ವಿವಾಹಿತ ಮಹಿಳೆಗೆ ಗರ್ಭಪಾತ ಮಾಡಲು ತನ್ನ ಗಂಡನ ಅನುಮತಿ ಅಗತ್ಯವಿಲ್ಲ; ನಿರ್ಣಾಯಕ ಆದೇಶ ನೀಡಿದ ಕೇರಳ ಹೈಕೋರ್ಟ್

        ಕೊಚ್ಚಿ: ವಿವಾಹಿತ ಮಹಿಳೆಯರು ಗರ್ಭಪಾತ ಮಾಡಿಸಿಕೊಳ್ಳಲು ಪತಿಯ ಅನುಮತಿ ಅಗತ್ಯವಿಲ್ಲ ಎಂದು ಹೈಕೋರ್ಟ್ ಹೇಳಿದೆ. ಪತಿ ಮತ್ತು ತಾಯಿಯ ಕಿರುಕುಳದಿಂದ ತೀವ್ರ ಮಾನಸಿಕ ಸಮಸ್ಯೆಯಿಂದ ಬಳಲುತ್ತಿದ್ದ 26 ವರ್ಷದ ಯುವತಿಗೆ ನ್ಯಾಯಮೂರ್ತಿ ವಿ ಅರುಣ್ ಅವರ ತೀರ್ಪು ಅನುಮತಿ ನೀಡಿದೆ. 26ರ ಹರೆಯದ ಗರ್ಭಿಣಿ ಮಹಿಳೆಯ ಉದರದಲ್ಲಿರುವ 21 ವಾರಗಳ  ಗರ್ಭಕ್ಕೆ ಛಿದ್ರಗೊಳಿಸಲು ಈ ಮೂಲಕ ಮಹತ್ತರ ಆದೇಶ ನೀಡಲಾಗಿದೆ.
               ಪದವಿ ವಿದ್ಯಾರ್ಥಿನಿಯಾಗಿದ್ದಾಗ ಬಸ್ ಕಂಡಕ್ಟರ್ ನನ್ನು ಪ್ರೀತಿಸಿದ್ದಳು. ಬಳಿಕ ಆತನನ್ನೇ ವಿವಾಹವಾದಳು. ಆದರೆ ಶೀಘ್ರದಲ್ಲೇ ಪತಿ ಮತ್ತು ಅತ್ತೆ ವರದಕ್ಷಿಣೆಗೆ ಒತ್ತಾಯಿಸಿ ಪೀಡಿಸಲು ಪ್ರಾರಂಭಿಸಿದರು. ಈ ನಡುವೆ ಗರ್ಭಿಣಿಗೆ ಪತಿ ಕಿರುಕುಳ ನೀಡಲಾರಂಭಿಸಿದ್ದ.
                ಪತಿಯಿಂದ ಕಿರುಕುಳ ಮುಂದುವರಿದ ನಂತರ, ಯುವತಿ ತನ್ನ ತಮರುಮನೆಗೆ ತೆರಳಿ ಗರ್ಭಪಾತಕ್ಕಾಗಿ ಕೊಟ್ಟಾಯಂ ವೈದ್ಯಕೀಯ ಕಾಲೇಜಿನ ಕುಟುಂಬ ಯೋಜನೆ ಕ್ಲಿನಿಕ್ ಅನ್ನು ಸಂಪರ್ಕಿಸಿದಳು. ಆದರೆ ವೈದ್ಯರು ಅದನ್ನು ಪತಿಯೊಂದಿಗೆ ಕಾನೂನುಬದ್ಧವಾಗಿ ಬೇರ್ಪಡಿಸುವ ದಾಖಲೆಗಳಲ್ಲಿದೆ ಎಂದು ಸೂಚಿಸಿ ವಾಪಸ್ ಕಳುಹಿಸಿದ್ದರು. ಬಳಿಕ ಪತಿ ಹಾಗೂ ಕುಟುಂಬದವರ ವಿರುದ್ಧ ಪೋಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದರು.  ಆ ಬಳಿಕ ಮತ್ತೆ ವೈದ್ಯರ ಬಳಿಗೆ ಹೋದರೂ ಆಕೆ 21 ವಾರಗಳ ಗರ್ಭಿಣಿಯಾಗಿದ್ದು ಆರೋಗ್ಯದ ಮೇಲೆ ಪರಿಣಾಮ ಬೀರಲಿದೆ ಎಂಬ ಕಾರಣಕ್ಕೆ ಗರ್ಭಪಾತ ಮಾಡಲು ವೈದ್ಯರು ನಿರಾಕರಿಸಿದ್ದರು. ನಂತರ ಮಹಿಳೆ ಹೈಕೋರ್ಟ್ ಮೆಟ್ಟಿಲೇರಿದ್ದರು.