ದೂರುದಾರರ ಉಡುಪು ಲೈಂಗಿಕ ಹಿಂಸೆಗೆ ಪ್ರಚೋದನೆಯಾಗಿದೆ ಎಂದ ನ್ಯಾಯಾಲಯ ಆದೇಶ ಅತ್ಯಂತ ದುರದೃಷ್ಟಕರ ಎಂದ ರಾಷ್ಟ್ರೀಯ ಮಹಿಳಾ ಆಯೋಗ

                   ನವದೆಹಲಿ: ಕೋಝಿಕ್ಕೋಡ್ ಸೆಷನ್ಸ್ ನ್ಯಾಯಾಲಯದ ವಿಚಿತ್ರ ಆದೇಶವನ್ನು ರಾಷ್ಟ್ರೀಯ ಮಹಿಳಾ ಆಯೋಗವೂ ಖಂಡಿಸಿದೆ.
                   ನ್ಯಾಯಾಲಯದ ವೀಕ್ಷಣೆ ಮತ್ತು ಸಂಶೋಧನೆಗಳು ಅತ್ಯಂತ ದುರದೃಷ್ಟಕರ ಎಂದು ಮಹಿಳಾ ಆಯೋಗ ಹೇಳಿದೆ. ಈ ಆದೇಶದ ದೂರಗಾಮಿ ಪರಿಣಾಮವನ್ನು ನ್ಯಾಯಾಲಯ ನಿರ್ಲಕ್ಷಿಸಿದೆ ಎಂದು ಆಯೋಗದ ಅಧ್ಯಕ್ಷೆ ರೇಖಾ ಶರ್ಮಾ ಪ್ರತಿಕ್ರಿಯಿಸಿದ್ದಾರೆ. ಬರಹಗಾರ ಸಿವಿಕ್ ಚಂದ್ರನ್ ವಿರುದ್ಧ ಲೈಂಗಿಕ ಕಿರುಕುಳ ಯತ್ನ ಪ್ರಕರಣದಲ್ಲಿ ಜಾಮೀನು ಅರ್ಜಿಯನ್ನು ಪರಿಗಣಿಸುವಾಗ ಮಾಡಿದ ವಿವಾದಾತ್ಮಕ ಹೇಳಿಕೆಗಳಿಗೆ ಆಯೋಗÀ ಪ್ರತಿಕ್ರಿಯೆ ನೀಡಿದೆ.
           ದೂರುದಾರರು ಧರಿಸಿರುವ ಬಟ್ಟೆಗಳು ಲೈಂಗಿಕತೆಯನ್ನು ಸೂಚಿಸುತ್ತವೆ ಮತ್ತು ಆದ್ದರಿಂದ ಸಿವಿಕ್ ಚಂದ್ರ ವಿರುದ್ಧ ಲೈಂಗಿಕ ದೌರ್ಜನ್ಯಕ್ಕೆ ಯತ್ನಿಸಿದ ಆರೋಪ (354ಎ) ಬಾಧಕವಲ್ಲ  ಎಂದು ನ್ಯಾಯಾಲಯ ಗಮನಿಸಿದೆ. ಸಿವಿಕ್ ಚಂದ್ರನ್ ಅವರ ನಿರೀಕ್ಷಣಾ ಜಾಮೀನು ಅರ್ಜಿಯನ್ನು ಸ್ವೀಕರಿಸುವ ಆದೇಶದಲ್ಲಿ ನ್ಯಾಯಾಲಯದ ವಿವಾದಾತ್ಮಕ ಹೇಳಿಕೆ ನೀಡಿತ್ತು.  ಪ್ರತಿವಾದಿಯು ನ್ಯಾಯಾಲಯಕ್ಕೆ ಸಲ್ಲಿಸಿರುವ ದಾಖಲೆಗಳಲ್ಲಿ ಪ್ರಕರಣದ ಸಂಬಂಧಿತ ಸಮಯದಲ್ಲಿ ದೂರುದಾರರ ಭಾವಚಿತ್ರವಿದ್ದು, ಈ ಛಾಯಾಚಿತ್ರದಲ್ಲಿ ಯುವತಿ ಧರಿಸಿರುವ ಬಟ್ಟೆ ಪ್ರಚೋದನಕಾರಿಯಾಗಿದೆ ಎಂದು ನ್ಯಾಯಾಲಯವು ಕಂಡುಹಿಡಿದಿದೆ. ದೂರುದಾರರು ತಮ್ಮ ದೇಹದ ಭಾಗಗಳನ್ನು ಬಹಿರಂಗಪಡಿಸುವ ಬಟ್ಟೆಗಳನ್ನು ಧರಿಸಿರುವುದರಿಂದ ಪ್ರಾಥಮಿಕವಾಗಿ ಲೈಂಗಿಕ ಕಿರುಕುಳಕ್ಕೆ ಯತ್ನಿಸಿದ ಅಪರಾಧ ಅಸ್ತಿತ್ವದಲ್ಲಿಲ್ಲ ಎಂದು ನ್ಯಾಯಾಲಯ ಹೇಳಿದೆ.
          ಕೋಝಿಕ್ಕೋಡ್ ಸೆಷನ್ಸ್ ನ್ಯಾಯಾಲಯದ ನ್ಯಾಯಾಧೀಶ ಎಸ್.ಕೃಷ್ಣಕುಮಾರ್  ಈ ಆದೇಶ ನೀಡಿದ್ದರು. ತೀರ್ಪಿನ ಪ್ರತಿ ಬಿಡುಗಡೆಯಾದ ಬಳಿಕ ಈ ಹೇಳಿಕೆ ಭಾರೀ ವಿವಾದ ಸೃಷ್ಟಿಸಿತ್ತು. ಏತನ್ಮಧ್ಯೆ, ಸಿವಿಕ್ ಚಂದ್ರು ವಿರುದ್ಧದ ಪ್ರಕರಣದಲ್ಲಿ ನ್ಯಾಯಾಲಯ ನೀಡಿದ ಮೊದಲ ತೀರ್ಪು ಕೂಡ ವಿವಾದಾತ್ಮಕವಾಗಿತ್ತು. ತಾನು ಪರಿಶಿಷ್ಟ ಜಾತಿ ಮಹಿಳೆ ಎಂದು ತಿಳಿದು ಲೈಂಗಿಕ ದೌರ್ಜನ್ಯ ಎಸಗಿಲ್ಲ ಎಂಬ ಪ್ರತಿವಾದಿಯ ವಾದವನ್ನು ಕೋಝಿಕ್ಕೋಡ್ ಸೆಷನ್ಸ್ ನ್ಯಾಯಾಲಯ ಒಪ್ಪಿಕೊಂಡಿದ್ದು, ಪರಿಶಿಷ್ಟ ಜಾತಿ ದೌರ್ಜನ್ಯ ತಡೆ ದೂರು ಪ್ರಕರಣದಲ್ಲಿ ಸಾಧುವಾಗದು  ಎಂದು ಸೂಚಿಸಿದೆ. ದಲಿತ ಮಹಿಳೆ, ಲೇಖಕಿ ಮತ್ತು ಶಿಕ್ಷಕಿ ಸಲ್ಲಿಸಿದ ದೂರಿನ ಆಧಾರದ ಮೇಲೆ ನ್ಯಾಯಾಲಯದ ಆದೇಶ ಬಂದಿದೆ. ಈ ಪ್ರಕರಣದಲ್ಲಿ ಸಿವಿಕ್ ಚಂದ್ರನ್‍ಗೆ ನ್ಯಾಯಾಲಯ ನಿರೀಕ್ಷಣಾ ಜಾಮೀನು ಮಂಜೂರು ಮಾಡಿದ್ತೆ.