ಕೊಲಂಬೊ: ಈ ಹಿಂದೆ ರಾಜಿನಾಮೆ ಘೋಷಣೆ ಮಾಡಿದ್ದ ಶ್ರೀಲಂಕಾದ ಅಧ್ಯಕ್ಷ ಗೋಟಬಯ ರಾಜಪಕ್ಸೆಗೆ ವಿಮಾನ ನಿಲ್ದಾಣದಲ್ಲಿ ಮತ್ತೆ ತೀವ್ರ ಮುಖಭಂಗವಾಗಿದ್ದು, ಸಂಘರ್ಷ ಪೀಡಿತ ಶ್ರೀಲಂಕಾವನ್ನು ತೊರೆಯಲು ಯತ್ನಿಸಿದ್ದ ರಾಜಪಕ್ಸೆ ಅವರು ವಿಮಾನ ನಿಲ್ದಾಣದ ಸಿಬ್ಬಂದಿಗಳ ಜೊತೆಗಿನ ಗಲಾಟೆಯಿಂದಾಗಿ ಹಲವು ಬಾರಿ ವಿಮಾನಗಳನ್ನು ಮಿಸ್ ಮಾಡಿಕೊಂಡು ನಿಲ್ದಾಣದಲ್ಲೇ ಸಿಲುಕಿದ ಘಟನೆ ವರದಿಯಾಗಿದೆ.
ಮಂಗಳವಾರ ತಮ್ಮದೇ ಸ್ವಂತ ದೇಶದಲ್ಲಿ ಗೋಟಬಯಾ ರಾಜಪಕ್ಸೆ ಅವರಿಗೆ ಮುಖಭಂಗವಾಗಿದ್ದು, ವಿಮಾನ ನಿಲ್ದಾಣದ ವಲಸೆ ಸಿಬ್ಬಂದಿಗಳನ್ನು ಗೋಟಬಯಾ ಅವರನ್ನು ತಡೆದ ಕಾರಣ ಅವರು ಹಲವು ಬಾರಿ ವಿಮಾನ ಮಿಸ್ ಮಾಡಿಕೊಂಡಿದ್ದಾರೆ. ಶ್ರೀಲಂಕಾದಲ್ಲಿ ನಡೆಯುತ್ತಿರುವ ಆರ್ಥಿಕ ಬಿಕ್ಕಟ್ಟು ಮತ್ತು ರಾಜಕೀಯ ಸಂಘರ್ಷದಿಂದಾಗಿ ಈ ಹಿಂದೆಯೇ ಅವರು ಪ್ರಧಾನಿ ಹುದ್ದೆಗೆ ರಾಜಿನಾಮೆ ಘೋಷಿಸಿದ್ದರು. ನಿನ್ನೆ ಅವರು ರಾಜಿನಾಮೆ ಪತ್ರಕ್ಕೆ ಸಹಿ ಹಾಕಿದ್ದು, ಇದರ ಬೆನ್ನಲ್ಲೇ ತಮ್ಮ ಆಪ್ತರೊಂದಿಗೆ ದೇಶ ಬಿಟ್ಟು ಪರಾರಿಯಾಗುವ ಯತ್ನಕ್ಕೆ ಮುಂದಾಗಿದ್ದಾರೆ. ಆದರೆ ಅವರ ಈ ಪ್ರಯತ್ನವನ್ನು ವಿಮಾನ ನಿಲ್ದಾಣದ ವಲಸೆ ಸಿಬ್ಬಂದಿಗಳು ವಿಫಲಗೊಳಿಸಿದ್ದು, ಗೋಟಬಯಾ ರಾತ್ರಿಯಿಡೀ ವಿಮಾನ ನಿಲ್ದಾಣದಲ್ಲಿಯೇ ಕಳೆಯುವಂತಾಗಿದೆ.
ದೇಶದ ಅಭೂತಪೂರ್ವ ಆರ್ಥಿಕ ಬಿಕ್ಕಟ್ಟಿನ ಬಗ್ಗೆ ಅವರ ವಿರುದ್ಧ ವ್ಯಾಪಕ ಪ್ರತಿಭಟನೆಗಳ ನಂತರ ಗೊಟಬಯ ರಾಜಪಕ್ಸೆ ಬುಧವಾರ ರಾಜೀನಾಮೆ ನೀಡುವುದಾಗಿ ಮತ್ತು "ಶಾಂತಿಯುತ ಅಧಿಕಾರದ ಪರಿವರ್ತನೆಗೆ" ದಾರಿ ಮಾಡಿಕೊಡುವುದಾಗಿ ಭರವಸೆ ನೀಡಿದ್ದರು. 73 ವರ್ಷದ ನಾಯಕ ಕೊಲಂಬೊದಲ್ಲಿನ ತನ್ನ ಅಧಿಕೃತ ನಿವಾಸವನ್ನುಲಕ್ಷಾಂತರ ಪ್ರತಿಭಟನಾಕಾರರು ಅತಿಕ್ರಮಿಸುವ ಮೊದಲು ತೊರೆದು ಪಲಾಯನ ಮಾಡಿದ್ದರು. ಅಲ್ಲಿಂದ ಅವರು ನೇರವಾಗಿ ದುಬೈಗೆ ಪ್ರಯಾಣಿಸಲು ಬಯಸಿದ್ದರು. ಆದರೆ ಅಧಿಕಾರಿಗಳ ಜೊತೆಗಿನ ಗೊಂದಲದಿಂದಾಗಿ ಇವರು ಈಗಲೂ ವಿಮಾನ ಹತ್ತಲಾಗದೇ ಶ್ರೀಲಂಕಾದಲ್ಲೇ ಇದ್ದು ಪರಿತಪಿಸುವಂತಾಗಿದೆ.
ಈ ಹಿಂದೆ ಸಂಘರ್ಷದ ವಿಚಾರವಾಗಿ ಅಧ್ಯಕ್ಷರಾಗಿ ರಾಜಪಕ್ಸೆ ಅವರು ಬಂಧನದಿಂದ ವಿನಾಯಿತಿ ಪಡೆದಿದ್ದರು. ಆದರೆ ಆ ಬಳಿಕ ದೇಶದಲ್ಲಿ ನಡೆದ ಕ್ಷಿಪ್ರ ರಾಜಕೀಯ ಬೆಳವಣಿಗೆ ಮತ್ತು ತೀವ್ರಗೊಂಡ ಪ್ರತಿಭಟನೆಗಳ ಹಿನ್ನಲೆಯಲ್ಲಿ ಅವರಿಗೆ ಬಂಧನ ಭೀತಿ ಕಾಡುತ್ತಿತ್ತು. ಇದೇ ಕಾರಣಕ್ಕೆ ಅವರು ರಾಜೀನಾಮೆ ನೀಡುವ ಮೊದಲು ವಿದೇಶಕ್ಕೆ ಹೋಗಲು ಯತ್ನಿಸಿದ್ದಾರೆ ಎನ್ನಲಾಗಿದೆ.
ನಿಲ್ದಾಣದಲ್ಲಿದ್ದ ವಲಸೆ ಅಧಿಕಾರಿಗಳು ತಮ್ಮ ಪಾಸ್‌ಪೋರ್ಟ್ ಸ್ಟಾಂಪ್ ಮಾಡಲು ವಿಐಪಿ ಸೂಟ್‌ಗೆ ಹೋಗಲು ನಿರಾಕರಿಸುತ್ತಿದ್ದರು. ಆದರೆ ಗೋಟಬಯಾ ಅವರಿಗೆ ಸಾಮಾನ್ಯರಂತೆ ಪ್ರವೇಶಿಸಲು ಇಷ್ಟವಿರಲಿಲ್ಲ, ಕಾರಣ ವಿಮಾನ ನಿಲ್ದಾಣದ ಇತರೆ ಬಳಕೆದಾರರ ಪ್ರತೀಕಾರಕ್ಕೆ ಹೆದರಿ ಸಾರ್ವಜನಿಕ ಸೌಲಭ್ಯಗಳ ಮೂಲಕ ತಾವು ಹೋಗುವುದಿಲ್ಲ. ಹೀಗಾಗಿ ತಮಗೆ ವಿಶೇಷ ಪ್ರವೇಶ ಕಲ್ಪಿಸಬೇಕು ಎಂದು ಅವರು ಒತ್ತಾಯಿಸಿದರು. ಆದರೆ ಇದಕ್ಕೆ ನಿಲ್ದಾಣದ ಅಧಿಕಾರಿಗಳು ಸಮ್ಮತಿ ನೀಡಲಿಲ್ಲ. ಅಧಿಕಾರಿಗಳೊಂದಿಗಿನ ಗೊಂದಲದಿಂದಾಗಿ ಗೋಟಬಯ ಯುನೈಟೆಡ್ ಅರಬ್ ಎಮಿರೇಟ್ಸ್‌ಗೆ ಕರೆದೊಯ್ಯಬಹುದಾದ ನಾಲ್ಕು ವಿಮಾನಗಳನ್ನು ನಿಗಧಿತ ಸಮಯಕ್ಕೆ ಏರಲಾಗದೇ ಮಿಸ್ ಮಾಡಿಕೊಂಡರು. ನಂತರ ಅಧ್ಯಕ್ಷ ಗೋಟಬಯಾ ಮತ್ತು ಅವರ ಪತ್ನಿ ಮುಖ್ಯ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ಪಕ್ಕದ ಮಿಲಿಟರಿ ನೆಲೆಯಲ್ಲಿ ರಾತ್ರಿ ಕಳೆದರು.
ಇದೇ ರೀತಿಯ ಪರಿಸ್ಥಿತಿಯನ್ನು ಮಾಜಿ ಸಚಿವ ಹಾಗೂ ರಾಜಪಕ್ಸ ಅವರ ಕಿರಿಯ ಸಹೋದರ ಬೆಸಿಲ್ ಕೂಡ ಎದುರಿಸಿದ್ದು, ವಿಮಾನ ನಿಲ್ದಾಣದ ಸಿಬ್ಬಂದಿಯೊಂದಿಗೆ ಇದೇ ರೀತಿಯ ಬಿಕ್ಕಟ್ಟಿನ ನಂತರ ಮಂಗಳವಾರ ಮುಂಜಾನೆ ದುಬೈಗೆ ತಮ್ಮದೇ ಆದ ಎಮಿರೇಟ್ಸ್ ವಿಮಾನವನ್ನು ತಪ್ಪಿಸಿಕೊಂಡರು. ಕಳೆದ ಏಪ್ರಿಲ್‌ನಲ್ಲಿ ಹಣಕಾಸು ಸಚಿವ ಸ್ಥಾನಕ್ಕೆ ಅವರು ರಾಜೀನಾಮೆ ನೀಡಿದ್ದರು.
ವ್ಯಾಪಾರಿ ಪ್ರಯಾಣಿಕರಿಗೆ ಪಾವತಿಸಿದ ಕನ್ಸೈರ್ಜ್ ಸೇವೆಯನ್ನು ಬಳಸಲು ಬೆಸಿಲ್ ಪ್ರಯತ್ನಿಸಿದರಾದರೂ ಅದು ಸಾಧ್ಯವಾಗಿರಲಿಲ್ಲ. ವಿಮಾನ ನಿಲ್ದಾಣ ಮತ್ತು ವಲಸೆ ಸಿಬ್ಬಂದಿ ತಕ್ಷಣವೇ ಜಾರಿಗೆ ಬರುವಂತೆ ಫಾಸ್ಟ್ ಟ್ರ್ಯಾಕ್ ಸೇವೆಯಿಂದ ಹಿಂದೆ ಸರಿಯುತ್ತಿದ್ದಾರೆ ಎಂದು ಹೇಳಿದರು. "ಬೇಸಿಲ್ ತಮ್ಮ ವಿಮಾನವನ್ನು ಹತ್ತುವುದನ್ನು ವಿರೋಧಿಸಿದ ಇತರ ಕೆಲವು ಪ್ರಯಾಣಿಕರು ಇದ್ದರು" ಎಂದು ವಿಮಾನ ನಿಲ್ದಾಣದ ಅಧಿಕಾರಿಯೊಬ್ಬರು ತಿಳಿಸಿದರು. "ಇದು ಉದ್ವಿಗ್ನ ಪರಿಸ್ಥಿತಿ, ಆದ್ದರಿಂದ ಅವರು ತರಾತುರಿಯಲ್ಲಿ ವಿಮಾನ ನಿಲ್ದಾಣದಿಂದ ಹೊರಬಂದರು."ಶನಿವಾರದಂದು ಜನಸಮೂಹವನ್ನು ತಪ್ಪಿಸಲು ರಾಜಪಕ್ಸೆ ಕುಟುಂಬಸ್ಥರು ತಮ್ಮ ನಿವಾಸಗಳಿಂದ ಪಲಾಯನ ಮಾಡಿದ್ದರು.ಶ್ರೀಲಂಕಾ ಮತ್ತು ಅಮೆರಿಕ ನಾಗರೀಕತ್ವ ಹೊಂದಿರುವ ಬೆಸಿಲ್ ಅವರು ಅಧ್ಯಕ್ಷೀಯ ಭವನದಲ್ಲಿ ಅವರನ್ನು ತೊರೆದ ನಂತರ ಹೊಸ ಪಾಸ್‌ಪೋರ್ಟ್ ಪಡೆಯಬೇಕಾಯಿತು ಎಂದು ರಾಜತಾಂತ್ರಿಕ ಮೂಲಗಳು ತಿಳಿಸಿವೆ.
DOCTYPE html>
