13 ಉತ್ಪನ್ನಗಳು ಮತ್ತು ಬಟ್ಟೆ ಚೀಲಗಳು; ಮುಂದಿನ ವಾರದಿಂದ ಓಣಂಕಿಟ್ ವಿತರಣೆ; ತೆಂಗಿನ ಎಣ್ಣೆ ಪ್ರತ್ಯೇಕ: ಸಚಿವರಿಂದ ಘೋಷಣೆ

                ತಿರುವನಂತಪುರ: ರಾಜ್ಯದಲ್ಲಿ ಓಣಂಕಿಟ್ ವಿತರಣೆ ಮುಂದಿನ ವಾರದಿಂದ ಆರಂಭವಾಗಲಿದೆ. ಈ ಬಗ್ಗೆ ಆಹಾರ ಸಚಿವ ಜಿ.ಆರ್.ಅನಿಲ್ ಇಂದು ಘೋಷಿಸಿದ್ದಾರೆ.
                 ಕಿಟ್ ವಿತರಣೆಗೆ ಎಲ್ಲ ಸಿದ್ಧತೆಗಳು ಪೂರ್ಣಗೊಂಡಿವೆ ಎಂದು ಸಚಿವರು ತಿಳಿಸಿದರು.
                  ಇದೇ ತಿಂಗಳ 17ರಿಂದ ರಾಜ್ಯದಲ್ಲಿ ಓಣಂಕಿಟ್ ವಿತರಣೆ ಆರಂಭವಾಗಲಿದೆ. ಓಂಕಿಟ್‍ನಲ್ಲಿ ಸೇರ್ಪಡೆಗೊಳಿಸಬೇಕಾದ  ಆಹಾರ ಪದಾರ್ಥಗಳ ಪ್ಯಾಕಿಂಗ್ ಪ್ರಗತಿಯಲ್ಲಿದೆ. ಈ ಬಾರಿ ತೆಂಗಿನ ಎಣ್ಣೆಯನ್ನು ಪ್ರತ್ಯೇಕವಾಗಿ ವಿತರಿಸಲಾಗುವುದು. ಎಎವೈ ಕಾರ್ಡ್ ಹೊಂದಿರುವವರಿಗೆ ಮೊದಲು ಕಿಟ್ ವಿತರಿಸಲಾಗುವುದು. ಆ ಬಳಿಕವಷ್ಟೇ  ಇತರ ಕಾರ್ಡ್‍ಗಳನ್ನು ಹೊಂದಿರುವ ಬಳಕೆದಾರರಿಗೆ ವಿತರಿಸಲಾಗುತ್ತದೆ. ಈ ಬಾರಿ ಓಣಂಂಕಿಟ್‍ನಲ್ಲಿ ಬಟ್ಟೆ ಬ್ಯಾಗ್‍ಗಳು ಸೇರಿದಂತೆ 14 ವಸ್ತುಗಳು ಲಭ್ಯವಿರುತ್ತವೆ ಎಂದು ಅನಿಲ್ ಹೇಳಿದ್ದಾರೆ.
                 ರಾಜ್ಯದಲ್ಲಿ ಕಿಟ್ ವಿತರಣೆ ವಿಳಂಬವಾಗಲಿದೆ ಎಂಬ ವರದಿಗಳು ಬಂದಿದ್ದವು. ಈ ಹಿನ್ನೆಲೆಯಲ್ಲಿ ಮುಂದಿನ ವಾರದಿಂದ ಓಣಂಕಿಟ್‍ಗಳನ್ನು ವಿತರಿಸಲಾಗುವುದು ಎಂದು ಸಚಿವರು ತಿಳಿಸಿದರು. ಓಣಂಕಿಟ್ ನಲ್ಲಿ ಸೇರ್ಪಡೆಗೊಳಿಸಬೇಕಾದ ಉಪ್ಪು, ಅಕ್ಕಿ ಮುಂತಾದ ವಸ್ತುಗಳು ಸಕಾಲದಲ್ಲಿ ಸಿಗಲಿಲ್ಲ. ಇದರೊಂದಿಗೆ ಕಿಟ್ ವಿತರಣೆ ವಿಳಂಬವಾಗಲಿದೆ ಎಂಬ ವದಂತಿ ಹಬ್ಬಿತ್ತು.