ಅಗ್ನಿಪಥ್ ನೋಂದಣಿ ಪ್ರಾರಂಭ: ಕೇರಳದಲ್ಲಿ ಕೊಲ್ಲಂ ಮತ್ತು ಕೋಝಿಕ್ಕೋಡ್ ನಲ್ಲಿ ರ್ಯಾಲಿ

               ತಿರುವನಂತಪುರ: ಅಗ್ನಿಪಥ್‍ನ ಆರ್ಮಿ ರ್ಯಾಲಿ, ಏರ್ ಫೆÇೀರ್ಸ್ ನೇಮಕಾತಿ ದಿನಾಂಕಗಳನ್ನು ಪ್ರಕಟಿಸಲಾಗಿದೆ. ಜುಲೈ 1 ರಂದು ಸೇನಾ ರ್ಯಾಲಿಗಾಗಿ ನೋಂದಣಿ ಪ್ರಾರಂಭವಾಯಿತು. ಜುಲೈ 30 ರವರೆಗೆ ಆನ್‍ಲೈನ್‍ನಲ್ಲಿ ಅರ್ಜಿ ಸಲ್ಲಿಸಬಹುದಾಗಿದೆ. ಅಕ್ಟೋಬರ್ 1 ರಿಂದ 20 ರವರೆಗೆ ಕೋಝಿಕ್ಕೋಡ್‍ನಲ್ಲಿ ಉತ್ತರ ಕೇರಳ ರ್ಯಾಲಿ ನಡೆಯಲಿದೆ. ಕೋಝಿಕ್ಕೋಡ್, ಕಾಸರಗೋಡು, ಪಾಲಕ್ಕಾಡ್, ಮಲಪ್ಪುರಂ, ವಯನಾಡ್, ತ್ರಿಶೂರ್ ಮತ್ತು ಕಣ್ಣೂರು ಜಿಲ್ಲೆಗಳಲ್ಲದೆ, ಲಕ್ಷದ್ವೀಪ ಮತ್ತು ಮಾಹಿ ಕೇಂದ್ರಾಡಳಿತ ಪ್ರದೇಶಗಳ ಯುವಕರು ಭಾಗವಹಿಸಬಹುದು ಎಂದು ಕೇಂದ್ರ ಸರ್ಕಾರ ಸ್ಪಷ್ಟಪಡಿಸಿದೆ.

                 ದಕ್ಷಿಣ ಕೇರಳದ ಏಳು ಜಿಲ್ಲೆಗಳಿಗೆ ನವೆಂಬರ್ 15 ರಿಂದ 30 ರವರೆಗೆ ಕೊಲ್ಲಂನಲ್ಲಿ ರ್ಯಾಲಿ ನಡೆಯಲಿದೆ. ತಿರುವನಂತಪುರಂ, ಕೊಲ್ಲಂ, ಪತ್ತನಂತಿಟ್ಟ, ಆಲಪ್ಪುಳ, ಕೊಟ್ಟಾಯಂ, ಇಡುಕ್ಕಿ ಮತ್ತು ಎರ್ನಾಕುಲಂ ಜಿಲ್ಲೆಗಳು ಭಾಗವಹಿಸಬಹುದು. ದಿನಾಂಕ ಸ್ವಲ್ಪ ಬದಲಾಗಬಹುದು ಎಂದು ಸೇನೆ ತಿಳಿಸಿದೆ. ಇತ್ತೀಚಿನ ಮಾಹಿತಿಗಾಗಿ joinindianarmy.nic.in ವೆಬ್‍ಸೈಟ್‍ಗೆ ಭೇಟಿ ನೀಡಬಹುದು. 

              ಅಗ್ನಿವೀರ್ ವಾಯು ವಿಭಾಗದ ಪೋಸ್ಟ್‍ಗಳಲ್ಲಿ ಆಸಕ್ತಿ ಹೊಂದಿರುವವರು ಭಾರತೀಯ ವಾಯುಪಡೆಯ ಅಧಿಕೃತ ವೆಬ್‍ಸೈಟ್ ಮೂಲಕ ಅರ್ಜಿ ಸಲ್ಲಿಸಬಹುದು.ಅಭ್ಯರ್ಥಿಗಳು ಜುಲೈ 5 ರವರೆಗೆ ಅರ್ಜಿ ಸಲ್ಲಿಸಬಹುದು.

                  ಜೂನ್ 24ರಿಂದ ನೋಂದಣಿ ಪ್ರಕ್ರಿಯೆ ಆರಂಭವಾಗಿದೆ. careerindianairforce.cdac.in. ಲಿಂಕ್ ಅನ್ನು ಕ್ಲಿಕ್ ಮಾಡುವ ಮೂಲಕ ಅರ್ಜಿಯನ್ನು ಸಲ್ಲಿಸಬೇಕು. ಅಗ್ನಿರ್ ರ್ವಾಯು ಹುದ್ದೆಗಳಿಗೆ ಆನ್‍ಲೈನ್ ಪರೀಕ್ಷೆಯು 24ನೇ ಜುಲೈ 2022 ರಿಂದ ಪ್ರಾರಂಭವಾಗುತ್ತದೆ.

                  ಏತನ್ಮಧ್ಯೆ, ನೌಕಾಪಡೆಯಲ್ಲಿ ಅಗ್ನಿಪಥ್ ನೋಂದಣಿ ಶುಕ್ರವಾರದಿಂದ ಪ್ರಾರಂಭವಾಗಲಿದೆ. ಮಹಿಳೆಯರೂ ಅರ್ಜಿ ಸಲ್ಲಿಸಬಹುದು. ವೆಬ್‍ಸೈಟ್:  joinindiannavy.gov.in.  29ನೇ ಡಿಸೆಂಬರ್ 1999 ಮತ್ತು 29ನೇ ಜೂನ್ 2005 (ಎರಡೂ ದಿನಗಳನ್ನು ಒಳಗೊಂಡಂತೆ) ನಡುವೆ ಜನಿಸಿದ ಅಭ್ಯರ್ಥಿಗಳು ಅಗ್ನಿಪಥ್‍ಗೆ ಅರ್ಜಿ ಸಲ್ಲಿಸಲು ಅರ್ಹರಾಗಿರುತ್ತಾರೆ.