ಕೋಯಿಕ್ಕೋಡ್: ಪಂಗಸ್ ಬಾಧೆಯಿಂದಾಗಿ ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜು ಆಸ್ಪತ್ರೆಯ ಯುರಾಲಜಿ ವಿಭಾಗದ ಥಿಯೇಟರ್ ಮತ್ತು ಐಸಿಯು ಅನ್ನು ಮುಚ್ಚಲಾಗಿದೆ. ಸೋಂಕಿನ ನಂತರ ಇಬ್ಬರು ರೋಗಿಗಳಿಗೆ ಪಂಗಸ್ ಇರುವುದು ಪತ್ತೆಯಾಯಿತು. ಎರಡು ಮೂತ್ರಪಿಂಡ ಕಸಿ ಸ್ವೀಕರಿಸುವವರಲ್ಲಿ ಸೋಂಕು ಸಂಭವಿಸಿದೆ. ತಪಾಸಣೆಯ ನಂತರ ರೋಗಿಗಳನ್ನು ತಜ್ಞ ಚಿಕಿತ್ಸೆಗಾಗಿ ಸ್ಥಳಾಂತರಿಸಲಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ.
ಕಿಡ್ನಿ ಕಸಿ ಮಾಡಿದ ವ್ಯಕ್ತಿಗೆ ಮೂತ್ರದ ಬಣ್ಣದ ವ್ಯತ್ಯಾಸದ ತರುವಾಯ ಪರೀಕ್ಷೆ ನಡೆಸಲಾಯಿತು. ಇದು ಸ್ಪಷ್ಟವಾಗಿ ಪಂಗಸ್ ಎಂಬುದು ಖಾತ್ರಿಪಡಿಸಲಾಯಿತು. ನಂತರ ಎರಡನೇ ವ್ಯಕ್ತಿಯನ್ನೂ ಪರೀಕ್ಷಿಸಲಾಯಿತು. ಒಬ್ಬ ರೋಗಿಯನ್ನು ತೀವ್ರ ನಿಗಾ ಘಟಕಕ್ಕೆ ಮತ್ತು ಇನ್ನೊಬ್ಬನನ್ನು ಪೇ ವಾರ್ಡ್‍ಗೆ ದಾಖಲಿಸಲಾಗಿದೆ.
ಹವಾನಿಯಂತ್ರಣದ ನೀರು ಥಿಯೇಟರ್ ನೊಳಗಡೆ ಸೋಂಕಿಗೆ ಕಾರಣವಾಗಿರಬೇಕೆಂದು ಅಂದಾಜಿಸಲಾಗಿದೆ. ಇಲ್ಲಿಂದ ಮಾದರಿಯನ್ನು ತೆಗೆದುಕೊಂಡು ಪರೀಕ್ಷೆಗಾಗಿ ಮೈಕ್ರೋಬಯಾಲಜಿ ಲ್ಯಾಬ್‍ಗೆ ಕಳುಹಿಸಲಾಗಿದೆ. ಇಂದು ಫಲಿತಾಂಶ ಬಂದ ನಂತರವೇ ಥಿಯೇಟರ್ ತೆರೆಯಲಿದೆ. ಸದ್ಯಕ್ಕೆ ಪ್ಲಾಸ್ಟಿಕ್ ಸರ್ಜರಿ, ಕಾರ್ಡಿಯೋ ಥೋರಾಸಿಕ್ ಸರ್ಜರಿ, ಅಬ್ಡೋಮಿನಲ್ ಸರ್ಜರಿ ವಿಭಾಗಗಳಿಗೆ ಬಳಸುತ್ತಿದ್ದ ಮತ್ತೊಂದು ಕೊಠಡಿಯನ್ನು ತಾತ್ಕಾಲಿಕವಾಗಿ ಮೂತ್ರಶಾಸ್ತ್ರ ವಿಭಾಗಕ್ಕೆ ನೀಡಲಾಗಿದೆ.
DOCTYPE html>
