ನವದೆಹಲಿ: ಭಾರತೀಯ ರೈಲ್ವೆ ಕೇಟರಿಂಗ್ ಹಾಗೂ ಪ್ರವಾಸೋದ್ಯಮ ನಿಗಮದ (ಐಆರ್‌ಸಿಟಿಸಿ) ಆನ್‌ಲೈನ್‌ ಪ್ಯಾಸೆಂಜರ್‌ ಟಿಕೆಟ್ ಬುಕ್ಕಿಂಗ್ ವ್ಯವಸ್ಥೆಯನ್ನು ಉನ್ನತೀಕರಿಸಲು ರೈಲ್ವೆ ಸಚಿವಾಲಯ ಮುಂದಾಗಿದೆ.
ರೈಲ್ವೆ ಮೇಲಿನ ಸಂಸದೀಯ ಸ್ಥಾಯಿ ಸಮಿತಿಗೆ ರೈಲ್ವೆ ಸಚಿವಾಲಯ ಈ ಮಾಹಿತಿ ನೀಡಿದೆ.
ಬೇಡಿಕೆ ಹೆಚ್ಚುತ್ತಾ ಬಂದಂತೆ ಕಾಲಕಾಲಕ್ಕೆ ನೆಕ್ಷ್ಟ್‌ ಜನರೇಶನ್‌ ಇ-ಟಿಕೆಟಿಂಗ್‌ (ಎನ್‌ಜಿಇಟಿ) ವ್ಯವಸ್ಥೆಯನ್ನು ಉನ್ನತೀಕರಿಸಲಾಗಿದೆ. 2016-17ರಲ್ಲಿ ಈ ವ್ಯವಸ್ಥೆ ಮೂಲಕ ಪ್ರತಿ ನಿಮಿಷಕ್ಕೆ 15,000 ಟಿಕೆಟ್ ಬುಕ್‌ ಮಾಡಲಾಗುತ್ತಿತ್ತು. 2017-18ರಲ್ಲಿ ಇದನ್ನು 18,000ಕ್ಕೆ ಏರಿಕೆ ಮಾಡಲಾಗಿದೆ.
2018-19ರಲ್ಲಿ 20,000 ಟಿಕೆಟ್ ಬುಕ್‌ ಮಾಡುವಂತೆ ಉನ್ನತೀಕರಿಸಲಾಗಿದೆ. ಸದ್ಯ ಐಆರ್‌ಸಿಟಿಸಿ ಮೂಲಕ ನಿಮಿಷಕ್ಕೆ 25,000 ಟಿಕೆಟ್ ಬುಕ್‌ ಮಾಡಬಹುದು. 2020 ಮಾರ್ಚ್‌ 5ರಂದು ದಾಖಲೆಯ 26,458 ಟಿಕೆಟ್‌ಗಳನ್ನು ಬುಕ್‌ ಮಾಡಲಾಗಿತ್ತು ಎಂದು ರೈಲ್ವೆ ತಿಳಿಸಿದೆ.
DOCTYPE html>
.jpg)
