ಬಹುನಿರೀಕ್ಷಿತ ಕೆ-ಪೋನ್ ಗೆ ಕೇಂದ್ರ ಸರ್ಕಾರ ಅನುಮೋದನೆ; ಕಾಪೆರ್Çರೇಟ್ ಶಕ್ತಿಗಳ ವಿರುದ್ಧ ಹೋರಾಡಲು ಸಿದ್ದ ಎಂದ ಮುಖ್ಯಮಂತ್ರಿಗಳ ಹೇಳಿಕೆ

                   ತಿರುವನಂತಪುರ: ಕೇರಳ ಫೈಬರ್ ಆಪ್ಟಿಕ್ ನೆಟ್‍ವರ್ಕ್ ಲಿಮಿಟೆಡ್‍ಗೆ (ಕೆ-ಪೋನ್) ಮೂಲಸೌಕರ್ಯ ಸೇವೆಗಳನ್ನು ಒದಗಿಸಲು ಅನುಮತಿ ನೀಡಲಾಗಿದೆ. ಕೇಂದ್ರ ದೂರಸಂಪರ್ಕ ಇಲಾಖೆಯು ಸೇವೆಗಳನ್ನು ಒದಗಿಸಲು ಮೂಲಸೌಕರ್ಯ ಒದಗಿಸುವವರಿಗೆ ವರ್ಗ 1 ಪರವಾನಗಿ ನೀಡಿ ಆದೇಶ ಹೊರಡಿಸಿದೆ. ಯೋಜನೆಗೆ ಕಾರ್ಯಾಚರಣೆಗೆ ಅನುಮತಿ ನೀಡಲಾಗಿದೆ ಎಂದು ಮುಖ್ಯಮಂತ್ರಿ ಹೇಳಿದರು.

                   ಅನುಮೋದನೆ ದೊರೆತ ಹಿನ್ನೆಲೆಯಲ್ಲಿ  ಶೀಘ್ರದಲ್ಲೇ ಯೋಜನೆಗೆ ಇಂಟರ್‍ನೆಟ್ ಸೇವಾದಾರರ ಪರವಾನಗಿ ದೊರೆಯುವ ನಿರೀಕ್ಷೆಯಿದೆ ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿದ್ದಾರೆ. ಅಂತರ್ಜಾಲವು ಜನರ ಹಕ್ಕು ಎಂದು ಮುಖ್ಯಮಂತ್ರಿಗಳು ಪ್ರತಿಪಾದಿಸಿದ್ದು, ಇದು ಗರಿಷ್ಠ ಸಂಖ್ಯೆಯ ಜನರಿಗೆ ಲಭ್ಯವಾಗುವಂತೆ ಮಾಡುವ ಈ ಯೋಜನೆಯು ಟೆಲಿಕಾಂ ಕ್ಷೇತ್ರದ ಕಾರ್ಪೋರೇಟ್ ಶಕ್ತಿಗಳ ವಿರುದ್ಧ ಎಡ ಸರ್ಕಾರದ ಜನರ ಪರ್ಯಾಯವಾಗಿದೆ ಎಂದರು.

             ಕೇಂದ್ರ ದೂರಸಂಪರ್ಕ ಇಲಾಖೆಯ ಅಧಿಕೃತ ನೋಂದಣಿಯ ಪ್ರಕಾರ, ಫೈಬರ್ ಆಪ್ಟಿಕ್ ಲೈನ್‍ಗಳನ್ನು (ಡಾರ್ಕ್ ಫೈಬರ್), ಡಕ್ಟ್ ಸ್ಪೇಸ್, ಟವರ್‍ಗಳು, ನೆಟ್‍ವರ್ಕ್ ಮತ್ತು ಇತರ ಅಗತ್ಯ ವ್ಯವಸ್ಥೆಗಳನ್ನು ಸ್ವಾಧೀನಪಡಿಸಿಕೊಳ್ಳಲು, ನಿರ್ವಹಿಸಲು, ದುರಸ್ತಿ ಮಾಡಲು, ಬಾಡಿಗೆಗೆ, ಗುತ್ತಿಗೆಗೆ ಅಥವಾ ಮಾರಾಟ ಮಾಡಲು ಕೆ ಪೋನ್ ಅಧಿಕಾರವನ್ನು ಹೊಂದಿದೆ. ಟೆಲಿಕಾಂ ಸೇವಾ ಪರವಾನಗಿ ಹೊಂದಿರುವವರಿಗೆ ಜವಾಬ್ದಾರಿ ಇರುತ್ತದೆ.