ಮಂಗನ ಕಾಯಿಲೆ ಶಂಕೆ: ತ್ರಿಶೂರ್‍ನಲ್ಲಿ ಯುವಕನ ಸಾವಿನ ತನಿಖೆಗೆ ಸೂಚಿಸಿದ ಆರೋಗ್ಯ ಸಚಿವೆ

0 samarasasudhi ಜುಲೈ 31, 2022

         ಪತ್ತನಂತಿಟ್ಟ: ತ್ರಿಶೂರ್‍ನಲ್ಲಿ ಯುವಕನೊಬ್ಬನ ಸಾವಿಗೆ ಮಂಗನ ಕಾಯಿಲೆ ಶಂಕೆ ವ್ಯಕ್ತವಾಗಿದ್ದು, ಈ ಕುರಿತು ವಿಸ್ತೃತ ತನಿಖೆ ನಡೆಸಲಾಗುವುದು ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಹೇಳಿದ್ದಾರೆ. ಯುವಕನ ಸಾವಿನ ತನಿಖೆಗೆ ಉನ್ನತ ಮಟ್ಟದ ತಂಡವನ್ನು ನೇಮಿಸಲಾಗುವುದು. ಮಂಕಿ ಪಾಕ್ಸ್ ಸಾಮಾನ್ಯವಾಗಿ ಮಾರಣಾಂತಿಕವಲ್ಲ. ಮಂಗನ ಕಾಯಿಲೆಯ ಲಕ್ಷಣಗಳಿಲ್ಲದ ಯುವಕ ತೀವ್ರ ಸುಸ್ತು ಮತ್ತು ಮೆದುಳು ಜ್ವರದಿಂದ ತ್ರಿಶೂರ್‍ನಲ್ಲಿ ಚಿಕಿತ್ಸೆ ಪಡೆದಿದ್ದ ಎಂದು ಆರೋಗ್ಯ ಸಚಿವರು ತಿಳಿಸಿದ್ದಾರೆ.
          "ಹೊರ ದೇಶದಿಂದ ಆತನಿಗೆ ಮಂಕಿ ಪಾಕ್ಸ್ ಅಂಟಿಕೊಂಡಿದ್ದು, ಪರೀಕ್ಷೆಯ ಫಲಿತಾಂಶವು ಧನಾತ್ಮಕವಾಗಿದೆ" ಎಂದು ಸಂಬಂಧಿಕರು ಮೊನ್ನೆ ತ್ರಿಶೂರ್‍ನ ಆಸ್ಪತ್ರೆಯ ಅಧಿಕಾರಿಗಳಿಗೆ ವರದಿಯನ್ನು ನೀಡಿದ್ದರು. 21ರಂದು ಯುವಕ ಕೇರಳಕ್ಕೆ ಆಗಮಿಸಿ ಕುಟುಂಬ ಸದಸ್ಯರೊಂದಿಗೆ ತಂಗಿದ್ದ. 27ರಂದೇ ಆಸ್ಪತ್ರೆಗೆ ಬಂದಿದ್ದರು. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯಲು ವಿಳಂಬವಾಗಲು ಕಾರಣವೇನು ಎಂಬಿತ್ಯಾದಿ ವಿಷಯಗಳನ್ನು ಉನ್ನತ ಮಟ್ಟದ ತಂಡ ಪರಿಶೀಲಿಸಲಿದೆ ಎಂದು ಸಚಿವರು ತಿಳಿಸಿದ್ದಾರೆ.
          ಯುವಕನ ಮಾದರಿಯನ್ನು ಮತ್ತೊಮ್ಮೆ ಅಲಪ್ಪುಳ ವೈರಾಲಜಿ ಸಂಸ್ಥೆಯಲ್ಲಿ ಪರೀಕ್ಷಿಸಲಾಗುವುದು. ಯುವಕನ ಬಗ್ಗೆ ಬೇರೆ ಕೆಲವು ಅನುಮಾನಗಳಿರುವ ಶಂಕೆಯೂ ಇದೆ. ರಾಜ್ಯದಲ್ಲಿ ಮಂಗನ ಕಾಯಿಲೆ ವರದಿಯಾದ ಇತರೆಡೆ ಸೋಂಕಿತರ ಸಂಪರ್ಕಕ್ಕೆ ಬಂದವರು ಅಸ್ವಸ್ಥರಾಗದಿರುವುದು ಸಮಾಧಾನ ತಂದಿದೆ. ಸಾಂಕ್ರಾಮಿಕವಾಗಿದ್ದರೂ, ಮಂಕಿ ಪಾಕ್ಸ್ ಕೇರಳದಲ್ಲಿ ಶಕ್ತಿಯುತವಾಗಿಲ್ಲ. ತಡೆಗಟ್ಟುವ ಕ್ರಮಗಳನ್ನು ತೆಗೆದುಕೊಳ್ಳುವುದು ಮುಖ್ಯ. ದೃಢಪಟ್ಟಿರುವ ದೇಶಗಳಲ್ಲಿ ಈ ಕಾಯಿಲೆಯ ಬಗ್ಗೆ ಮಹತ್ವದ ಅಧ್ಯಯನಗಳು ನಡೆದಿಲ್ಲ ಎಂದು ವೀಣಾ ಜಾರ್ಜ್ ಹೇಳಿದ್ದಾರೆ.
          ಪ್ರಸ್ತುತ, ಕೇರಳದಲ್ಲಿ ಕಂಡುಬರುವ ಮಂಕಿ ಪಾಕ್ಸ್ ರೂಪಾಂತರವು ಹೆಚ್ಚು ಹರಡುವ ಸಾಮಥ್ರ್ಯವನ್ನು ಹೊಂದಿಲ್ಲ. ಸಾಂಕ್ರಾಮಿಕ ರೋಗಗಳು ಹರಡದಂತೆ ಮುನ್ನೆಚ್ಚರಿಕೆ ವಹಿಸಲಾಗಿದೆ ಎಂದು ಆರೋಗ್ಯ ಸಚಿವರು ತಿಳಿಸಿದರು.