ಸ್ವಾತಂತ್ರ್ಯ ದಿನದಂದು ಕರಿ ದಿನವಾಗಿ ಆಚರಿಸಲಾಗುವುದು ಎಂದ ಲ್ಯಾಟಿನ್ ಆರ್ಚ್ ಡಯಾಸಿಸ್: ಕಪ್ಪು ಬಾವುಟ ಹಾರಿಸಲು ಸೂಚನೆ!

              ತಿರುವನಂತಪುರ: ಲ್ಯಾಟಿನ್ ಆರ್ಚ್ ಡಯಾಸಿಸ್ ಸ್ವಾತಂತ್ರ್ಯ ದಿನದಂದು ಕರಿ ದಿನವನ್ನು ಆಚರಿಸಲಿದೆ. ಲ್ಯಾಟಿನ್ ಆರ್ಚ್ ಡಯಾಸಿಸ್ ತಿರುವನಂತಪುರದ ತೀರ ಪ್ರದೇಶದ ಜನರಿಗೆ ಸ್ವಾತಂತ್ರ್ಯ ದಿನದಂದು ಕರಿ ದಿನವನ್ನು ಆಚರಿಸಲು ಸೂಚನೆ ನೀಡಿದೆ.
                   ಆಗಸ್ಟ್ 15 ರಂದು ಆರ್ಚ್ ಬಿಷಪ್ ಡಾ. ಥಾಮಸ್ ಜೆ. ನೆಟೊ ಪ್ಯಾರಿμïಗೆ ಸುತ್ತೋಲೆ ಹೊರಡಿಸಲಾಗಿದೆ.
                    ಕರಾವಳಿ ಜನರು ವಿವಿಧ ರೀತಿಯ ಸಮಸ್ಯೆಗಳನ್ನು ಎದುರಿಸುತ್ತಿದ್ದು, ವಸತಿ ರಹಿತತೆ ಸೇರಿದಂತೆ ಕರಾವಳಿ ಜನರು ಎದುರಿಸುತ್ತಿರುವ ಸಮಸ್ಯೆಗಳಿಗೆ ತುರ್ತು ಮಧ್ಯಸ್ಥಿಕೆ ಅಗತ್ಯವಿದೆ ಎಂದು ಧರ್ಮಪ್ರಾಂತ್ಯ ಹೇಳುತ್ತದೆ. ಕರಾವಳಿ ಜನರನ್ನು ಗಮನದಲ್ಲಿಟ್ಟುಕೊಂಡು ಪ್ರತಿಭಟನೆಯನ್ನು ಬಲಗೊಳಿಸುವುದು ಚರ್ಚ್‍ನ ಆಂದೋಲನವಾಗಿದೆ. ಇದರ ಅಂಗವಾಗಿ ಆ.10ರಂದು ಮೀನುಗಾರರು ಬೋಟ್ ಗಳೊಂದಿಗೆ ಸೆಕ್ರೆಟರಿಯೇಟ್ ಗೆ ಮೆರವಣಿಗೆ ನಡೆಸಲಿದ್ದಾರೆ.
                ತೀವ್ರ ಕಡಲ್ಕೊರೆತ ಎದುರಿಸುತ್ತಿರುವ ಕರಾವಳಿ ಜನರು ಜುಲೈ 20 ರಿಂದ ಮುಷ್ಕರ ನಡೆಸುತ್ತಿದ್ದಾರೆ. ಆದರೂ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ಅಥವಾ ಕೊನೆಯಯಪಕ್ಷ ವಿಚಾರಿಸಲೂ ಸರ್ಕಾರ ಸಿದ್ಧವಾಗಿಲ್ಲ ಎಂದು ಲ್ಯಾಟಿನ್ ಆರ್ಚ್‍ಡಯಾಸಿಸ್ ಆರೋಪಿಸಿದೆ. ಇದರ ಅಂಗವಾಗಿ ಪ್ರತಿಭಟನೆಯನ್ನು ತೀವ್ರಗೊಳಿಸಲಾಗುವುದು ಮತ್ತು ಸ್ವಾತಂತ್ರ್ಯ ದಿನಾಚರಣೆಯಂದು ಕಪ್ಪು ಬಾವುಟ ಹಾರಿಸಲಾಗುವುದು ಎಂದು ಚರ್ಚ್ ಘೋಷಿಸಿದೆ.