ಥಿಯೇಟರ್‍ಗಳಿಗೆ ಹೋಗುವ ದಾರಿಯಲ್ಲಿ ಗುಂಡಿ ಇದೆ, ಆದರೆ ಚಿತ್ರ ನೋಡಲು ಬನ್ನಿ: ರಸ್ತೆ ಹೊಂಡಗಳನ್ನು ಉಲ್ಲೇಖಿಸಿದ ಕುಂಜಾಕೋ ಬೋಬನ್ ಅಭಿನಯದ ಚಿತ್ರದ ವಿರುದ್ದ ಕಾಮ್ರೇಡ್ ಗಳಿಂದ ಸೈಬರ್ ದಾಳಿ

          ತಿರುವನಂತಪುರ: ನಟ ಕುಂಜಕೋ ಬೋಬನ್ ಅಭಿನಯದ ಹೊಸ ಸಿನಿಮಾ ‘ನಾನ್ನ್ ತನ್ ಕೇಸ್ ಕೋಡ್’ ಜಾಹೀರಾತಿನ ವಿರುದ್ಧ ಎಡರಂಗದ ಕಾರ್ಯಕರ್ತರಿಂದ ಸೈಬರ್ ದಾಳಿ ನಡೆದಿದೆ.
          ಚಿತ್ರದ ಜಾಹೀರಾತಿನಲ್ಲಿ ರಸ್ತೆಗಳ ಗುಂಡಿಗಳ ಬಗ್ಗೆ ಉಲ್ಲೇಖಿಸಿರುವುದು ಸೈಬರ್ ಕಾಮ್ರೇಡ್‍ಗಳನ್ನು ಕೆರಳಿಸಿದೆ. ನಟ ಕುಂಜಾಕೊ ಬೋಬನ್ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಸೈಬರ್ ದಾಳಿಗೆ ಒಳಗಾಗಿದ್ದಾರೆ.
        ಚಿತ್ರ ಇಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ.  ಇದಕ್ಕೂ ಮುನ್ನ ಬಿಡುಗಡೆಯಾದ ಜಾಹೀರಾತಿನಲ್ಲಿ ರಸ್ತೆಗಳಲ್ಲಿನ ಗುಂಡಿಗಳ ಬಗ್ಗೆ ಉಲ್ಲೇಖಿಸಲಾಗಿದೆ. 'ಥಿಯೇಟರ್‍ಗಳಿಗೆ ಹೋಗುವ ದಾರಿಯಲ್ಲಿ ಗುಂಡಿ ಇದೆ, ಆದರೆ ಬನ್ನಿ' ಎಂದು ಜಾಹೀರಾತು ನೀಡಲಾಗಿದೆ. ಇದು ಕಾಮ್ರೇಡ್ ಗಳನ್ನು ಕೆರಳಿಸಿತು.
          ಜಾಹೀರಾತನ್ನು ಗಮನಿಸಿದಾಗ ಎಡಪಕ್ಷಗಳ ನಾಯಕರು ಇದರ ವಿರುದ್ಧ ವ್ಯಾಪಕ ಟೀಕೆಗೆ ಮುಂದಾದರು. ಇದರೊಂದಿಗೆ ಚಿತ್ರ ಹಾಗೂ ಕುಂಜಾಕೋ ಬೋಬನ್ ವಿರುದ್ಧ ಸೈಬರ್ ದಾಳಿ ಆರಂಭವಾಯಿತು.  ಎಡಪಕ್ಷಗಳ ನಾಯಕರು ಕೂಡ ಚಿತ್ರ ಬಹಿμÁ್ಕರಕ್ಕೆ ಕರೆ ನೀಡಿದ್ದಾರೆ. ಕುಂಜಾಕೊ ಬೋಬನ್ ಅವರ ಫೇಸ್‍ಬುಕ್ ಪುಟವೂ ವಿಮರ್ಶಾತ್ಮಕ ಕಾಮೆಂಟ್‍ಗಳಿಂದ ತುಂಬಿದೆ.
         ರಸ್ತೆಯ ಹೊಂಡಗಳ ಉಲ್ಲೇಖಗಳೂ ಚಿತ್ರದಲ್ಲಿವೆ. ಚಿತ್ರದ ಟ್ರೇಲರ್ ಬಿಡುಗಡೆಯಾದಾಗ, ರಸ್ತೆಯಲ್ಲಿನ ಗುಂಡಿಗಳ ಬಗ್ಗೆ ನ್ಯಾಯಾಲಯದ ದೃಶ್ಯ ಎಡಪಂಥೀಯರಲ್ಲಿ ಗುಸುಗುಸು ಉಂಟುಮಾಡಿತು. ಇದರ ಬೆನ್ನಲ್ಲೇ ಜಾಹೀರಾತಿನಲ್ಲಿ ಗುಂಡಿಗಳ ಉಲ್ಲೇಖವೂ ಸೇರಿದ್ದು ಎಡರಂಗಕ್ಕೆ ಕಿರಿಕಿರಿ ಉಂಟುಮಾಡಿದಂತಿದೆ.