ಸಚಿವೆ ವೀಣಾ ಜಾರ್ಜ್ ರಿಂದ ಭಾರೀ ವೈಫಲ್ಯ; ಮಾಧ್ಯಮದ ಗಮನ ಸೆಳೆಯಲು ಆಗಾಗ್ಗೆ ದಾಳಿಗಳು; ಅವರು ಆರೋಗ್ಯ ಸಚಿವರಾಗಿ ಮುಂದುವರಿದರೆ ಕೇರಳದ ಆರೋಗ್ಯ ಕ್ಷೇತ್ರ ಕುಸಿಯಲಿದೆ: ಐಎಂಎ

                 ತಿರುವನಂತಪುರ: ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಅವರನ್ನು ಐಎಂಎ ತೀವ್ರವಾಗಿ ಟೀಕಿಸಿದೆ. ಆರೋಗ್ಯ ಸಚಿವರು ಆಸ್ಪತ್ರೆಗಳ ಮೇಲೆ ದಾಳಿ ನಡೆಸುವ ಮೂಲಕ ವೈದ್ಯರ ವಿರುದ್ಧ ಅನಗತ್ಯ ಕ್ರಮ ಕೈಗೊಳ್ಳುತ್ತಿದ್ದಾರೆ ಎಂದು ಐಎಂಎ ತಿಳಿಸಿದೆ.
                    ಅವರ ಈ ದಾಳಿ  ಮಾಧ್ಯಮಗಳ ಗಮನ ಸೆಳೆಯುವ ಪ್ರಯತ್ನವμÉ್ಟೀ. ಐಎಂಎ ತಿರುವಳ್ಳ ಪ್ರಾದೇಶಿಕ ಅಧ್ಯಕ್ಷ ಡಾ.ರಾಧಾಕೃಷ್ಣನ್ ಮಾತನಾಡಿ, ಸರಕಾರದಲ್ಲಿ ಆರೋಗ್ಯ ಇಲಾಖೆ ಅತ್ಯಂತ ವಿಫಲ ಇಲಾಖೆಯಾಗಿದೆ ಎಂದು ಟೀಕಿಸಿದರು.
                   ತಿರುವಲ್ಲ ತಾಲೂಕು ಆಸ್ಪತ್ರೆಯಲ್ಲಿ ಆರೋಗ್ಯ ಸಚಿವರು ಮಾಧ್ಯಮ ಹಾಗೂ ರಾಜಕೀಯ ಸ್ನೇಹಿತರನ್ನು ಕೂಡಿ ಹಾಕಿ ಸಾರ್ವಜನಿಕವಾಗಿ ಅರ್ಧ ಗಂಟೆಗೂ ಹೆಚ್ಚು ಕಾಲ ವೈದ್ಯಕೀಯ ಅಧೀಕ್ಷಕರನ್ನು ವಿಚಾರಣೆಗೆ ಒಳಪಡಿಸಿರುವುದು ಹಾಸ್ಯಾಸ್ಪದ ಹಾಗೂ ಆಕ್ಷೇಪಾರ್ಹ. ಸಚಿವರು ಸುಳ್ಳು ವಿಷಯಗಳನ್ನು ಸಾರ್ವಜನಿಕವಾಗಿ ಮಂಡಿಸಿ ರಾಜಕೀಯ ಲಾಭ ಮಾಡಿಕೊಳ್ಳಲು ಯತ್ನಿಸುತ್ತಿದ್ದಾರೆ.
                     ಕೇರಳದಾದ್ಯಂತ ಇಂದು ಸರ್ಕಾರಿ ಆಸ್ಪತ್ರೆಗಳಲ್ಲಿ ಔಷಧಿಗಳ ತೀವ್ರ ಕೊರತೆ ಇದೆ. ಕಾರುಣ್ಯ ಫಾರ್ಮಸಿಗಳಿಂದ ಔಷಧಗಳು ಸಿಗುತ್ತಿಲ್ಲ. ಇದನ್ನು ಸ್ಪಷ್ಟವಾಗಿ ಅರಿತಿರುವ ಸಚಿವರು ಸಾರ್ವಜನಿಕರ ಮೆಚ್ಚುಗೆಗೆ ಪಾತ್ರರಾಗಲು ವಿನಾಕಾರಣ ಆಸ್ಪತ್ರೆ ಅಧೀಕ್ಷಕರನ್ನು ಮಾಧ್ಯಮದ ವಿಚಾರಣೆಗೆ ಒಳಪಡಿಸಿ ವೈಫಲ್ಯಗಳನ್ನು ಮುಚ್ಚಿಹಾಕಲು ಯತ್ನಿಸುತ್ತಿರಬಹುದು. ಇದರಿಂದ ಅನ್ಯಾಯವಾಗಿದೆ ಎಂದು ತಿಳಿಸಿದರು
                                        ಸುದ್ದಿಪತ್ರದ ಪೂರ್ಣ ಆವೃತ್ತಿ:
                  ತಿರುವಲ್ಲ ತಾಲೂಕು ಆಸ್ಪತ್ರೆಯಲ್ಲಿ ಆರೋಗ್ಯ ಸಚಿವರು ಮಾಧ್ಯಮ ಹಾಗೂ ರಾಜಕೀಯ ಸ್ನೇಹಿತರ ಜತೆ ಸೇರಿ ಅರ್ಧ ಗಂಟೆಗೂ ಹೆಚ್ಚು ಕಾಲ ವೈದ್ಯಕೀಯ ಅಧೀಕ್ಷಕರ ಮಾಧ್ಯಮ ವಿಚಾರಣೆ ನಡೆಸಿದ ಕ್ರಮ ಹಾಸ್ಯಾಸ್ಪದ ಹಾಗೂ ಆಕ್ಷೇಪಾರ್ಹ. ಸುಳ್ಳು ವಿಷಯಗಳನ್ನು ಸಾರ್ವಜನಿಕವಾಗಿ ಮಂಡಿಸಿ ರಾಜಕೀಯ ಲಾಭ ಮಾಡಿಕೊಳ್ಳುವ ಪ್ರವೃತ್ತಿ ಒಪ್ಪಲಾಗದು.

              10 ವೈದ್ಯರು ಕರ್ತವ್ಯ ನಿರ್ವಹಿಸುತ್ತಿದ್ದ ಆಸ್ಪತ್ರೆಯಲ್ಲಿ ಇಬ್ಬರು ವೈದ್ಯರು ಮಾತ್ರ್ರ ಒಪಿಯಲ್ಲಿದ್ದಾರೆ ಎಂದು ಪ್ರಚಾರ ಮಾಡಿರುವುದು ವೈದ್ಯರು ಹಾಗೂ ಆರೋಗ್ಯ ಇಲಾಖೆ ಮಾನಹಾನಿ ಮಾಡುವ ಯತ್ನದ ಭಾಗವಾಗಿದೆ. ಒಪಿಯಲ್ಲಿ ಆರು ವೈದ್ಯರು, ವೈದ್ಯಕೀಯ ಮಂಡಳಿಯಲ್ಲಿ ಒಬ್ಬರು ವೈದ್ಯರು, ನ್ಯಾಯಾಲಯದ ಕರ್ತವ್ಯದಲ್ಲಿ ಇಬ್ಬರು ವೈದ್ಯರು ಮತ್ತು ರೌಂಡ್ಸ್ ನಲ್ಲಿ ಒಬ್ಬರು ವೈದ್ಯರು ಇದ್ದರು.
                    ಸತ್ಯಾಂಶಗಳು ಹೀಗಿರುವಾಗ ಉದ್ದೇಶಪೂರ್ವಕವಾಗಿ ವೈದ್ಯರನ್ನು ಗುರಿಯಾಗಿಸಿಕೊಂಡು ಬರುತ್ತಿರುವುದಕ್ಕೆ ಆರೋಗ್ಯ ಸಚಿವರ ನಿರ್ಲಕ್ಷ್ಯವೇ ಕಾರಣವಿರಬಹುದು. ಆಸ್ಪತ್ರೆಯಲ್ಲಿ ಕರ್ತವ್ಯ ನಿರ್ವಹಿಸುವಾಗ ವೈದ್ಯರಿಗೆ ಬಹು ಜವಾಬ್ದಾರಿ ಇದೆ ಎಂಬ ಮೂಲ ಸತ್ಯವನ್ನು ಸಚಿವರು ಮರೆಮಾಚುತ್ತಿದ್ದಾರೆ. ತಾಲೂಕು ಆಸ್ಪತ್ರೆಯಲ್ಲಿ ಅರ್ಧ ಗಂಟೆಗೂ ಹೆಚ್ಚು ಕಾಲ ಸಹ ರಾಜಕಾರಣಿಗಳೊಂದಿಗೆ ಕಳೆದ ಸಚಿವರಿಗೆ ಯಾವುದೇ ಗಂಭೀರ ದೂರುಗಳಾಗಲಿ, ಯಾವುದೇ ಸ್ಥಳದಿಂದ ಚಿಕಿತ್ಸೆಗಾಗಿ ಕಾದು ಕುಳಿತರೂ ಕಾಣಲಿಲ್ಲ. ಸ್ವೀಕರಿಸಿದ ದೂರುಗಳನ್ನು ಪರಿಹರಿಸಲು ವೈದ್ಯರಿಗೆ ಕಾರ್ಯಸಾಧ್ಯವಿÀಲ್ಲ.
                    ಔಷಧ ಕೊರತೆ ಒಂದೇ ಆಸ್ಪತ್ರೆಗೆ ಸೀಮಿತವಾದ ಸಮಸ್ಯೆಯಲ್ಲ. ಕೇರಳದಾದ್ಯಂತ ಇಂದು ಸರ್ಕಾರಿ ಆಸ್ಪತ್ರೆಗಳಲ್ಲಿ ಔಷಧಿಗಳ ತೀವ್ರ ಕೊರತೆ ಇದೆ. ಕೆಎಂಎಸ್‍ಸಿಎಲ್‍ನಿಂದ ಔಷಧ ನೀಡಲು ವಿಳಂಬವಾಗಿರುವುದೇ ಇದಕ್ಕೆ ಕಾರಣ. ವೈದ್ಯಾಧಿಕಾರಿ ಅಥವಾ ಅಧೀಕ್ಷಕರು ಕ್ಷಣಮಾತ್ರದಲ್ಲಿ ಔಷಧ ಖರೀದಿಸುವ ಯಾವುದೇ ವಿಧಾನಗಳಿಲ್ಲ. ಕಾರುಣ್ಯ ಫಾರ್ಮಸಿಗಳಿಂದ ಔಷಧಗಳು ಸಿಗುತ್ತಿಲ್ಲ. ಈ ವಿಷಯಗಳನ್ನು ಚೆನ್ನಾಗಿ ಅರಿತಿರುವ ಸಚಿವರೊಬ್ಬರು ವಿನಾಕಾರಣ ಆಸ್ಪತ್ರೆ ಅಧೀಕ್ಷಕರನ್ನು ಮಾಧ್ಯಮದ ವಿಚಾರಣೆಗೆ ಒಳಪಡಿಸಿ, ಸಾರ್ವಜನಿಕರ ಮೆಚ್ಚುಗೆ ಗಳಿಸುವ ಸಲುವಾಗಿ ಯಾಮಾರಿಸಿ ಕ್ಷೇತ್ರದ ಇತಿಮಿತಿಗಳನ್ನು ಮುಚ್ಚಿಹಾಕಲು ಯತ್ನಿಸುತ್ತಿರಬಹುದು. ಇದು ಅನ್ಯಾಯ ಮತ್ತು ಆಕ್ಷೇಪಾರ್ಹ.
                 ಆಸ್ಪತ್ರೆಯ ಅಧೀಕ್ಷಕರನ್ನು ದಾರಿಯಲ್ಲಿ ನಿಲ್ಲಿಸಿ ಮಾಧ್ಯಮ ಮತ್ತು ಸಾರ್ವಜನಿಕ ವಿಚಾರಣೆಗೆ ಬಿಡುವುದು ಸಾಮಾನ್ಯ ಸಭ್ಯತೆಗೆ ತಕ್ಕುದಲ್ಲ ಮತ್ತು ಇಡೀ ವೈದ್ಯ ಸಮುದಾಯವನ್ನು ಅವಮಾನಿಸಿದಂತೆ. ವೈದ್ಯರು ಮತ್ತು ಆಸ್ಪತ್ರೆಗಳ ಮೇಲಿನ ದಾಳಿಯ ಬಗ್ಗೆ ಆಗಾಗ್ಗೆ ಕಣ್ಣು ಮುಚ್ಚುವ ಆಡಳಿತವು ಬೆಂಕಿಗೆ ತುಪ್ಪ ಸುರಿಯುವಂತಹ ಪ್ರಚೋದನೆಗಳನ್ನು ಸೃಷ್ಟಿಸುತ್ತದೆ.

                   ಸರಕಾರಿ ಆಸ್ಪತ್ರೆಗಳಲ್ಲಿ ವೈದ್ಯರು ಹಾಗೂ ಇತರೆ ಆಸ್ಪತ್ರೆ ಸಿಬ್ಬಂದಿಗಳ ತೀವ್ರ ಕೊರತೆ ನೀಗಿಸಲು ಸರಕಾರದಿಂದ ಯಾವುದೇ ಕ್ರಮವಿಲ್ಲ. ಪಿಎಸ್‍ಸಿ ನಿರೀಕ್ಷಣಾ ಪಟ್ಟಿಯಲ್ಲಿ ಸುಮಾರು 3000 ವೈದ್ಯರು ನಿರುದ್ಯೋಗಿಗಳಾಗಿ ಉಳಿದಿದ್ದರೂ ಹೊಸ ಹುದ್ದೆಗಳು ಸೃಷ್ಟಿಯಾಗದಿರುವುದು ಈ ವಲಯದ ಸಮಸ್ಯೆಯನ್ನು ಸಂಕೀರ್ಣಗೊಳಿಸಿದೆ.
                ತಿರುವಲ್ಲ ತಾಲೂಕು ಆಸ್ಪತ್ರೆಯಲ್ಲಿ ನಾಲ್ಕು ವಿಶೇಷ ವಿಭಾಗಗಳಿದ್ದು ಒಬ್ಬರೇ ವೈದ್ಯರಿದ್ದಾರೆ. ಈಗಿರುವ ಹುದ್ದೆಗಳಿಂದಲೇ ಆರೋಗ್ಯ ಕಾರ್ಯಕರ್ತರಿಗೆ ಹೊರೆಯಾಗುತ್ತಿರುವುದು ಆಕ್ಷೇಪಾರ್ಹ. ಯಾವುದಕ್ಕೂ ವೈದ್ಯರನ್ನು ದೂರಿ ಸಮಸ್ಯೆಗಳಿಂದ ಪಲಾಯನಗೈದೆ , ಆರೋಗ್ಯ ಕ್ಷೇತ್ರದ ನಾನಾ ಸಮಸ್ಯೆಗಳಿಗೆ ನ್ಯಾಯಯುತ ಪರಿಹಾರ ಕಂಡುಕೊಳ್ಳಬೇಕೆಂದು ಭಾರತೀಯ ವೈದ್ಯಕೀಯ ಸಂಘ ಎಂದು ಆಗ್ರಹಿಸುತ್ತದೆ.