ಚಿಗುರುಪಾದೆಯಲ್ಲಿ ರಂಜಿಸಿದ ಶ್ರೀರಾಮ ಪಟ್ಟಾಭಿಷೇಕ ತಾಳಮದ್ದಳೆ

          ಮಂಜೇಶ್ವರ: ಶ್ರೀ ಗುರುನರಸಿಂಹ ಯಕ್ಷಬಳಗ ಮೀಯಪದವು ವತಿಯಿಂದ  ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ಚಿಗುರುಪಾದೆ ದೇಗುಲದ ಸಹಯೋಗದೊಂದಿಗೆ ಕರ್ಕಟಕ ಮಾಸ ರಾಮಾಯಣ ಮಾಸಾಚರಣೆಯ ಪ್ರಯುಕ್ತ ಯಕ್ಷಚಿಗುರು – 2022 ತಾಳಮದ್ದಳೆ ಸಪ್ತಾಹ ವಿವಿಧ ತಂಡಗಳಿಂದ ಶ್ರೀಕ್ಷೇತ್ರದಲ್ಲಿ ಜರಗುತ್ತಿದ್ದು, ಯಕ್ಷಮೌಕ್ತಿಕ ಮಹಿಳಾ ಕೂಟ ಮಂಗಲ್ಪಾಡಿ ತಂಡದವರಿಂದ ಮಂಗಳವಾರ ಶ್ರೀರಾಮ ಪಟ್ಟಾಭಿμÉೀಕ ತಾಳಮದ್ದಳೆ ಪ್ರಸ್ತುತಿಗೊಂಡಿತು.
          ಹಿಮ್ಮೇಳದಲ್ಲಿ ಭಾಗವತರು ಹರೀಶ ಬಳಂತಿಮೊಗರು, ಮದ್ದಳೆ ಪದ್ಮನಾಭ ತಂತ್ರಿ ಕುಡುಪು, ಚೆಂಡೆ ಮಾಸ್ಟರ್ ಸಮರ್ಥ ಉಡುಪ ಭಾಗವಹಿಸಿದ್ದು,  ಅರ್ಥಧಾರಿಗಳಾಗಿ ಸರಸ್ವತಿ ಹೊಳ್ಳ(ದಶರಥ), ಜಯಲಕ್ಷ್ಮಿ ಕಾರಂತ(ಮಂಥರೆ), ಶ್ರೀಲತಾ ನಾವಡ(ಕೈಕೆ), ರಾಜಶ್ರೀ ನಾವಡ(ಶ್ರೀರಾಮ), ಜಯಲಕ್ಷ್ಮಿ ಮಯ್ಯ(ಲಕ್ಷ್ಮಣ)ಪಾತ್ರಗಳನ್ನು ನಿರ್ವಹಿಸಿದರು.