ಸಂಸದರ ಕಚೇರಿ ಕೆಡವಿ ಬಾಳೆ ನೆಟ್ಟವರನ್ನು ಕ್ಷಮಿಸಿದ ರಾಹುಲ್ ಗಾಂಧಿ: ಇದು ಮಕ್ಕಳಾಟವೆಂದು ಹೇಳಿಕೆ

              ವಯನಾಡ್: ವಯನಾಡ್ ಸಂಸದ ರಾಹುಲ್ ಗಾಂಧಿ ಕಲ್ಪೆಟ್ಟಾದಲ್ಲಿರುವ ಎಸ್‍ಎಫ್‍ಐ ಕಾರ್ಯಕರ್ತರಿಂದ ದ್ವಂಸಗೊಂಡ ತನ್ನ ಕಚೇರಿಗೆ ಭೇಟಿ ನೀಡಿದರು. ಬಳಿಕ ಮಾತನಾಡಿದ ರಾಹುಲ್, ಎಸ್‍ಎಫ್‍ಐಗಳ ಹಿಂಸಾಚಾರವನ್ನು ಮಕ್ಕಳಾಟದಂತೆ ನೋಡಲಾಗುತ್ತಿದೆ ಎಂದು ಹೇಳಿದರು.

              ಕಚೇರಿ ಮೇಲೆ ನಡೆದ ದಾಳಿ ದುರದೃಷ್ಟಕರ ಘಟನೆ. ತನ್ನ ಕಚೇರಿ ಮಾತ್ರವಲ್ಲದೆ ಸಾರ್ವಜನಿಕ ವ್ಯವಹಾರ ನಡೆಸುವವರ ಕಚೇರಿ ಮೇಲೂ ದಾಳಿ ನಡೆದಿದೆ. ಇದನ್ನು ಮಾಡಿದ ಎಸ್‍ಎಫ್‍ಐ ಕಾರ್ಯಕರ್ತರ ಮೇಲೆ ನನಗೆ ಕೋಪವಿಲ್ಲ ಮತ್ತು ಅವರು ಬೇಜವಾಬ್ದಾರಿ ತೋರಿಸಿದ್ದಾರೆ ಎಂದು ರಾಹುಲ್ ಹೇಳಿದರು. ಯಾವುದೇ ಸಮಸ್ಯೆಗೆ ಹಿಂಸಾಚಾರ ಉತ್ತರವಲ್ಲ, ದಾಳಿಕೋರರ ವಿರುದ್ಧ ನನಗೆ ಕೋಪವಿಲ್ಲ, ಕಚೇರಿಯನ್ನು ಮರುಸ್ಥಾಪಿಸಲಾಗುವುದು ಎಂದು ಅವರು ಹೇಳಿದರು. ನಂತರ ವಯನಾಡ್ ಸಂಸದರು ಬತ್ತೇರಿಗೆ ತೆರಳಿದರು.

                ಈ ಹಿಂದೆ ಕಚೇರಿ ಮೇಲೆ ದಾಳಿ ನಡೆದಾಗಲೂ ರಾಹುಲ್ ಸಿಪಿಎಂ ಅಥವಾ ಎಸ್‍ಎಫ್‍ಐ ವಿರುದ್ಧ ಮಾತನಾಡಿರಲಿಲ್ಲ. ಕೇರಳದಲ್ಲಿ ಕಾಂಗ್ರೆಸ್ ನೇತೃತ್ವದ ಪ್ರತಿಭಟನೆಗಳ ಹೊರತಾಗಿಯೂ, ಸಿಪಿಎಂ ಈ ಕ್ರಮವನ್ನು ಕಟುವಾಗಿ ಟೀಕಿಸಲಿಲ್ಲ. ವಯನಾಡ್ ಸಂಸದರು ಕೆಡವಲಾದ ಕಚೇರಿಗೆ ಭೇಟಿ ನೀಡಿದ ನಂತರವೂ ಇಂತಹ ತಣ್ಣನೆಯ ಧೋರಣೆ ಅನುಸರಿಸಿದ್ದಾರೆ. ಬಫರ್ ಝೋನ್ ವಿಚಾರವಾಗಿ ಜೂನ್ 24ರಂದು ಕಲ್ಪೆಟ್ಟಾದಲ್ಲಿರುವ ರಾಹುಲ್ ಕಚೇರಿಯನ್ನು ಎಸ್‍ಎಫ್‍ಐಗಳು ಧ್ವಂಸಗೊಳಿಸಿದ್ದು, ಈ ನಡುವೆಯೇ ರಾಜ್ಯದಲ್ಲಿ ಭಾರೀ ವಿವಾದ ಎದ್ದಿತ್ತು.