂನಲ್ಲಿ ಅವರು ಋತುಭೇದಂ, ಡೈಸಿ ಮತ್ತು ಒರು ಯಾತ್ರಾಮೊಳಿ ಮುಂತಾದ ಚಲನಚಿತ್ರಗಳನ್ನು ನಿರ್ದೇಶಿಸಿದರು. ಅತ್ಯುತ್ತಮ ಚೊಚ್ಚಲ ನಿರ್ದೇಶಕ ಎಂಬ ರಾಷ್ಟ್ರಪ್ರಶಸ್ತಿಯನ್ನೂ ಪಡೆದಿದ್ದಾರೆ.

                  ಅವರು 1985 ರಲ್ಲಿ ಚಲನಚಿತ್ರ ತಾರೆ ರಾಧಿಕಾ ಅವರನ್ನು ವಿವಾಹವಾದರು, ಆದರೆ ಮರುವರ್ಷ ವಿಚ್ಛೇದನ ಪಡೆದರು. ಅವರು 1990 ರಲ್ಲಿ ಅಮಲಾ ಸತ್ಯನಾಥ್ ಅವರನ್ನು ವಿವಾಹವಾದರು. 2012ರಲ್ಲಿ ಈ ಸಂಬಂಧವೂ ಮುರಿದುಬಿದ್ದಿತ್ತು. ಈ ಸಂಬಂಧದಿಂದ ಕೀಯಾ ಎಂಬ ಮಗಳಿದ್ದಾಳೆ. ಇವರು ಖ್ಯಾತ ನಿರ್ಮಾಪಕ ಹರಿ ಪೋತನ್ ಅವರ ಸಹೋದರ.