ಪ್ಲಸ್ ಒನ್ ಟ್ರಯಲ್ ಹಂಚಿಕೆ: ವಿದ್ಯಾರ್ಥಿಗಳ ಬೇಡಿಕೆಗೆ ಕೊನೆಗೂ ಅಂಗೀಕಾರ: ಪ್ಲಸ್ ಒನ್ ಪ್ರಾಯೋಗಿಕ ಹಂಚಿಕೆ ದಿನಾಂಕ ಇಂದು ಸಂಜೆವರೆಗೂ ವಿಸ್ತರಣೆ

              ತಿರುವನಂತಪುರ: ರಾಜ್ಯದಲ್ಲಿ ಪ್ಲಸ್ ಒನ್ ಪ್ರವೇಶಕ್ಕೆ ಪ್ರಾಯೋಗಿಕ ಹಂಚಿಕೆ ಸಮಯವನ್ನು ವಿಸ್ತರಿಸಲಾಗಿದೆ. ಇಂದು ಸಂಜೆ 5 ಗಂಟೆಯವರೆಗೆ ಸಮಯವನ್ನು ವಿಸ್ತರಿಸಲಾಗಿದೆ. ವಿದ್ಯಾರ್ಥಿಗಳು ಮತ್ತು ಪೋಷಕರ ಬೇಡಿಕೆಯನ್ನು ಪರಿಗಣಿಸಿ ತಿದ್ದುಪಡಿಗೆ ಸಮಯವನ್ನು ವಿಸ್ತರಿಸಲಾಗಿದೆ ಎಂದು ಸಚಿವ ವಿ.ಶಿವಂಕುಟ್ಟಿ ಮಾಹಿತಿ ನೀಡಿರುವರು.
         ರಾಜ್ಯದಲ್ಲಿ ಪ್ಲಸ್ ಒನ್ ಪ್ರವೇಶಕ್ಕೆ ಪ್ರಾಯೋಗಿಕ ಹಂಚಿಕೆಯನ್ನು ಶುಕ್ರವಾರ ಪ್ರಕಟಿಸಲಾಗಿತ್ತು. ತಿದ್ದುಪಡಿ ಮತ್ತು ಆಯ್ಕೆಯ ಬದಲಾವಣೆಗೆ ಸಮಯವನ್ನು ಅನುಮತಿಸಿತ್ತು. ಆದರೆ ಸೈಟ್ ಪ್ರವೇಶಿಸಿದ ಬಹುತೇಕ ವಿದ್ಯಾರ್ಥಿಗಳು ತಾಂತ್ರಿಕ ದೋಷಗಳಿಂದ ತಿದ್ದುಪಡಿ ಮಾಡಲು ಸಾಧ್ಯವಾಗಲಿಲ್ಲ. ನಂತರ ಹೆಚ್ಚಿನ ಸರ್ವರ್‍ಗಳನ್ನು ಬಳಸಿ ಸಮಸ್ಯೆಯನ್ನು ಪರಿಹರಿಸಲಾಗಿದೆ ಎಂದು ಸಚಿವರು ಮಾಹಿತಿ ನೀಡಿದರು, ಆದರೆ ಹೆಚ್ಚಿನ ಮಕ್ಕಳಿಗೆ ಇನ್ನೂ ಸರಿಪಡಿಸುವ ಆಯ್ಕೆ ಸಿಕ್ಕಿಲ್ಲ ಎನ್ನಲಾಗಿದೆ.
        ಪರೀಕ್ಷೆಗಳು ಮತ್ತು ವರ್ಗಾವಣೆಯಂತಹ ಉನ್ನತ ಮಾಧ್ಯಮಿಕ ಎಲ್ಲಾ ಸೇವೆಗಳನ್ನು ಒಂದೇ ಸರ್ವರ್‍ಗೆ ಲಿಂಕ್ ಮಾಡಲಾಗಿದೆ. ಒಂದೇ ಸಮಯದಲ್ಲಿ ಹೆಚ್ಚು ಜನರು ಲಾಗ್ ಇನ್ ಆಗಿದ್ದರಿಂದ ಸರ್ವರ್ ಡೌನ್ ಆಗಿತ್ತು. ಸರ್ವರ್ ಸಾಮಥ್ರ್ಯ ಹೆಚ್ಚಿಸದಿದ್ದರೆ ಮೊದಲ ಹಂಚಿಕೆ ಪ್ರಕಟವಾದಾಗ ದೊಡ್ಡ ಸಮಸ್ಯೆ ಎದುರಾಗಲಿದೆ ಎಂದೂ ತಜ್ಞರು ಈ ಮೊದಲೇ ಗಮನ ಸೆಳೆದಿದ್ದರು.
         ಇದ್ಯಾವುದನ್ನೂ ಲೆಕ್ಕಿಸದೆ ಸೀಟ್ ಹಂಚಿಕೆ ಪ್ರಕಟಿಸಿರುವುದು ವಿದ್ಯಾರ್ಥಿಗಳು ಹಾಗೂ ಪೋಷಕರನ್ನು ಸಂಕಷ್ಟಕ್ಕೆ ದೂಡಿದೆ. ಅಂತಿಮವಾಗಿ ಹಂಚಿಕೆಯ ಕಾಲಮಿತಿಯನ್ನು ಹೆಚ್ಚಿಸಬೇಕೆಂಬ ವಿದ್ಯಾರ್ಥಿಗಳು ಮತ್ತು ಪೋಷಕರ ಬೇಡಿಕೆಯನ್ನು ಪರಿಗಣಿಸಿ ಕಾಲಮಿತಿಯನ್ನು ವಿಸ್ತರಿಸಲು ನಿರ್ಧರಿಸಲಾಯಿತು.