ಎರ್ನಾಕುಳಂ: ನಟ ಶ್ರೀಜಿತ್ ರವಿ ಅವರು ನಗ್ನ ಪ್ರದರ್ಶನ ಪ್ರಕರಣದಲ್ಲಿ ಜಾಮೀನು ಕೋರಿ ಹೈಕೋರ್ಟ್ ಮೆಟ್ಟಿಲೇರಿದ್ದಾರೆ. ಮಧ್ಯಾಹ್ನ ಪ್ರಕರಣದಲ್ಲಿ ಜಾಮೀನು ಕೋರಿ ಹೈಕೋರ್ಟ್ ಮೆಟ್ಟಿಲೇರಿದ್ದರು. ನಿನ್ನೆ ಹೆಚ್ಚುವರಿ ಸೆಷನ್ಸ್ ಕೋರ್ಟ್ ಪ್ರಕರಣದಲ್ಲಿ ಜಾಮೀನು ನೀಡಲು ನಿರಾಕರಿಸಿತ್ತು. ಇದರ ಬೆನ್ನಲ್ಲೇ ನಟ ಹೈ ಕೋರ್ಟ್ ಮೆಟ್ಟಿಲೇರಿದ್ದಾರೆ.
ಅನಾರೋಗ್ಯದ ಹಿನ್ನೆಲೆಯಲ್ಲಿ ಶ್ರೀಜಿತ್ ರವಿ ಹೈಕೋರ್ಟ್‍ಗೆ ಜಾಮೀನು ಅರ್ಜಿ ಸಲ್ಲಿಸಿದ್ದಾರೆ. ನ್ಯಾಯಾಲಯ ನಾಳೆಯೇ ಅರ್ಜಿಯನ್ನು ಪರಿಗಣಿಸುವ ಸಾಧ್ಯತೆಯಿದೆ.
ನಿನ್ನೆ ಅಪ್ರಾಪ್ತ ಬಾಲಕಿಯರ ಮೇಲೆ ನಗ್ನ ಪ್ರದರ್ಶನ ನೀಡಿದ ಪ್ರಕರಣದಲ್ಲಿ ಶ್ರೀಜಿತ್ ರವಿಯನ್ನು ಪೋಲೀಸರು ಬಂಧಿಸಿದ್ದರು. ಆಯಂತೋಲ್‍ನ ಎಸ್‍ಎನ್ ಪಾರ್ಕ್ ಬಳಿಯ ಫ್ಲ್ಯಾಟ್ ಎದುರು ನಿಂತಿದ್ದ ಮಕ್ಕಳ ಮೇಲೆ ನಟ ಅಸಭ್ಯ ವರ್ತನೆ ತೋರಿಸಿದ್ದಾನೆಂದು ದೂರಲಾಗಿತ್ತು. ಮಕ್ಕಳು ಕೂಡಲೇ ಪೋಷಕರಿಗೆ ಮಾಹಿತಿ ನೀಡಿದ್ದರು. ಪೋಷಕರು ನೀಡಿದ ದೂರಿನ ಆಧಾರದ ಮೇಲೆ ಪೋಲೀಸರು ನಡೆಸಿದ ತನಿಖೆಯ ನಂತರ ಶ್ರೀಜಿತ್ ರವಿಯನ್ನು ಬಂಧಿಸಲಾಗಿದೆ. ಸದ್ಯ ಶ್ರೀಜಿತ್ ರವಿ ರಿಮಾಂಡ್‍ನಲ್ಲಿದ್ದಾರೆ. ಇದೇ ವೇಳೆ ಇದು ಉದ್ದೇಶಪೂರ್ವಕವಾಗಿಲ್ಲ ಮತ್ತು ತನಗೆ ಅಸ್ವಸ್ಥತೆ ಇದೆ ಎಂದು ನ್ಯಾಯಾಲಯಕ್ಕೆ ಸಲ್ಲಿಸಿದ ಅರ್ಜಿಯಲ್ಲಿ ನಟ ಹೇಳಿದ್ದಾರೆ.
DOCTYPE html>
