ಇಡುಕ್ಕಿ ಶಲ್ಯಂಪಾರಾದಲ್ಲಿ ಭೂಕುಸಿತ; ಮನೆಗಳು ಧ್ವಂಸ

                  ಇಡುಕ್ಕಿ: ಇಡುಕ್ಕಿಯಲ್ಲಿ ಭೂಕುಸಿತದಿಂದ ಮನೆಗಳು ಧ್ವಂಸಗೊಂಡಿವೆ. ಇಡುಕ್ಕಿ ವೆಲ್ಲತುವಲ್ ಶಲ್ಯಂಪಾರಾದಲ್ಲಿ ಭೂಕುಸಿತ ಉಂಟಾಗಿದೆ.
                      ವಲ್ಲಿಮಠದ ಪಂಕಜಾಕ್ಷಿ ಬೋಸ್ ಅವರ ಮನೆ ಸಂಪೂರ್ಣ ಧ್ವಂಸಗೊಂಡಿದ್ದು, ವಲ್ಲನಾಥ್ ರವೀಂದ್ರನ್ ಅವರ ಮನೆ ಭಾಗಶಃ ನಾಶವಾಗಿದೆ. ಅಪಘಾತದ ವೇಳೆ ಮನೆಯೊಳಗೆ ಯಾರೂ ಇಲ್ಲದ ಕಾರಣ ಭಾರೀ ಅನಾಹುತ ತಪ್ಪಿದೆ. ಮಧ್ಯಾಹ್ನ 1 ಗಂಟೆ ಸುಮಾರಿಗೆ ಈ ಪ್ರದೇಶದಲ್ಲಿ ಭೂಕುಸಿತ ಸಂಭವಿಸಿದೆ.
                   ಈ ಪ್ರದೇಶದಲ್ಲಿ 12 ಮನೆಗಳು ಅಪಾಯದಲ್ಲಿದೆ. ಭೂಕುಸಿತದಿಂದಾಗಿ ಕಲ್ಲರ್ಕುಟ್ಟಿ-ವೆಲ್ಲತುವಲ್ ರಸ್ತೆಯಲ್ಲಿ ವಾಹನ ಸಂಚಾರ ಸ್ಥಗಿತಗೊಂಡಿದೆ. ಆದರೆ ಸ್ಥಳೀಯರು ಮುಂದೆ ಬಂದು ಮಣ್ಣನ್ನು ತೆರವುಗೊಳಿಸಿದ ಬಳಿಕ ಪ್ರಯಾಣ ಪುನರಾರಂಭವಾಯಿತು. ಭಾರೀ ಮಣ್ಣಿನ ಸವಕಳಿಯಿಂದ ರಸ್ತೆಯಲ್ಲಿ ನಿಲ್ಲಿಸಿದ್ದ ಸುಮಾರು ಎಂಟು ಬೈಕ್‍ಗಳು ಜಖಂಗೊಂಡಿವೆ.
              ಈ ನಡುವೆ ಇಡುಕ್ಕಿ ಅಣೆಕಟ್ಟಿನ ಸಂಪೂರ್ಣ ಶೆಟರ್‍ಗಳನ್ನು ತೆರೆಯಲಾಗಿದ್ದು ನೀರಿನ ಮಟ್ಟ ಏರಿಕೆಯಾಗುತ್ತಿದೆ. ಮುಲ್ಲಪೆರಿಯಾರ್ ಅಣೆಕಟ್ಟಿನ ಎಲ್ಲಾ ಶೆಟರ್‍ಗಳನ್ನು ಮೇಲಕ್ಕೆತ್ತಲಾಗಿದೆ. ಇಡುಕ್ಕಿ ಅಣೆಕಟ್ಟಿನಿಂದ ಬಿಡುಗಡೆಯಾದ ನೀರಿನ ಪ್ರಮಾಣ ಹೆಚ್ಚಳದಿಂದ ಪೆರಿಯಾರ್‍ನಲ್ಲಿ ನೀರಿನ ಮಟ್ಟ ಏರಿಕೆಯಾಗಿದೆ. ದಡದ ಹಲವು ಮನೆಗಳಿಗೆ ನೀರು ನುಗ್ಗಿದೆ. ತಡಿಯಂಬಾಡಿನಲ್ಲಿ ನಾಲ್ಕು ಮನೆಗಳಿಗೆ ನೀರು ನುಗ್ಗಿದೆ. ಮನೆಯೊಂದರ ಗೋಡೆ ಕುಸಿದಿದೆ.