ಬೆಂಬಲಿಗರಿಂದ ಅನುಚಿತ ವರ್ತನೆ: ಗ್ರಾಮಸ್ಥರ ಕ್ಷಮೆಯಾಚಿಸಿದ ಬಿಜೆಪಿ ಮುಖಂಡ

 

      ಮುಂಬೈ: ರತ್ನಗಿರಿಯಲ್ಲಿ ಉದ್ದೇಶಿತ ತೈಲ ಸಂಸ್ಕರಣಾಗಾರ ಯೋಜನೆ ವಿರೋಧಿಸಿ ಪ್ರತಿಭಟನೆ ನಡೆಸುತ್ತಿರುವವರ ಜೊತೆ ತಮ್ಮ ಬೆಂಬಲಿಗರು ಅನುಚಿತವಾಗಿ ವರ್ತಿಸಿರುವುದಕ್ಕೆ ಮಹಾರಾಷ್ಟ್ರದ ಬಿಜೆಪಿ ಮುಖಂಡ ನಿಲೇಶ್‌ ರಾಣೆ ಅವರು ಕ್ಷಮೆಯಾಚಿಸಿದ್ದಾರೆ.

             ತೈಲ ಸಂಸ್ಕರಣಾಗಾರದ ಸಮೀಕ್ಷೆ ಬೆಂಬಲಿಸಿ ನಿಲೇಶ್‌ ಅವರು ರಾಯ್‌ಪುರದ ಬರ್ಸು ಗ್ರಾಮಕ್ಕೆ ಈಚೆಗೆ ಭೇಟಿ ನೀಡಿದ್ದರು. ಇದಕ್ಕೂ ಮುನ್ನ ಸಮೀಕ್ಷೆಗೆ ತಲುಪಿದ್ದ ಅಧಿಕಾರಿಗಳ ವಿರುದ್ಧ ಗ್ರಾಮಸ್ಥರು ಪ್ರತಿಭಟನೆ ನಡೆಸಿದ್ದರು. ಈ ವೇಳೆ ನಿಲೇಶ್‌ ಬೆಂಬಲಿಗರು ಪ್ರತಿಭನಟಕಾರರನ್ನು ನಿಂದಿಸಿ ಅನುಚಿತವಾಗಿ ವರ್ತಿಸಿದ್ದರು.