ಓವರ್ ಪೇರೆಂಟಿಂಗ್ ಎಂದರೇನು? ನಿಮ್ಮಲ್ಲಿ ಈ ರೀತಿಯ ಲಕ್ಷಣಗಳಿದ್ದರೆ ಕೂಡಲೇ ಸ್ಟಾಪ್ ಮಾಡಿ!

 ಹೆತ್ತವರಿಗೆ ಮಕ್ಕಳು ಏನು ಮಾಡಿದ್ರು ಸರಿ ಅನಿಸುತ್ತೆ. ಮಕ್ಕಳು ಸಣ್ಣದಿರುವಾಗಲೇ ಅವರ ಬಗ್ಗೆ ಕನಸು ಕಾಣಲು ಪೋಷಕರು ಆರಂಭಿಸುತ್ತಾರೆ. ಅನೇಕ ವಿಚಾರಗಳಲ್ಲಿ ಪೋಷಕರು ಮೂಗು ತುರಿಸುವುದುಂಟು. ಈ ರೀತಿ ಮಾಡುವುದು ತಪ್ಪು ಇದು ನಿಮ್ಮ ಮಕ್ಕಳ ಭವಿಷ್ಯವನ್ನೇ ಹಾಳು ಮಾಡುತ್ತದೆ.

ಮಕ್ಕಳು ಯಾವುದೇ ಕೆಲಸವನ್ನು ಮಾಡಲು ಮುಂದಾದಾಗ ನೀವು ಅವರನ್ನು ತಡೆಯುತ್ತೀರಾ? ಎಲ್ಲಾ ಸಮಯದಲ್ಲೂ ಅವರನ್ನು ರಕ್ಷಿಸುತ್ತೀರಾ? ಅವರ ಸ್ವಂತ ನಡವಳಿಕೆ, ಕ್ರಿಯೆಗಳ ಮೇಲೆ ನೀವು ಮೂಗುತೂರಿಸುತ್ತೀರಾ? ಹಾಗಾದರೆ ನೀವು ಓವರ್ ಪೇರೆಂಟಿಂಗ್ ಆಗಿದ್ದೀರಾ ಎಂದು ಅರ್ಥ. ಹೌದು, ಸಣ್ಣ ಪ್ರಾಯದ ಮಕ್ಕಳನ್ನು ಅವರಷ್ಟಕ್ಕೇ ಬಿಡಬೇಕು.

ಸೋಲು-ಗೆಲುವು ಬಗ್ಗೆ ಜೀವನದ ಬಗ್ಗೆ ಅವರೇ ತಿಳಿದುಕೊಳ್ಳಬೇಕು. ಪೋಷಕರು ಅವರ ಮಧ್ಯ ಹೋಗಿ ಅವರ ಜೀವನಕ್ಕೆ ಮುಳ್ಳಾಗಬಾರದು. ಹಾಗಾದರೆ ಓವರ್ ಪೇರೆಂಟಿಂಗ್ ಎಂದರೇನು? ನೀವು ಕೂಡ ಓವರ್ ಪೇರೆಂಟಿಂಗ್ ಆಗಿದ್ದೀರಿ ಎಂದು ತಿಳಿಯುವುದು ಹೇಗೆ? ಇದಕ್ಕೆ ಇಲ್ಲಿದೆ ಕೆಲವೊಂದು ಟಿಪ್ಸ್.

ಓವರ್ ಪೇರೆಂಟಿಂಗ್ ಎಂದರೇನು?

ಓವರ್ ಪೇರೆಂಟಿಂಗ್ ಎಂದರೆ ಮಕ್ಕಳ ಜೀವನ, ಅವರ ಆಯ್ಕೆಗಳು, ನಿರ್ಧಾರಗಳು ಮತ್ತು ಅವರ ನಡವಳಿಕೆ ಮತ್ತು ಕ್ರಿಯೆಗಳ ಮೇಲೆ ಪೋಷಕ ಸೂಕ್ಷ್ಮವಾಗಿ ನಿರ್ವಹಿಸಲು ಪ್ರಯತ್ನಿಸಿವುದಾಗಿದೆ. ಇದು ಯಾಕೆ ಈ ರೀತಿ ಆಗುತ್ತದೆ ಅಂದರೆ ಯಾವುದೇ ಪೋಷಕರು ತಮ್ಮ ಮಕ್ಕಳಿಗೆ ನೋವು ಆಗುವುದು, ಅವರು ಸೋಲುವುದು ಅಥವಾ ಅಥವಾ ಅವರು ತಪ್ಪು ಮಾಡುವುದನ್ನು ನೋಡಲು ಇಷ್ಟಪಡುವುದಿಲ್ಲ. ಹೀಗೆ ಮಕ್ಕಳ ಮೇಲೆ ಭಾರೀ ವಾತ್ಸಲ್ಯ ಹಾಗೂ ವ್ಯಾಮೋಹವೇ ಓವರ್ ಪೇರೆಂಟಿಂಗ್ ಆಗಿದೆ. ಇದು ನಿಮ್ಮ ಆಸೆ, ಕನಸು ನುಚ್ಚು ನೂರು ಮಾಡುವುದಲ್ಲದೇ ಮಕ್ಕಳ ಜೀವನದ ಮೇಲೂ ಗಂಭೀರ ಪರಿಣಾಮ ಬೀರುತ್ತದೆ. ಹಾಗಾದರೆ ಏನೆಲ್ಲ ಸಮಸ್ಯೆ ಮಕ್ಕಳ ಮೇಲೆ ಉಂಟಾಗುತ್ತದೆ? ಇಲ್ಲಿದೆ ಮಾಹಿತಿ.

ಇದರಿಂದಾಗುವ ಸಮಸ್ಯೆ ಏನು?

ಪೋಷಕರಲ್ಲಿರುವ ಹೈಪರ್ವಿಜಿಲೆಂಟ್ ಮತ್ತು ಓವರ್ ಇಂಡ್ಯೂಜಲೆಂಟ್ ನಿಮ್ಮ ಮಗುವಿನ ವ್ಯಕ್ತಿತ್ವ ಬೆಳವಣಿಗೆಯ ಮೇಲೆ ಗಂಭೀರ ಪರಿಣಾಮಗಳನ್ನು ಉಂಟುಮಾಡಬಹುದು. ಹೌದು, ನಿಮ್ಮ ಕೆಲವೊಂದು ನಡೆಗಳು ನಿಮ್ಮ ಮಕ್ಕಳ ಜೀವನ ಹಾಳು ಮಾಡಬಹುದು. ಅಂದರೆ ಮಗು ತನ್ನ ಹೆತ್ತವರ ಮೇಲೆ ಅತಿಯಾಗಿ ಅವಲಂಬಿತವಾಗಬಹುದು, ವಿಶೇಷವಾಗಿ ಮೂಲಭೂತ ವಿಷಯಗಳಿಗಾಗಿ ಅವರು ಸ್ವತಂತ್ರ ಮತ್ತು ಸ್ವಾವಲಂಬಿಗಳಾಗಿದ್ದೇವೆ ಎನ್ನುವುದನ್ನು ಮರೆಯಬಹುದು.

ನಿಮ್ಮ ಮಗು ವೈಫಲ್ಯವನ್ನು ಒಪ್ಪಿಕೊಳ್ಳಲು ತುಂಬಾ ದುರ್ಬಲವಾಗಿರಬಹುದು ಮತ್ತು ಅವರು ಬೇಗ ಅಥವಾ ನಂತರ ಎದುರಿಸಬೇಕಾದ ಕಷ್ಟಗಳನ್ನು ಎದುರಿಸಲು ಸಾಧ್ಯವಾಗದೆ ಇರುವುದು. ಇನ್ನು ಎಲ್ಲ ಕೆಲಸ ಕಾರ್ಯಗಳಲ್ಲಿ ನಿಮ್ಮ ಮಿತಿಮೀರಿದ ರಕ್ಷಣೆಯು ನಿಮ್ಮ ಮಗುವನ್ನು ಹೇಗೆ ರಕ್ಷಿಸಿಕೊಳ್ಳುವುದು ಮತ್ತು ಧೈರ್ಯದಿಂದ ಹೇಗೆ ನಿಲ್ಲುವುದು ಎಂಬುದನ್ನು ಕಲಿಯಲು ವಿಫಲರಾಗುತ್ತಾರೆ. ಅಲ್ಲದೇ ಪೋಷಕರ ನಡವಳಿಕೆಯಿಂದಾಗಿ ಮಕ್ಕಳು ಸಂಭಾವ್ಯ ಕೌಶಲ್ಯಗಳನ್ನು ಗುರುತಿಸುವುದನ್ನು ಮತ್ತು ತಮ್ಮನ್ನು ಅಭಿವೃದ್ಧಿಪಡಿಸುವುದರಲ್ಲಿ ವಿಫಲರಾಗುತ್ತಾರೆ. ಜಾಸ್ತಿ ಏನು ಬೇಡ ನಿಮ್ಮ ಮಕ್ಕಳು ತಮ್ಮ ಕೆಲಸಗಳ ಜವಾಬ್ದಾರಿಯನ್ನು ತೆಗೆದುಕೊಳ್ಳಲು ವಿಫಲರಾಗುತ್ತಾರೆ.

ನಿಮ್ಮ ಮಗು ವಿಫಲವಾಗಲು ನೀವು ಅನುಮತಿಸುವುದಿಲ್ಲ!

ನೀವು ನಿಮ್ಮ ಮಕ್ಕಳನ್ನು ಸೋಲಲು ನೋಡಲು ಇಷ್ಟಪಡದೆ ಇದ್ದರೆ ಅಥವಾ ಅವರು ಸೋಲಲು ನೀವು ಅನುಮತಿ ಕುಡುವುದಿಲ್ಲ ಎಂದಾದರೆ ನೀವು ಓವರ ಪೇರೆಂಟಿಂಗ್ ಆಗಿದ್ದೀರಿ ಎಂದು ಅರ್ಥ. ಹೌದು, ತಮ್ಮ ಮಗು ಸೋಲು ಅಥವಾ ವಿಫಲವಾಗುವುದನ್ನು ನೋಡಲು ಯಾರೂ ಇಷ್ಟಪಡುವುದಿಲ್ಲ. ಮತ್ತು ನಿಮ್ಮ ಮಕ್ಕಳು ಸಮಸ್ಯೆಯ ಸುಳಿಯಲ್ಲಿ ಸಿಲುಕಿದಾಗ ಹೋಗಿ ಅವರನ್ನು ರಕ್ಷಿಸಲು ಮುಂದಾಗುವುದು ಇದು ಸರಿಯಾದ ಮಾರ್ಗವಲ್ಲ. ಯಾಕೆಂದರೆ ನಿಮ್ಮ ಮಕ್ಕಳನ್ನು ಹೀಗೆ ಮಾಡಿದರೆ ಅವರು ತಮ್ಮ ತಪ್ಪುಗಳಿಂದ ಕಲಿಯುವುದಿಲ್ಲ. ಅವರು ತಮ್ಮ ಮನೆಕೆಲಸವನ್ನು ಕಂಡುಹಿಡಿಯಲು ಹೆಣಗಾಡುತ್ತಿರುವಾಗಲೆಲ್ಲಾ ನೀವು ಅವರಿಗೆ ಸರಿಯಾದ ಉತ್ತರವನ್ನು ತ್ವರಿತವಾಗಿ ಹೇಳಿದರೆ ಅಥವಾ ಆಟದ ಸಮಯದಲ್ಲಿ ಸಮಸ್ಯೆಯ ಸುಳಿವಿನಲ್ಲಿ ನೀವು ಮಧ್ಯಪ್ರವೇಶಿಸಿದರೆ, ನಿಮ್ಮ ಮಗುವು ಸಮಸ್ಯೆಯನ್ನು ಪರಿಹರಿಸುವ ಕೌಶಲ್ಯಗಳನ್ನು ಅಭಿವೃದ್ಧಿಪಡಿಸಿಕೊಳ್ಳುವುದಿಲ್ಲ.

ಪವರ್ ಸ್ಟ್ರಗಲ್ಸ್‌ನಲ್ಲಿ ತೊಡಗುತ್ತೀರಿ!

ನೀವು ನಿಮ್ಮ ಮಕ್ಕಳ ಜೊತೆ ಪ್ರತಿ ಸಮಯದಲ್ಲೂ ವಾದ ಮಾಡುತ್ತಿದ್ದರೆ ಇದು ಕೂಡ ಓವರ್ ಪೇರೆಂಟಿಗ್ ಲಕ್ಷಣವಾಗಿದೆ. ನಿಮ್ಮ ಮಗು ತರಕಾರಿ ತಿನ್ನಲು ಇಷ್ಟಪಡದಿದ್ದರೆ ನೀವು ಅವರೊಂದಿಗೆ ವಾದ ಮಾಡುವುದು. ಅವರ ಊಟ, ಬಟ್ಟೆ, ಕೂದಲಿನ ಬಗ್ಗೆ ಯಾವಗಲೂ ಚಿಂತಾಕ್ರಾಂತರಾಗಿ ಅವರ ಜೊತೆ ವಾದ ನಡೆಸುವುದು ಇದು ಪವರ್ ಸ್ಟ್ರಗಲಿಂಗ್ ತೋರಿಸುತ್ತದೆ. ಇದರಿಂದ ಮಕ್ಕಳು ರೋಸಿ ಹೋಗುವುದು ಜಾಸ್ತಿ. ಈ ಅಪ್ಪ-ಅಮ್ಮ ಯಾವಾಗಲೂ ಎಲ್ಲದಕ್ಕೂ ವಾದ ಮಾಡುತ್ತಾರೆ ಎಂದು ಶರಣಾಗುವುದುಂಟು. ಇದು ಅವರ ವಾದ ಮಾಡುವ ಕೌಶಲ್ಯ ಮುಗಿಯುವ ಸಾಧ್ಯತೆಯು ಹೆಚ್ಚು.

ನೀವು ವಿಪರೀತವಾಗಿ ಚಿಂತಿಸುತ್ತೀರಿ ಅಥವಾ ನೊಂದುಕೊಳ್ಳುವುದು!

ನಿಮ್ಮ ಮಕ್ಕಳ ಬಗ್ಗೆ ನೀವು ವಿಪರೀತವಾಗಿ ಚಿಂತಿಸುತ್ತೀರಿ ಅಥವಾ ನೋವು ಪಡುತ್ತೀರಿ ಎಂದಾದ್ರೆ ಇದು ಕೂಡ ಒವರ್ ಪೇರೆಂಟಿಂಗ್ ಲಕ್ಷಣವಾಗಿದೆ. ಹೌದು, ನಿಮ್ಮ ಮಕ್ಕಳು ಅವರ ಗೆಳೆಯರ ಜೊತೆ ರಸ್ತೆ ದಾಟಲು ಹೆಣಗಾಡುತ್ತಿದ್ದರೆ ಅದನ್ನು ನೋಡಿ ನೀವು ಮರುಕಪಟ್ಟರೆ ಅದು ಓವರ್ ಪೇರೆಂಟಿಂಗ್ ಲಕ್ಷಣವಾಗಿದೆ. ಅಯ್ಯೋ ನನ್ನ ಮಗುವಿಗೆ ರಸ್ತೆ ದಾಟಲು ಆಗುತಿಲ್ಲವೇ ಎಂದು ನೊಂದುಕೊಳ್ಳುತ್ತೀರಿ. ಇನ್ನು ಕೆಲೆವೆಡೆ ಹೇಗಿರುತ್ತೆ ಅಂದರೆ ಮಕ್ಕಳು ಮೈದಾನದಲ್ಲಿ ಆಟವಾಡಲು ಕಷ್ಟಪಡುತ್ತಿರುವಾಗ ಅದರ ಬಗ್ಗೆ ಪೋಷಕರು ನೊಂದುಕೊಳ್ಳುವುದುಂಟು. ಹೀಗೆ ಮಾಡಿದರೆ ಮಕ್ಕಳಿಗೆ ಮತ್ತೆ ಯಾವುದೇ ಧೈರ್ಯವೇ ಬರುವುದಿಲ್ಲ.

ಇತರರು ನಿಮ್ಮ ಮಗುವನ್ನು ಹೇಗೆ ನಡೆಸಿಕೊಳ್ಳುತ್ತಾರೆ ಎಂದು ನಿಯಂತ್ರಿಸಲು ಪ್ರಯತ್ನಿಸುತ್ತೀರಿ!

ಶಿಕ್ಷಕರು, ತರಬೇತುದಾರರು, ಡೇಕೇರ್ ಸಿಬ್ಬಂದಿಗಳು ಮತ್ತು ಇತರ ಆರೈಕೆದಾರರೊಂದಿಗೆ ಅವರ ನಿಯಮಗಳು ಅಥವಾ ನಿಮ್ಮ ಮಗುವನ್ನು ಹೇಗೆ ನಡೆಸಿಕೊಳ್ಳುತ್ತಾರೆ ಎಂಬುದರ ಕುರಿತು ನೀವು ಆಗಾಗ್ಗೆ ವಾದ ಮಾಡುವುದನ್ನು ನೀವು ಕಂಡುಕೊಂಡರೆ, ನೀವು ಓವರ್ ಪೇರೆಂಟಿಂಗ್ ಎಂದರ್ಥ. ಇಂತಹ ಪೋಷಕರು ತಮ್ಮ ಮಗುವಿಗೆ ಉತ್ತಮ ದರ್ಜೆಯನ್ನು ಪಡೆಯಲು ಒತ್ತಾಯಿಸಲು ಶಿಕ್ಷಕರಿಗೆ ಕರೆ ಮಾಡುವುದು ಇದಕ್ಕೆ ಒಂದು ಉದಾಹರಣೆ. ಅಥವಾ ಅಜ್ಜಿ ತನ್ನ ಮೊಮ್ಮಗ ಅಥವಾ ಮೊಮ್ಮಗಳಿಗೆ ಏನಾದರೂ ತಿಂಡಿ ಕೊಟ್ಟರೆ ಅದಕ್ಕೆ ನೀವು ವಾದ ಮಾಡುವುತ್ತೀರಿ. ಅಂದರೆ ನಿಮ್ಮ ಮಕ್ಕಳ ಮೇಲೆ ಬೇರೆಯವರು ಅಧಿಕಾರ ಚಲಾಯಿಸುವುದನ್ನು ನೀವು ಇಷ್ಟಪಡುವುದಿಲ್ಲ.

ಮಕ್ಕಳ ವಯಸ್ಸಿಗೆ ಸೂಕ್ತವಾದ ನಿರೀಕ್ಷೆಗಳನ್ನು ನೀವು ಹೊಂದದೆ ಇರುವುದು!

ಕೆಲವೊಮ್ಮೆ, ಅತಿಯಾದ ಪಾಲನೆಯು ನಿರೀಕ್ಷೆಗಳನ್ನು ಅತಿಯಾಗಿ ಹೊಂದಿಸುವುದರಿಂದ ಉಂಟಾಗುತ್ತದೆ. ಉದಾಹರಣೆಗೆ, ಪೋಷಕರು ಹತ್ತಾರು ಚಟುವಟಿಕೆಗಳಲ್ಲಿ ಮಗುವನ್ನು ತೊಡಗಿಸಿಕೊಳ್ಳಬಹುದು ಮತ್ತು ಅವರು ಯಾವಾಗಲೂ ಉತ್ಪಾದಕವಾಗಿರುವುದನ್ನು ಖಚಿತಪಡಿಸಿಕೊಳ್ಳಲು ಮಗುವಿನ ಉಚಿತ ಸಮಯವನ್ನು ಸಹ ನೀವು ಕಲಿಕೆಗೆ ಮೀಸಲಿಡಬಹುದು. ಇದು ಮಕ್ಕಳ ಮೇಲೆ ಒತ್ತಡ ಹೇರಿದಂತೆ ಆಗುತ್ತದೆ. ಸಣ್ಣ ಪ್ರಾಯದಲ್ಲಿ ಅವರ ಶಕ್ತಿಗೂ ಮೀರಿ ಕಲಿಯಲು ಹೇಳುವುದು ಅವರಿಂದ ದೊಡ್ಡವರ ರೀತಿಯಲ್ಲಿ ನಿರೀಕ್ಷೆ ಮಾಡುವುದು ಇವೆಲ್ಲ ಓವರ್ ಪೇರೆಂಟಿಂಗ್ ಲಕ್ಷಣ. ಅವರ ಸ್ವತಂತ್ರ್ಯವನ್ನು ಕಿತ್ತುಕೊಂಡು ಅವರ ನಿರೀಕ್ಷೆಗೂ ಮೀರಿ ನಾವು ಯೋಚಿಸಿದರೆ ಅದು ಕೊನೆಗೆ ವಿಫಲವಾದಗ ಇಬ್ಬರಿಗೂ ನೋವು ಉಂಟಾಗುತ್ತದೆ.