ರಾಜ್ಯ ಸರ್ಕಾರಕ್ಕೆ ಮತ್ತೊಂದು ಹೊಡೆತ; ಸೇವಾ ಭಾರತಿ ವಿರುದ್ಧದ ಮೇಲ್ಮನವಿ ವಜಾಗೊಳಿಸಿದ ಹೈಕೋರ್ಟ್

              ಕೊಚ್ಚಿ: ಸೇವಾ ಭಾರತಿ ವಿರುದ್ಧದ ಮೇಲ್ಮನವಿಯಲ್ಲಿ ರಾಜ್ಯ ಸರ್ಕಾರಕ್ಕೆ ಭಾರೀ ಹಿನ್ನಡೆಯಾಗಿದೆ.  ಸೇವಾ ಭಾರತಿಯನ್ನು ಪರಿಹಾರ ಏಜೆನ್ಸಿಯನ್ನಾಗಿ ಮಾಡಿದ ಆದೇಶವನ್ನು ಹಿಂಪಡೆದಿರುವ ಕಣ್ಣೂರು ಜಿಲ್ಲಾಧಿಕಾರಿ ಕ್ರಮ ತಪ್ಪು ಎಂದು ಹೈಕೋರ್ಟ್ ವಿಭಾಗೀಯ ಪೀಠ ಹೇಳಿದೆ.
            ಜಿಲ್ಲಾಧಿಕಾರಿ ಕ್ರಮವನ್ನು ರದ್ದುಗೊಳಿಸಿದ ಏಕ ಪೀಠದ ಆದೇಶವನ್ನು ವಿಭಾಗೀಯ ಪೀಠ ಎತ್ತಿ ಹಿಡಿದಿದೆ.
            ಈ ಆರೋಪದ ಬಗ್ಗೆ ವಿಚಾರಣೆ ನಡೆಸದೆ ಜಿಲ್ಲಾಧಿಕಾರಿ ಸೇವಾಭಾರತಿ ವಿರುದ್ಧ ಕ್ರಮ ಕೈಗೊಂಡಿದ್ದಾರೆ. ಜಿಲ್ಲಾಧಿಕಾರಿಯ ಕ್ರಮವು ಸಹಜ ನ್ಯಾಯದ ಉಲ್ಲಂಘನೆಯಾಗಿದೆ ಎಂದು ನ್ಯಾಯಾಲಯ ಅಭಿಪ್ರಾಯಪಟ್ಟಿದೆ. ಕೊರೋನಾ ಅವಧಿಯಲ್ಲಿ ಸೇವಾ ಭಾರತಿಯನ್ನು ಪರಿಹಾರ ಏಜೆನ್ಸಿಯನ್ನಾಗಿ ಮಾಡಲು ಆದೇಶಿಸಿದ ಜಿಲ್ಲಾಧಿಕಾರಿ, ನಂತರ ಅದನ್ನು ಹಿಂಪಡೆದರು. ಇದರ ಹಿಂದೆ ರಾಜಕೀಯ ಒತ್ತಡವಿದೆ ಎಂಬ ಬಲವಾದ ಆರೋಪವಿತ್ತು.
            ಮೇ 24, 2021 ರಂದು ಸೇವಾಭಾರತಿಯನ್ನು ಪರಿಹಾರ ಏಜೆನ್ಸಿಯನ್ನಾಗಿ ಮಾಡುವ ಆದೇಶವನ್ನು ಕಣ್ಣೂರು ಜಿಲ್ಲಾಧಿಕಾರಿ ರದ್ದುಗೊಳಿಸಿದ್ದರು. ಎಡ ಸಂಘಟನೆಗಳ ಒತ್ತಡದಿಂದಾಗಿ ಈ ಕ್ರಮ ನಡೆದಿದೆ ಎನ್ನಲಾಗಿದೆ. ಕೊರೋನಾ ತಡೆಗಟ್ಟುವ ಚಟುವಟಿಕೆಗಳಲ್ಲಿ ಸೇವಾಭಾರತಿ ತೋರಿದ ಶ್ರೇಷ್ಠತೆ ಸಾಧನೆಯ ನಂತರ ಮೇ 22 ರಂದು ಸ್ವತಃ ಕಣ್ಣೂರಿನ ಜಿಲ್ಲಾಧಿಕಾರಿಗಳು ಸೇವಾಭಾರತಿಯನ್ನು ಪರಿಹಾರ ಸಂಸ್ಥೆ ಎಂದು ಘೋಷಿಸಿದ್ದರು.
             ಕೇಂದ್ರ ಆಯುμï ಸಚಿವಾಲಯವು ಕೊರೋನಾ ಚಿಕಿತ್ಸೆಗಾಗಿ ಸಿದ್ಧಪಡಿಸಿದ ಆಯುμï 64 ಔಷಧಿ ವಿತರಣೆಯಿಂದ ಇತರ ಸಂಸ್ಥೆಗಳು ದೂರ ಉಳಿದಾಗ, ಸೇವಾ ಭಾರತಿ ಮುನ್ನೆಲೆಗೆ ಬಂದಿತು. ಈ ಹಿನ್ನೆಲೆಯಲ್ಲಿ ಸೇವಾ ಭಾರತಿಯನ್ನು ಪರಿಹಾರ ಸಂಸ್ಥೆ ಎಂದು ಘೋಷಿಸಲಾಯಿತು. ಆದರೆ ಇದರ ರಾಜಕೀಯ ಲಾಭ ಪಡೆದ ಎಡಪಂಥೀಯ ಸಂಘಟನೆಗಳ ಮಧ್ಯಪ್ರವೇಶದಿಂದ ಜಿಲ್ಲಾಧಿಕಾರಿ ಆದೇಶ ರದ್ದುಪಡಿಸಲು ಮುಂದಾಗಿರುವುದು ಕೂಡ ಸ್ಪಷ್ಟವಾಗಿದೆ.

           ಎಡ ಸಂಘಟನೆಗಳು ಸೇವಾ ಭಾರತಿ ರಾಜಕೀಯ ಸಂಘಟನೆ ಎಂದು ಆರೋಪಿಸಿದೆ.  ಈ ಹಿನ್ನೆಲೆಯಲ್ಲಿ ಜಿಲ್ಲಾಧಿಕಾರಿಗಳ ಪ್ರತಿಕೂಲ ತೀರ್ಪಿನ ವಿರುದ್ಧ ಸೇವಾಭಾರತಿ ಹೈಕೋರ್ಟ್ ಮೆಟ್ಟಿಲೇರಿತ್ತು. ಆಗ ಸೇವಾ ಭಾರತಿ ವಿರುದ್ಧದ ಜಿಲ್ಲಾಧಿಕಾರಿ ಆದೇಶವನ್ನು ಹೈಕೋರ್ಟ್ ರದ್ದುಗೊಳಿಸಿತ್ತು. ಸೇವಾ ಭಾರತಿಯನ್ನು ಪರಿಹಾರ ಸಂಸ್ಥೆಯಾಗಿ ಘೋಷಿಸಿದ ನಂತರ ಎದ್ದಿರುವ ಆರೋಪಗಳು ಅನುಮಾನಗಳನ್ನು ಹುಟ್ಟುಹಾಕಿದೆ ಎಂದು ನ್ಯಾಯಾಲಯ ಗಮನಿಸಿದೆ.
             ದೂರುಗಳಲ್ಲಿ ನಿಖರತೆಯನ್ನು ಖಚಿತಪಡಿಸಿಕೊಳ್ಳಲು ಅಧಿಕಾರಿಗಳು ವಿಫಲರಾಗಿದ್ದಾರೆ. ಯಾವುದೇ ಪ್ರಾಥಮಿಕ ತನಿಖೆ ನಡೆಸಿಲ್ಲ. ಹಿಂತೆಗೆದುಕೊಳ್ಳುವ ಆದೇಶ ಹೊರಡಿಸಿದ ಬಳಿಕ ಸೇವಾ ಭಾರತಿ ವಿಚಾರಣೆ ನಡೆಸಿಲ್ಲ ಎಂದು ನ್ಯಾಯಮೂರ್ತಿ ಎನ್.ನಗರೇಶ್ ಅವರು ಆದೇಶದಲ್ಲಿ ತಿಳಿಸಿದ್ದಾರೆ. ಈ ಕ್ರಮವನ್ನು ವಿಭಾಗೀಯ ಪೀಠ ಎತ್ತಿ ಹಿಡಿದಿದೆ.