ಮುಗು ಕೊಲೆ ಪ್ರಕರಣ: ಆರೋಪಿಗಳಿಗಾಗಿ ಪೋಲೀಸರು ಲುಕ್‍ಔಟ್ ನೋಟೀಸ್: ಭೂಗತ ಲೋಕದ ನಂಟಿನ ಶಂಕೆ

              ಕಾಸರಗೋಡು: ಅನಿವಾಸಿಯೊಬ್ಬರನ್ನು ಹೊಡೆದು ಕೊಲೆಗೈದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶಂಕಿತ ಆರೋಪಿಗಳಿಗಾಗಿ ಪೋಲೀಸರು ಲುಕ್ ಔಟ್ ಸುತ್ತೋಲೆ ಹೊರಡಿಸಲಿದ್ದಾರೆ. ಕೊಟೇಶನ್ ತಂಡಕ್ಕೆ ಸೇರಿದವರು ದೇಶ ತೊರೆಯದಂತೆ ತನಿಖಾ ತಂಡ ಕ್ರಮ ಕೈಗೊಂಡಿದೆ. ಕೊಟೇಶನ್ ತಂಡದ ಇಬ್ಬರು ಸದಸ್ಯರು ದೇಶ ತೊರೆದಿದ್ದಾರೆ ಎಂಬ ಸೂಚನೆಗಳಿವೆ.  ಅವರು ಯುಎಇ ಪ್ರವೇಶಿಸಿದ್ದಾರೆ ಎಂದು ವರದಿಯಾಗಿದೆ. ಇದುವರೆಗೆ ಕೊಲೆ ಗ್ಯಾಂಗ್‍ನ ಒಬ್ಬನನ್ನೂ ಬಂಧಿಸಲು ಪೋಲೀಸರಿಗೆ ಸಾಧ್ಯವಾಗಿಲ್ಲ.

          ದಿನಗಳ ಹಿಂದೆ ಮುಗುವಿನ ಅಬೂಬಕರ್ ಸಿದ್ದೀಕ್ ಎಂಬಾತನನ್ನು ತಂಡವೊಂದು ಅಪಹರಿಸಿ ಹತ್ಯೆ ಮಾಡಿತ್ತು. ಪೈವಳಿಕೆ ಸಮೀಪದ ನಿರ್ಜನ ಮನೆಯಲ್ಲಿ ಅಬೂಬಕ್ಕರ್ ತಲೆಕೆಳಗಾಗಿ ನೇಣು ಬಿಗಿದು ಕೊಲೆ ಮಾಡಲಾಗಿತ್ತು. ಈ ಸಂಬಂಧ ಐವರನ್ನು ಬಂಧಿಸಲಾಗಿತ್ತು. ಆದರೆ ಪ್ರಕರಣ ದಾಖಲಿಸಿದವರು ಹಾಗೂ ಆರೋಪಿಗಳು ತಪ್ಪಿಸಿಕೊಳ್ಳಲು ಸಹಕರಿಸಿದವರು ಇವರು ಎಂದು ಪೋಲೀಸರು ತಿಳಿಸಿದ್ದು, ನಿಜವಾದ ಆರೋಪಿಗಳಾರನ್ನೂ ಬಂಧಿಸಲಾಗಿಲ್ಲ. 

              ಆದರೆ ಕೊಟೇಶನ್ ತೆಗೆದುಕೊಂಡು ಯುವಕನನ್ನು ಕೊಂದವರನ್ನು ಹಿಡಿಯಲು ಪೋಲೀಸರಿಗೆ ಇನ್ನೂ ಸಾಧ್ಯವಾಗದಿರುವುದು ಅಚ್ಚರಿಗೂ ಕಾರಣವಾಗಿದೆ.  ಆರೋಪಿಗಳ ಪತ್ತೆಗಾಗಿ ಪೋಲೀಸ್ ತಂಡಗಳು ದೇಶದ ವಿವಿಧ ಭಾಗಗಳಲ್ಲಿ ತನಿಖೆ ನಡೆಸುತ್ತಿವೆ. ಆದರೆ ಆರೋಪಿಗಳು ದೇಶ ಬಿಟ್ಟು ಹೋಗುವ ಸಾಧ್ಯತೆ ಇದೆ. ಆರೋಪಿಗಳು ತಪ್ಪಿಸಿಕೊಳ್ಳದಂತೆ ಲುಕ್ ಔಟ್ ಸುತ್ತೋಲೆ ಹೊರಡಿಸಲು ತನಿಖಾ ತಂಡ ನಿರ್ಧರಿಸಿದೆ. ಮುಂಬೈ ಮತ್ತು ಗಲ್ಪ್ ರಾಷ್ಟ್ರ ಕೇಂದ್ರೀಕರಿಸಿರುವ ಭೂಗತ ನಂಟು ಈ ಕೊಲೆಯ ಹಿಂದಿದೆ ಎಂದು ಶಂಕಿಸಲಾಗಿದೆ.