ಅಡ್ಯಂಪಾರದ ಕಾಡಿನಲ್ಲಿ ಸಿಲುಕಿದ ಬಾಬು: ರಕ್ಷಣಾ ಕಾರ್ಯಾಚರಣೆ

                ಮಲಪ್ಪುರಂ: ಅರಣ್ಯದೊಳಗೆ ಯುವಕನೊಬ್ಬ ಸಿಕ್ಕಿಬಿದ್ದಿರುವ ಘಟನೆ ಮಲಪ್ಪುರಂನ ಅಡ್ಯಾನ್ ಪಾರಾದಲ್ಲಿ ನಡೆದಿದೆ. ಪ್ಲಾಕಲ್ ಚೋಳ ಕಾಲೋನಿಯ ಕುಟ್ಟಿಪೆರಕನನ ಮಗ ಬಾಬು ಪತ್ತಿನಾಯಿರಂ ಕಾಡಿನೊಳಗೆ ಕಳೆದ ರಾತ್ರಿಯಿಂದ ಸಿಲುಕಿಕೊಂಡಿದ್ದಾನೆ. 

                  ನಿನ್ನೆ ಬೆಳಗ್ಗೆ ಹತ್ತು ಗಂಟೆಗೆ ಬಾಬು ಪತ್ತಿನಾಯಿರಂ ಅರಣ್ಯದೊಳಗೆ  ಕಟ್ಟಿಗೆ ಸಂಗ್ರಹಿಸಲು ಹೋಗಿದ್ದ. ಕೆಲಸ ಮುಗಿಸಿ ಸಂಜೆ ಕಾಡಿನಿಂದ ವಾಪಸಾದ ಅವರು ಕಂಜಿರಪುಳ ನದಿ ದಾಟಲು ಯತ್ನಿಸುತ್ತಿದ್ದಾಗ ಕೊಚ್ಚಿ ಹೋಗಿದ್ದಾರೆ. ನೀರಿನಲ್ಲಿ ತೇಲಿ ಹೋದ ಬಾಬು ಧೈರ್ಯವಾಗಿ ಒಂದೆಡೆ ದಡಕ್ಕೆ ಏರಿದ. ಆದರೆ ಬಾಬು ಒಬ್ಬನೇ ಕಾಡಿನಲ್ಲಿ ತುಂಬಾ ಸುಸ್ತಾಗಿದ್ದ.

               ಮುಸ್ಸಂಜೆಯ ನಂತರವೂ ಬಾಬು ಬಾರದಿರುವುದು ಗಮನಿಸಿ ನಾಪತ್ತೆಯಾದನೆಂದು  ಸಂಬಂಧಿಕರು ಅಡ್ಯಂಪಾರದಲ್ಲಿರುವ ಸಹಾಯ ಕೇಂದ್ರಕ್ಕೆ ಮಾಹಿತಿ ನೀಡಿದರು. ನಂತರ ಅರಣ್ಯಾಧಿಕಾರಿಗಳು ಮತ್ತು ಸ್ಥಳೀಯರು ಹುಡುಕಾಟ ಆರಂಭಿಸಿದರು.

                ಅತ್ತ ಕಡೆಯಿಂದ ಬಾಬು ಅವರ ಧ್ವನಿ ಕೇಳಿ ರಕ್ಷಣಾ ಕಾರ್ಯ ಚುರುಕುಗೊಳಸಲಾಯಿತು. ನದಿ ತುಂಬಿ ಹರಿಯುತ್ತಿದ್ದರಿಂದ ಇನ್ನೊಂದು ದಡ ತಲುಪಲು ಸಾಧ್ಯವಾಗಲಿಲ್ಲ. ನಂತರ ಇಂದು ಬೆಳಗ್ಗೆ ಪೋಲೀಸರು, ಅಗ್ನಿಶಾಮಕ ದಳ ಹಾಗೂ ಇತರರ ನೇತೃತ್ವದಲ್ಲಿ ರಕ್ಷಣಾ ಕಾರ್ಯಾಚರಣೆ ಪುನರಾರಂಭಿಸಿ ಸುರಕ್ಷಿತ ದಡಕ್ಕೆ ತರಲಾಯಿತು.